इफिसियों 1:8 - चम्बयाली नौआ नियम

⁸ जे महान अनुग्रह परमेश्वर ने अपणे बड़े ज्ञान ते समझ कने असा पर कित्तेया।

इफिसियों 1:8 ပူးပေါင်းရင်းမြစ်များ

मत्ती 11:19

मणू रा पुत्तर, जे मैं ही है, खान्दा-पीन्दा, पर मणू बोलदे, इस मणू जो दिख्खो, ए भूखान्ग ते पियक्कड़ है, ए चुंगी लैणे वाले अते पापियां रा मित्र है! पर तिसेरे कम्मां कने तिसेरी समजदारी सही साबित होए।

रोमियों 11:33

वाह! परमेश्वर रा धन्न ते बुद्धी अते ज्ञान किन्ने जादा गम्भीर हिन! कोई भी तिन्हेरे फैसलेयां जो नी समजी सकदा ते कोई भी तिन्हेरे रस्तेयां जो नी समजी सकदा!

रोमियों 5:15

पर आदम रे पाप ते परमेश्वर रे अनुग्रह रे दान बिच बड़ा बड्डा फर्क है। किजोकी आदम रे पाप करणे री वजह कने मते लोक्कां बिच मौत फैल्ली गयी। पर तिसका जादा बधी करी मसीह यीशु रे जरिये मते लोक्कां जो परमेश्वर रा बड़ा अनुग्रह ते धार्मिकता रा दान मिल्लेया।

1 कुरुन्थियों 2:7

जिस ज्ञान रे बारे बिच असी दसदे से परमेश्वर रा ओ ज्ञान है जिस जो तिन्हा ने लुकाई करी रख्खेया। कोई भी तिसेरे बारे बिच नी जाणदा थिया। दुनिया बणाणे का पैल्ले का ही परमेश्वर ने ए फैसला कित्तेया कि तिन्हेरे ज्ञान असा रे आदरमान तांइ है।

इफिसियों 1:11

अते परमेश्वर ने भी असा रा मसीह यीशु कने रा रिस्ता बणाणे रे जरिये असा जो तिन्हेरे अपणे मणू बणाया, किजोकी सुरुआत का ही तिन्हेरी ए योजना थी, ते परमेश्वर सब किच्‍छ अपणी इच्छा ते योजना रे हिसाब कन्ने करदे।

इफिसियों 1:7

परमेश्वर ने असा जो मसीह रे खून बहाई करी कुर्बानी दैणे रे जरिये छुटकारा दित्ते रा है, जिसेरा मतलब ए है कि असा रे पाप माफ होई गेरे हिन किजोकी परमेश्वर रा अनुग्रह इन्ना महान है जे तिन्हा ने असा पर बड़ा जादा कित्ते रा है।

इफिसियों 1:9

परमेश्वर ने अपणी इच्छा रा राज़ ठीक इराद्दे कने असा पर जाहिर कित्तेया, जे तिन्हा ने अप्पु मसीह यीशु रे जरिये स्थापित कित्तेया थिया।

इफिसियों 3:10

अवे परमेश्वर रा मकसद ए है कि कलीसिया रे जरिये तिन्हेरे अनंत ज्ञान जो तिन्हा पर जाहिर करण जे आत्मां री अणदिख्खी दुनिया रे अधिकारी हिन ते तित्ते राज करदे।

कुलुस्सियों 2:3

परमेश्वर रे बारे बिच ज्ञान ते बुद्वी इक्क लुके रे खजाने सांई है। सिर्फ मसीह यीशु ही तिसजो लोक्कां पर प्रकट करदे।

प्रकाशित वाक्य 5:12

अते से ऊँची अवाज बिच गाया करदे थिये, “से उरणू जे कुर्बान कित्तेया गेया थिया, से महिमा रे लायक है। तिन्हेरा हक बड़ा उच्चा है। तिन्हेरा ज्ञान बड़ा गहरा है। से बड़े जादा ताकतवर ते अमीर हिन। असी तिन्हेरी इज्जत करण, असी तिन्हेरा आदरमान करण, असी तिन्हेरी तारीफ करण।”