इफिसियों 1:23 - चम्बयाली नौआ नियम

²³ कलीसिया मसीह यीशु रे सरीर है ते मसीह री भरपुरी कने भरे री है जे सारेया बिच हर इक्क गल्ल जो पूरा करदी।

इफिसियों 1:23 ပူးပေါင်းရင်းမြစ်များ

यूहन्ना 1:16

तिन्हा री अनुग्रह री भरपुरी बिच का असी तिन्हा का इक्क का बाद इक्क मती सारी आशीषां हासिल कित्ती।

रोमियों 13:5

इधेरे तांइ ना सिर्फ सजा का बचणे तांइ, पर अपणे विवेक जो साफ रखणे तांइ भी तुसा जो तिन्हेरे अधीन रैह्णा चाएदा।

1 कुरुन्थियों 15:28

ते जां सारा किच्‍छ मसीह रे अधीन होई जाणा, तां पुत्तर ने अप्पु भी तिस परमेश्वर रे अधीन होई जाणा जिनिये सारा किच्‍छ मसीह रे अधीन कित्तेया थिया ताकि सारेयां उप्पर परमेश्वर ही सर्वोच्च हो।

इफिसियों 3:10

अवे परमेश्वर रा मकसद ए है कि कलीसिया रे जरिये तिन्हेरे अनंत ज्ञान जो तिन्हा पर जाहिर करण जे आत्मां री अणदिख्खी दुनिया रे अधिकारी हिन ते तित्ते राज करदे।

इफिसियों 3:19

मैं प्रार्थना करदा कि तुसा मसीह रे प्यार जो समजी सको जे इन्सानी समझ का परे है ताकि परमेश्वर तुसा जो अपणे स्वभाव कने भरी दैण।

इफिसियों 4:10

मसीह जे थल्ले उतरी गेया से ए ही है जे आसमान री सबका ऊच्ची जगाह् पर चुक्की लित्तेया गेया थिया ताकि से हर जगाह् मौजूद रेयो।

इफिसियों 4:12

तिन्हा ने ए दान इधेरे तांइ दित्ते ताकि से परमेश्वर रे लोक्कां जो तिन्हेरे तांइ कम्म करणे तांइ तैयार करी सकण, ते से मसीह रे सरीर रे रुप बिच पूरी तरह कने पकी जाण ते ताकतवर बणी सकण।

इफिसियों 4:13

असा सारेयां रा मकसद ए है कि असी विश्वास करणे रे जरिये इक्क बणी जाण ते परमेश्वर रे पुत्तर कने रिस्ता होणे री वजह कने असी पके रे विश्वासी बणी जाण, ते पूरे तरिक्के मसीह यीशु सांई बणी जाण, जे बिल्कुल सिद्व हिन।

इफिसियों 4:4

असी इक्क ही सरीर रे हिस्से हिन, ते असा जो इक्क ही पवित्रात्मा भी मिल्ले रा है, से आस भी इक्क ही है जिस बिच तुसा जो परमेश्वर रे मणू बणने तांइ चुणेया गेया थिया।

कुलुस्सियों 1:24

मेरे जो तुसा तांइ जुल्म झेलणे बिच खुसी हुंदी, मैं इस गल्ल बिच खुस है कि मैं मसीह रे सरीर तांइ, जे तिन्हेरी कलीसिया है, आखरी समय तिकर मसीह रा अपणी कलीसिया तांइ जुल्म झेलणे बिच जे भी कम्म अधुरा रेई गे रा हो, तिसजो पूरा करदे रैह्णा।

कुलुस्सियों 2:19

तिन्हा ने मसीह जो छड्डी दित्ते रा है, जे सरीर रूपी कलीसिया रे सिर सांई हिन। किजोकी से ही पूरे सरीर जो अप्पु-मिते तिसेरे जोड़ ते नसां कने जोड़ी करी रखदे, ते से तिय्यां ही बदधे रैहन्दे जिय्यां परमेश्वर चाह्‍ंदे।

कुलुस्सियों 3:11

जिसेरा अंजाम ए होया कि तिस बिच कोई यूनानी, यहूदी, खतना वाले, बगैर खतना वाले, विदेशी, नौक्कर ते अजाद मणूआं बिच कोई फरक नी रेया, पर सिर्फ मसीह यीशु ही सारेयां बिच सबका जादा जरुरी हिन ते तुसा तिन्हेरे हिसाब कने जिन्दगी जियो।

कुलुस्सियों 3:15

अप्पु जो तिस सांती रे वस बिच करी देयो जे मसीह का मिलदी, किजोकी तुसा सारे ही इक्क ही सरीर रे हिस्सा हिन ते तुसा सारे इक्क-दूए कने सांती कने रैह्णे तांइ सद्दे गेरे हिन।