इफिसियों 2:11 - चम्बयाली नौआ नियम

¹¹ इधेरे तांइ याद रख्खो, कि तुसा पैदाइसी गैर यहूदी हिन ते यहूदी मणू तुसा रा इस गल्ल तांइ मजाक उड़ांदे। से इस गल्ल तांइ तुसा रा मजाक उड़ांदे किजोकी तिन्हेरा खतना होए रा है पर तुसा रा खतना नी होए रा है, पर तिन्हेरी ए रीति सिर्फ सरीर पर ही लागू हुंदी।

इफिसियों 2:11 ပူးပေါင်းရင်းမြစ်များ

मत्ती 20:7

तिनिये उन्हा जो बोल्लेया, तुसा भी अंगूर रे बगीच्चे बिच जाओ ते तित्ते कम्म करो।

रोमियों 11:17

इस्राएल देस रे मणू जैतून रे बूट्टे री डालियां सांई हिन। ते तिन्हेरी जड़ तिन्हेरे पुरखा अब्राहम, इसहाक ते याकूब हिन। ते जे अगर किच्‍छ डालियां तिस बिच का कट्टी भी दित्ती गयी हो, ते अगर तू इक्क जंगली बूट्टे री डाली होणे रे बावजूद भी तिन्हा बिच साट्टेया गेया हो, तां जिय्यां कोई साट्टे रे डाली तिस बूट्टे री चिकनेपन री हिस्सेदार बणदी, तिय्यां ही तू भी यहूदियां जो मिलणे वाली तिन्हा आशीषां रा हिस्सेदार बणेया, जिसेरा वादा परमेश्वर ने अब्राहम कने कित्तेया थिया।

रोमियों 2:26

ते जे अगर बिना खतने वाले गैर यहूदी मणू कानून जो मन्ने, तां परमेश्वर ने तिन्हा लोक्कां जो खतना कित्ते रे लोक्कां रे बराबर ही दिखणा।

रोमियों 2:27

हर इक्क मणू ने जिसेरा कदी खतना नी होया हो पर फिरी भी कानून जो मनदा हो, तुसा पर इल्जाम लाणा। हालांकि तुसा रा खतना भी होया ते तुसा का परमेश्वर रा कानून भी है पर तुसा फिरी भी तिसेरा पालण नी करदे।

1 कुरुन्थियों 12:2

तुसा जाणदे कि तुसा रे मसीह यीशु बिच विश्वास करणा का पैल्ले तुसा मूर्ति पूजा करणे तांइ मते तरिक्के कने भटकाए गे थिये।

1 कुरुन्थियों 6:11

ते तुसा बिच का मते जणे पैल्ले इदेय ही थिये, पर तुसा प्रभु यीशु मसीह ते परमेश्वर रे आत्‍मा ने तुसा रे पाप साफ कित्ते गे ते तुसा पवित्र ते धार्मिक भी ठैहराया।

गलातियों 2:15

असी गैर यहूदी लोक्कां सांई पाप्पी नी हिन जदेया कि यहूदी मणू तिन्हेरे बारे बिच बोलदे, पर असी पैदा हुंदे का ही यहूदी हिन।

गलातियों 6:12

जे मणू सिर्फ बाहरी दिखावा करदे, से ही मणू तुसा पर खतना कराणे रा दवाब पांदे। से इधेरे तांइ इय्यां करदे ताकि मसीह रे सुली रा बसेख सुनाणे री वजह कने तिन्हा पर जुल्म ना हो।

इफिसियों 2:2

तिस बेल्ले तुसा दुनियादारी रे तौर-तरिक्के कने चलदे थिये ते तुसा शैतान रे कहे मुताबिक चलेया करदे थिये जे दुष्टात्मां रा हाकिम है, ते जे अज्ज भी तिन्हा लोक्कां बिच कम्म करेया करदा है जे परमेश्वर रे हुकमां री ना-फरमानी करदे।

इफिसियों 5:8

तुसा पैल्ले न्याहरे बिच जीणे वाले मणूआं सांई थिये, पर अवे तुसा रौसनी रे मणू हिन किजोकी तुसा परमेश्वर रे मणू हिन। इधेरे तांइ रौसनी रे मणूआं सांई जिन्दगी जियो।

फिलिप्पियों 3:3

हकीकत बिच तां असी परमेश्वर रे मणू हिन, ते परमेश्वर रे पवित्रात्मा रे दसणे रे हिसाब कने अराधना करदे, ते मसीह यीशु पर घमंड करदे ते असी अपणे इन्सानी कम्मां पर निर्भर नी हुंदे।

कुलुस्सियों 1:21

तुसा मणू पैल्ले परमेश्वर रे खिलाफ थिये, ते तुसा अपणे बुरे कम्मां ते गलत कम्मां री वजह कने तिन्हा का दुर होई गे थिये।

कुलुस्सियों 2:11

जां तुसा मसीह यीशु बिच विश्वास कित्तेया, तां तुसा रा इदेया खतना होया जे कुसकी इन्सान ने कित्तेया हो, पर से मसीह यीशु रे जरिये होया, जे की तुसा रे पापी स्वभाव रा कट्टेया जाणा थिया।

कुलुस्सियों 2:13

तुसा अपणे पाप्पां ते पापी स्वभाव री वजह कने इक्क मुर्दे मणू सांई थिये, ते अपणे पापी स्वभाव का हल्ले कट्टे नी गे थिये। तां परमेश्वर ने तुसा जो मसीह यीशु कने फिरी जिन्दा कित्ता, ते तिन्हा ने असा रे सारे पाप माफ करी दित्ते।

कुलुस्सियों 3:11

जिसेरा अंजाम ए होया कि तिस बिच कोई यूनानी, यहूदी, खतना वाले, बगैर खतना वाले, विदेशी, नौक्कर ते अजाद मणूआं बिच कोई फरक नी रेया, पर सिर्फ मसीह यीशु ही सारेयां बिच सबका जादा जरुरी हिन ते तुसा तिन्हेरे हिसाब कने जिन्दगी जियो।