इफिसियों 2:7 - चम्बयाली नौआ नियम

⁷ ताकि परमेश्वर ए इधेरे तांइ कित्ता ताकि से आणे वाले समय बिच ए दिखाई सकण कि से किन्ने जादा अनुग्रहकारी हिन। परमेश्वर री ए दया मसीह यीशु कने रिश्ते बिच जुड़े रे असी लोक्कां जो दिसदी।

इफिसियों 2:7 ပူးပေါင်းရင်းမြစ်များ

रोमियों 2:4

कै तुसा परमेश्वर री भलाई, सहनशीलता, ते सबर करणे रे धन्न जो बेकार समजदे? कै तू ए नी समजदा कि परमेश्वर री भलाई तुसा जो पाप्पां का तौबा करणे जो सिखांदी?

इफिसियों 1:7

परमेश्वर ने असा जो मसीह रे खून बहाई करी कुर्बानी दैणे रे जरिये छुटकारा दित्ते रा है, जिसेरा मतलब ए है कि असा रे पाप माफ होई गेरे हिन किजोकी परमेश्वर रा अनुग्रह इन्ना महान है जे तिन्हा ने असा पर बड़ा जादा कित्ते रा है।

इफिसियों 2:4

पर परमेश्वर दया कने भरपूर थिये। असी अपणे पाप्पां री वजह कने मुर्देयां सांई थिये, पर परमेश्वर ने असा कने इन्ना जादा प्यार कित्तेया कि तिन्हा ने असा जो मसीह कने फिरी जिन्दा कित्तेया ते असा जो अपणे तिस अनुग्रह कने असा जो बचाया जिसेरे काबिल असी नी हिन।

इफिसियों 3:5

पैल्ले समय बिच परमेश्वर ने अपणाए राज़ कुसकी पर भी ज़ाहिर नी कित्ते रा थिया, पर अवे तिन्हा ने इसजो अपणे पवित्र प्रेरितां ते भविष्यद्वक्तां पर पवित्रात्मा रे जरिये ज़ाहिर कित्ते रा है।

2 थिस्सलुनीकियों 1:12

इय्यां करणे कने तुसा रे जरिये लोक्कां बिच असा रे प्रभु यीशु रा आदरमान होणा ते तुसा जो भी मसीह यीशु का आदरमान मिलणा। ए सारा किच्‍छ असा रे परमेश्वर ते प्रभु यीशु मसीह रे अनुग्रह कने होणा।

तीतुस 3:4

पर फिरी भी असा जो छुटकारा दैणे वाले परमेश्वर ने असा लोक्कां पर दया कित्ती ते असा कने प्यार कित्तेया

1 पतरस 1:12

पर परमेश्वर ने तिन्हा भविष्यद्वक्तां जो ए दस्सेया कि ए बसेख तिन्हा तांइ नी पर तुसा लोक्कां तांइ है। से बसेख मसीह यीशु रा सुब बसेख है जिस जो अवे तुसा सुणी चुके रे हिन। तुसा जो सुब बसेख सुनाणे तांइ लोक्कां री मदद तांइ परमेश्वर ने स्वर्ग का अपणे पवित्रात्मा जो भेज्जेया थिया। स्वर्गदूत भी इन्हा गल्लां जो बड़े उत्तेजित होई करी दिख्खेया करदे हिन।