इफिसियों 2:22 - चम्बयाली नौआ नियम

²² मसीह यीशु रे जरिये तुसा भी बाकि पवित्र मणूआं कने मिली करी परमेश्वर रा पवित्र घर हिन, जित्ते परमेश्वर अपणी अात्मा रे जरिये वास करदे।

इफिसियों 2:22 ပူးပေါင်းရင်းမြစ်များ

1 कुरुन्थियों 3:16

तुसा ठीक तरिक्के कने जाणदे कि तुसा परमेश्वर रा मन्दिर हिन अते पवित्रात्मा तुसा रे बिच वास करदा।

1 कुरुन्थियों 3:9

किजोकी असी मणू परमेश्वर रे सहकर्मी हिन ते तुसा विश्वासी मणू परमेश्वर रे खेत्तर सांई हिन, ते तुसा परमेश्वर रे घर सांई हिन।

1 कुरुन्थियों 6:19

तुसा जो पता ही है कि तुसा रा सरीर इक्क मन्दिर सांई है, जिस बिच पवित्रात्मा वास करदा जे तुसा जो परमेश्वर रे पास्से का मिल्ले रा है, ते तुसा रा अप्पु पर कोई हक नी है किजोकी तुसा परमेश्वर रे हिन।

2 कुरुन्थियों 6:16

ते मूर्तां कने परमेश्वर रे मन्दिर रा कोई रिस्ता नी। किजोकी असी ता जिन्दे परमेश्वर रे मन्दिर हिन, जिय्यां परमेश्वर ने बोल्ले रा है, “मैं तिन्हा लोक्कां बिच बसणा ते तिन्हा बिच चलणा-फिरणा, मैं तिन्हेरा परमेश्वर होण ते से मेरे मणू होणे।”

इफिसियों 3:17

मैं प्रार्थना करदा कि तुसा रे दिल मजबूत होई जाण ताकि जिय्यां तुसा मसीह यीशु पर विश्वास करण तिय्यां ही से तुसा रे दिल बिच बसी रैह्ण ते परमेश्वर ते बाकि लोक्कां तांइ तुसा रा प्यार तुसा जो मजबूत बणाई रख्खे।

1 यूहन्ना 3:24

जे तिसेरे हुकमां जो मनदा, से परमेश्वर कने बणी रैहन्दा ते परमेश्वर तिस मणू बिच बणी रैहन्दा ते इस तरिक्के कने पवित्रात्मा रे जरिए जिस जो परमेश्वर ने असा जो दित्तेया है, असी ए जाणदे कि असा रा परमेश्वर कने रिस्ता बणे रैहन्दा।

1 यूहन्ना 4:13

इस कने ही असी जाणदे कि असी परमेश्वर अन्दर बणी रैह्‍न्दे, ते से असा अन्दर, किजोकी तिनिए अपणी पवित्रात्मा असा जो दित्ते रा है।

1 यूहन्ना 4:16

ते असी जाणदे ते विश्वास करदे कि परमेश्वर असा कने बड़ा जादा प्यार करदे। परमेश्वर प्यार है, जे प्यार बिच बणी रैह्न्दा, से परमेश्वर बिच बणी रैहन्दा, ते परमेश्वर तिस अन्दर बणी रैह्न्दा।