इफिसियों 2:14 - चम्बयाली नौआ नियम

^14-16 मसीह ने अप्पु ही असा बिच सांती बणाई। पैल्ले-पैल्ले यहूदी ते गैर यहूदियां बिच इन्नी जादा नफरत थी कि जिय्यां दोन्नां बिच मझाटे कोई दुआल हो पर अवे मसीह यीशु ने सुली पर अपणी कुर्बानी रे जरिये तिस दुआल जो ढाह्ई दित्ते रा है ते दोन्नां पास्से रे लोक्कां जो आपस बिच मिलाई दित्ता। मसीह यीशु ने मूसा रे कानून जो रद्द करी दित्तेया ते परमेश्वर कने असा रा मेल जोल कराई दित्तेया।

इफिसियों 2:14 ပူးပေါင်းရင်းမြစ်များ

लूका 1:79

जे मणू परमेश्वर जो नी जाणदे से इदेय हिन कि जिय्यां से मौत रे साये बिच बैठ्ठे रे हिन, ते हमेसा री मौत री खतरे बिच हिन जे कि नरक है, इधेरे तांइ परमेश्वर री रौसनी तिन्हा लोक्कां जो परमेश्वर रे सांती रे रस्ते पर लेई चलणा।

लूका 2:14

“स्वर्ग अन्दर परमेश्वर री बड़ाई हो, ते दुनिया अन्दर तिन्हा मणूआं अन्दर सांती हो जिन्हा कने परमेश्वर खुस हिन।”

यूहन्ना 10:16

मेरी होर भी भेड़ां हिन, जे इस गुआड़ री नी हिन मेरे जो तिन्हा जो भी लाणा जरुरी है तिन्हा ने मेरी अवाज सूणनी, तां इक्क ही झुण्ड ते इक्क ही पुहाल होणा।

यूहन्ना 11:52

ते ना सिर्फ उस जाति तांइ पर इस तांइ भी परमेश्वर रे तित्तर-बित्तर बच्चेयां जो भी इक्क करी दे।

यूहन्ना 16:33

ए गल्लां मैं तुसा रे कने बोल्ली हिन कि तुसा जो मेरे जरिए सांती मिल्लो, दुनिया बिच तुसा जो तकलिफां मिल्ली हिन, पर हिम्मत रख्खो किजोकी मैं इस दुनिया रे सरदार, शैतान जो हराई दित्ते रा है।

प्रेरितां रे कम्म 10:28

तिन्हा जो बोल्लेया, तुसा जाणदे हिन, कि गैर यहूदियां कने मिल्णा-जुलणा या तिन्हेरे तित्ते जाणा असा यहूदी मणूआं तांइ तिन्हेरे विधान रे खिलाफ है, पर परमेश्वर ने मेरे जो दस्से रा है, कि कुसकी भी मणू जो अपवित्र या असुच्चा नी बोल्ले।

प्रेरितां रे कम्म 10:36

जे बसेख तिन्हा ने इस्राएल बिच भेज्जेया, हालाकिं तिन्हा ने मसीह यीशु, जे सबणी रे प्रभु हिन रे जरिए सांती रा सुब बसेख सुणाया।

रोमियों 5:1

इधेरे तांइ परमेश्वर ने असा जो मसीह बिच विश्वास करणे रे जरिये धार्मिक ठैहराया। ते प्रभु यीशु मसीह रे जरिये असा रा परमेश्वर कने मेल-मिलाप होया।

गलातियों 3:28

अवे जां असा सारेयां ने मसीह यीशु बिच विश्वास करी लित्ते रा है, तां अवे असी परमेश्वर री नजर बिच असा रा मसीह कने रिस्ता जुड़ी गे रा है। अवे ना कुसकी यहूदी ते गैर यहूदी बिच कोई फरक नी रेया, ना ही दास ना ही अजाद मणू बिच, ना ही आदमी ते ना ही औरत बिच, किजोकी अवे तुसा सारे मसीह यीशु बिच इक्क बराबर हिन।

इफिसियों 2:17

मसीह यीशु तुसा गैर यहूदी लोक्कां का आए जे परमेश्वर का दुर थिये, ते से यहूदी लोक्कां भी आए जे परमेश्वर रे नेड़े थिये ते तुसा सारेयां बिच परमेश्वर कने मेल-मिलाप रा सुब बसेख सुणाया।

इफिसियों 3:15

से ही हिन जिन्हा का स्वर्ग ते धरती रे सारे परिवारां जो पछाण मिलदी।

इफिसियों 4:16

असी सारे जणे जे मसीह यीशु बिच विश्वास करदे, तिन्हेरे सरीर रे हिस्से सांई हिन। जिय्यां कुसकी मणू रा सरीर जोड़ां री वजह इक्क गठ्ठ होई करी रैह्न्दा, ते जां सरीर रा हर इक्क हिस्सा सही तरिक्के कने कम्म करदा, तां सरीर बदधा ते मजबूत बणदा जांदा, तिय्यां ही जां असा बिच का हर इक्क जणा सही तरिक्के कने से कम्म करदा जे मसीह ने असा जो दित्ते रा है, तां असा ने भी ताकतवर, परिपक्व होणा ते इक्क-दूए कने प्यार करणा।

कुलुस्सियों 1:20

ते परमेश्वर ने अपणे पुत्तर जो दुनिया बिच भेज्जेया जिन्हा ने सुली पर कुर्बानी दित्ती। परमेश्वर ने ए सब किच्‍छ इधेरे तांइ कित्ता ताकि से हर इक्क चीज कने सांती बणाई करी मेल जोल करी लैण। इसी तरिक्के कने परमेश्वर ने आसमान ते धरती री हर इक्क चीज कने अपणा मेल जोल करी लित्ता।

कुलुस्सियों 2:20

किजोकी तुसा रा पापी स्वभाव मसीह यीशु कने मारी दित्तेया गे रा है, इधेरे तांइ अवे तुसा जो दुनियावी रीति-रीवाज्जां जो मनणे री जरुरत नी है, फिरी भी तुसा तिन्हा गल्लां जो इय्यां मनदे कि जिय्यां कि से हल्ले भी तुसा जो काबू बिच रखदे,

कुलुस्सियों 3:11

जिसेरा अंजाम ए होया कि तिस बिच कोई यूनानी, यहूदी, खतना वाले, बगैर खतना वाले, विदेशी, नौक्कर ते अजाद मणूआं बिच कोई फरक नी रेया, पर सिर्फ मसीह यीशु ही सारेयां बिच सबका जादा जरुरी हिन ते तुसा तिन्हेरे हिसाब कने जिन्दगी जियो।

कुलुस्सियों 3:15

अप्पु जो तिस सांती रे वस बिच करी देयो जे मसीह का मिलदी, किजोकी तुसा सारे ही इक्क ही सरीर रे हिस्सा हिन ते तुसा सारे इक्क-दूए कने सांती कने रैह्णे तांइ सद्दे गेरे हिन।

इब्रानियों 13:20

अवे असा रा सांती दैण वाला परमेश्वर, जिन्हा ने असा रे प्रभु यीशु मसीह जो मुर्देयां बिच का जिन्दा कित्तेया, हमारे जैसी भेड़ां तांइ इक्क पुहाल सांई हिन। तिन्हा ने अपणी जान री कुर्बानी देई करी हमेसा री वाचा जो पक्का कित्तेया।