इफिसियों 2:6 - चम्बयाली नौआ नियम

⁶ परमेश्वर ने असा जो मसीह यीशु कने मुर्देयां बिच का जिन्दा कित्ते रा है, ते मसीह यीशु कने असा रा रिस्ता होणे री वजह कने तिन्हा ने असा जो मसीह यीशु कने स्वर्ग बिच इक्क जगाह् भी दित्ते री है।

इफिसियों 2:6 ပူးပေါင်းရင်းမြစ်များ

मत्ती 26:29

मैं तुसा कने सच बोलदा की अंगूर रा ए रस्स तिस दिन तिकर कदी नी पिगां जां तिकर तुसा कने अपणे पिता रे राज बिच नौआ ना पीयां।

लूका 12:37

से नौक्कर धन्न हिन जे अपणे मालक रे हटणे री भाल अन्दर जागदे हुन्दे ते दुआर खोल्णे तांइ तैयार हुन्दे मैं तुसा जो सच बोल्लेया करदा है, कि तिस मालक ने अप्पु नौकरां वाले कपड़े पाई करी अपणे नौक्करां जो अप्पु रोट्टी खुआणी ते तिन्हेरी सेवा भी करणी

यूहन्ना 12:26

जे कोई मेरी सेवा करे, तां मेरा चेल्ला बणी जाए, ते जित्ते मैं है उत्ते तिनिये भी होणा, तां पिता ने उसदा आदर करणा।

यूहन्ना 14:3

मैं जाणे रे बाद तुसा रे रैह्णे तांइ जगाह् तैयार करणी, ताकि फिरी आई करी तुसा जो अपणे कने उत्ते लेई जांगा ताकि जित्ते मैं रेयां तित्ते तुसा भी रेयो।

इफिसियों 1:1

मैं पौलुस, जे परमेश्वर री मर्जी कने यीशु मसीह रा प्रेरित है इफिसुस री कलीसिया रे विश्वासियां जो ए चीठ्ठी लिख्खेया करदा है।

इफिसियों 1:3

असा रे परमेश्वर ते यीशु मसीह रे पिता री महिमा हो किजोकी तिन्हा ने असा जो मसीह यीशु कने रिस्ता होणे री वजह कने स्वर्ग का हर तरिक्के री आत्मिक आशीषां दित्ती।

इफिसियों 2:10

किजोकी परमेश्वर ने असा जो बणाए रा है ते मसीह यीशु रे जरिये तिन्हा नौए मणू सांई तिन्हा भले कम्मां जो करणे तांइ बणाए गेरे हिन जिन्हा जो परमेश्वर ने इधेरे तांइ तैयार कित्ता कि असी से पूरे करण।

इफिसियों 2:13

तुसा मणू पैल्ले परमेश्वर का दुर थिये पर अवे मसीह कने तुसा रा रिस्ता है किजोकी परमेश्वर ने मसीह यीशु री कुर्बानी देई करी तुसा जो अपणे नेड़े कित्ते रा है।

कुलुस्सियों 1:18

से ही कलीसिया जो, जे तिन्हेरे सरीर सांई है, सही मायने बिच चलांदे ते से अप्पु कलीसिया रे सिर हिन। से ही सुरुआत हिन, ते से ही मुर्देयां बिच का फिरी जिन्दे होणे वाले पैल्ले हिन, ताकि हर इक्क चीज बिच से ही प्रधान ठेहरण।