इफिसियों 2:2 - चम्बयाली नौआ नियम2 तिस बेल्ले तुसा दुनियादारी रे तौर-तरिक्के कने चलदे थिये ते तुसा शैतान रे कहे मुताबिक चलेया करदे थिये जे दुष्टात्मां रा हाकिम है, ते जे अज्ज भी तिन्हा लोक्कां बिच कम्म करेया करदा है जे परमेश्वर रे हुकमां री ना-फरमानी करदे। အခန်းကိုကြည့်ပါ။ |
इफिसियों 2:2
64 ပူးပေါင်းရင်းမြစ်များ
किजोकी तुसा ने अपणे पैल्ले री जिन्दगी जो तिन्हा कम्मां बिच गुजारी दित्ती जिन्हा जो करणे बिच अविश्वासी मणू बड़े खुस रैह्न्दे। तुसा री जिन्दगी व्यभिचार ते अश्लीलता, ते अविश्वासी लोक्कां री धाम ते सराब पी करी मतवाल्ले होणे, रंगरेलियां मनाणे, ते तिन्हेरी मूर्तां री पूजा करणे बिच बीत्ती जिन्हा का परमेश्वर नफरत करदे।
से जिस भी जनानी जो दिखदे तिस कने व्यभिचार ही करणा चाह्ंदे। से पाप करणे रे मौक्केयां जो तोपदे रैह्न्दे। जे मणू मसीह बिच विश्वास करणे अंदर मजबूत नी हिन, से मणू तिन्हा जो भटकाई करी तिन्हा का पाप करवांदे। तिन्हेरे जादा का जादा चीजां जो हासिल करणे रे तिन्हेरे लालच री वजह कने परमेश्वर ने तिन्हा जो सजा दैणी।
तिसने अजगर जो पकड़ेया जे पैल्ले कीड़े रे रुप बिच भी जाहिर होया थिया, ते जिस जो शैतान भी बोलदे। तिस स्वर्गदूत ने तिसजो झंझिरां बिच बन्नेया तिसजो पताल बिच कैद करी दित्तेया। तिसजो कैद बिच पाणे का बाद तिसने दुआर पर निशानी लाई दित्ती ताकि तिसका बाहर आणे तांइ रस्ता ना रे, इधेरे तांइ हजार साल्लां तांइ तिसका देस-देस रे लोक्कां जो भटकाणे रा कोई रस्ता नी रेया। जां से समय मुकी जाए, तां से अजाद कित्तेया जाए, पर सिर्फ थोड़े समय तांइ।”
ကြော်ငြာတွေ