इफिसियों 1:21 - चम्बयाली नौआ नियम

²¹ तित्ते मसीह जो हर तरिक्के री प्रधानी, हक, ताकत, प्रभुता ते सारे पद रे उप्पर बिठाया जे ना सिर्फ इस दुनिया रे बिच है पर से पद आणे वाली दुनिया रे बिच भी होणा।

इफिसियों 1:21 ပူးပေါင်းရင်းမြစ်များ

मत्ती 12:32

अते जे कोई मणू रे पुत्तर, जे मैं ही है रे खिलाफ बिच बोलगा तिसजो माफ कित्तेया जाणा, पर जे कोई पवित्रात्मा रे खिलाफ बिच किच्‍छ बोलगा, तिसेरा ए गुनाह ना तां इस जुग बिच अते ना आणे वाले जुग बिच माफ कित्तेया जाणा।

प्रेरितां रे कम्म 4:12

यीशु जो छड्डी करी कुसकी दूए रे जरिए छुटकारा नी, किजोकी आसमान रे थल्ले मणूआं बिच यीशु छड्डी करी होर कोई दुआ नां नी दित्तेया गेया, जिसेरे जरिए असी छुटकारा पाई सके।

इफिसियों 2:2

तिस बेल्ले तुसा दुनियादारी रे तौर-तरिक्के कने चलदे थिये ते तुसा शैतान रे कहे मुताबिक चलेया करदे थिये जे दुष्टात्मां रा हाकिम है, ते जे अज्ज भी तिन्हा लोक्कां बिच कम्म करेया करदा है जे परमेश्वर रे हुकमां री ना-फरमानी करदे।

इफिसियों 3:10

अवे परमेश्वर रा मकसद ए है कि कलीसिया रे जरिये तिन्हेरे अनंत ज्ञान जो तिन्हा पर जाहिर करण जे आत्मां री अणदिख्खी दुनिया रे अधिकारी हिन ते तित्ते राज करदे।

कुलुस्सियों 2:10

मसीह यीशु हर ताकत ते राज रे उप्पर प्रधान हिन, इधेरे तांइ जां तुसा मसीह यीशु कने जुड़े रे हिन, तां तुसा बिच कुसकी भी गल्ल री कमी नी हुंदी।

कुलुस्सियों 2:15

ते तिस तरिक्के कने तिन्हा ने दुष्ट प्रधानता ते अधिकारां जो हराई दित्ता। ते सुली पर जीत हासिल करी के, खुलेआम तिन्हेरा तमाशा बणाया।

इब्रानियों 1:4

इस तरिक्के कने पुत्र रा ओह्दा स्वर्गदूतां का बड्डा ठैहरेया; किजोकी जे नां पुत्र जो विरासत बिच परमेश्वर का मिल्ले रा है, से बाकियां रे नां का बड्डा है।

इब्रानियों 2:5

परमेश्वर ने तिस नौई दुनिया जो स्वर्गदूतां रे अधीन नी, पर पुत्र रे अधीन कित्तेया, जिसेरे बारे बिच असी गल्लां करेया करदे हिन।

इब्रानियों 4:14

यीशु जे स्वर्ग बिच गे थिये, से परमेश्वर रे पुत्तर ते असा रे प्रधान पुरोत्त हिन। से असा सारेयां रे बड्डे पुरोत्त हिन। इधेरे तांइ, असा जो तिस विश्वास जो छड्डे बगैर तिन्हा बिच मजबूती कने बणी रैह्णा चाएदा, जिस जो असी सबका पैल्ले अपणाए रा है।

1 पतरस 3:22

ते अवे से स्वर्ग जो चली गेरे हिन। से अवे सबका ऊच्ची जगाह् पर, परमेश्वर रे सज्जे हत्थ पास्से का सारे स्वर्गदूतां पर ते सारी हुकुमतां ते ताकतां पर राज करेया करदे हिन।