इफिसियों 1:17 - चम्बयाली नौआ नियम

¹⁷ मैं प्रार्थना करदा कि असा रे प्रभु यीशु मसीह रे महिमामय पिता परमेश्वर तुसा जो आत्मिक ज्ञान ते समजदे ताकि तुसा तिन्हा जो पूरी तरिक्के कने जाणी सको।

इफिसियों 1:17 ပူးပေါင်းရင်းမြစ်များ

मत्ती 11:25

तिस्सी बेल्ले यीशु ने बोल्लेया, ओ पिता, आसमान ते जमीन रे प्रभु, मैं तेरा शुकर करदा कि तुसा ने इन्हा गल्लां जो अते समजदार लोक्कां का लुकाई रखेया, पर आम लोक्कां पर जाहिर कित्तेया।

मत्ती 11:27

मेरे परम पिता ने सब किच्‍छ मेरे हवाले करी दित्तेया, अते कोई पुत्तर जो नी जाणदा, सिर्फ परम पिता जाणदा अते कोई परम पिता जो नी जाणदा, सिर्फ पुत्तर जाणदा, अते हर इक्क से मणू परम पिता जो जाणदा, जिस पर पुत्तर तिसजो जाहिर करणा चाए।

मत्ती 16:17

यीशु ने उन्हा जो बोल्लेया, ओ शमौन, योना रे पुत्तर, तू धन्न है किजोकी मांस अते खून ने नी, पर मेरे पिता ने जे स्वर्ग बिच हिन, ए गल्ल तिन्हा पर जाहिर कित्ती।

मत्ती 20:33

तिन्हा ने उन्हेरे जो बोल्लेया, “ओ प्रभु, ए ही कि असा री हाख्खियां खुली जाण।”

मत्ती 6:13

अते असा जो परखदे मत, पर शैतान का बचाई रख्खेयो, (किजोकी राज, पराक्रम ते महिमा हमेसा तुसा रा ही है, आमीन)!

लूका 12:12

किजोकी पवित्रात्मा ने तुसा जो सखाई दैणा कि तिस बेल्ले तुसा जो कै बोलणा चाएदा।

लूका 2:14

“स्वर्ग अन्दर परमेश्वर री बड़ाई हो, ते दुनिया अन्दर तिन्हा मणूआं अन्दर सांती हो जिन्हा कने परमेश्वर खुस हिन।”

लूका 21:15

किजोकी मैं तुसा जो इदेइ जुबान ते समझ दैणी कि तुसा रे दुश्मण तुसा री गल्ल नी कटी सकगे ते ना तुसा रा सामणा करी सकगे।

यूहन्ना 14:17

मतलब से आत्‍मा, जे लोक्कां जो परमेश्वर रे सच रे बारे बिच एहसास दुआंदी, ते जिस जो दुनिया अपणाई नी सकदी, किजोकी से ना तां तिन्हा जो दिखदा ते से ना तिसजो जाणदा। तुसा तिसजो जाणदे, किजोकी से तुसा रे कने रैहन्दा, ते से तुसा बिच होणा।

यूहन्ना 14:26

पर पिता ने मेरे नां कने भेजणा इक्क मददगार जो भेजणा जे पवित्रात्मा है, तिसने तुसा जो सब गल्लां सखाणी, अते जे किच्‍छ मैं तुसा जो बोल्लेया से सब गल्लां तिन्ने तुसा जो चेत्ता कराणी।

यूहन्ना 16:3

अते तिन्हा ने इय्यां इधेरे तांइ करणा किजोकी तिन्हा ने ना ता स्वर्ग बिच रैह्णे वाले पिता जो जाणेया ते ना ही मेरे जो जाणेया,

यूहन्ना 17:3

ते इस तरिक्के कने हमेसा री जिन्दगी जो हासिल कित्तेया जाई सकदा कि मणू इकलौते सच्चे परमेश्वर जो ते यीशु मसीह यानी मेरे जो जाणे जिस जो तुसा दुनिया रे लोक्कां का भेज्जे रा है।

यूहन्ना 20:17

यीशु ने तिसजो बोल्लेया, मेरे जो मत छू, किजोकी मैं हल्ले तांइ पिता का उप्पर नी गेया, पर मेरे चेल्‍लेयां का जाई करी तिन्हा जो बोल्ली दे, मैं अपणे ते तुसा रे परम पिता, अते अपणे ते तुसा रे परमेश्वर का उप्पर जाया करदा है।

प्रेरितां रे कम्म 6:10

से मणू तिन्हा गल्लां रा जवाब नी देई सके जे स्तिफनुस बोल्लेया करदा थिया किजोकी पवित्रात्मा ने तिसजो समजदारी कने जवाब दैणे री ताकत दित्ती थी।

प्रेरितां रे कम्म 7:2

स्तिफनुस ने बोल्लेया, ओ भाईयों, ते बुजूर्गों सुणो, असा रा बुजुर्ग अब्राहम हारान कस्बे बिच बसणे का पैल्ले जां मेसोपोटामिया बिच थिया, तां महिमामय परमेश्वर ने तिन्हा जो दर्शन दित्ता।

रोमियों 1:28

जां तिन्हा ने सोच्चेया कि परमेश्वर जो जाणना तिन्हा तांइ बेवकूफी री गल्ल है, तां परमेश्वर ने भी तिन्हा जो गलत कम्म करणे तांइ तिन्हेरे निकम्मे मन पर छड्डी दित्तेया।

रोमियों 15:6

ताकि तुसा सारे कठ्ठी करी असा रे परमेश्वर री बड़ाई करो जे असा रे प्रभु यीशु मसीह रे पिता हिन।

1 कुरुन्थियों 12:8

पवित्रात्मा इक्क जणे जो तिन्हेरे बसेख रे बारे बोलणे री खूबी दिंदे जे कि ज्ञान कने भरपूर हुंदी, ते से ही आत्‍मा दूए मणू जो तिन्हेरा बसेख बोलणे री खूबी दिंदे जे समझ कने भरपूर हुंदा।

1 कुरुन्थियों 14:6

ओ संगी विश्वासियों जे अगर मैं तुसा का आई करी बखरी-बखरी भाषा बिच गल्लां करणे रे बजाए प्रकाशन, ज्ञान या परमेश्वर रे बसेख री शिक्षा री गल्लां करां, तां तुसा जो मेरे का फायदा होणा।

1 कुरुन्थियों 2:10

पर परमेश्वर ने तिन्हा जो पवित्रात्मा रे जरिए असा पर जाहिर कित्तेया, किजोकी पवित्रात्मा सब गल्लां जो, बल्कि परमेश्वर री गहराई री गल्लां जो भी जांचदा।

1 कुरुन्थियों 2:8

परमेश्वर री योजना रे तिस ज्ञान जो इस जुग रे प्रधान लोक्कां बिच का कुसकी ने भी नी समजेया थिया। जे अगर से समजी गेरे हुंदे तां महिमा रे प्रभु मसीह यीशु जो सुली पर नी चढ़ांदे।

2 कुरुन्थियों 12:1

हालांकि मेरे तांइ घमंड करणा फायदेमंद ता नी है, पर मेरे जो घमंड करणा पैंदा। पर अवे मैं परमेश्वर रे पास्से का मिल्ले रे दर्शनां ते दस्से री गल्लां रे बारे बिच चर्चा करणी।

इफिसियों 1:3

असा रे परमेश्वर ते यीशु मसीह रे पिता री महिमा हो किजोकी तिन्हा ने असा जो मसीह यीशु कने रिस्ता होणे री वजह कने स्वर्ग का हर तरिक्के री आत्मिक आशीषां दित्ती।

इफिसियों 3:5

पैल्ले समय बिच परमेश्वर ने अपणाए राज़ कुसकी पर भी ज़ाहिर नी कित्ते रा थिया, पर अवे तिन्हा ने इसजो अपणे पवित्र प्रेरितां ते भविष्यद्वक्तां पर पवित्रात्मा रे जरिये ज़ाहिर कित्ते रा है।

इफिसियों 4:13

असा सारेयां रा मकसद ए है कि असी विश्वास करणे रे जरिये इक्क बणी जाण ते परमेश्वर रे पुत्तर कने रिस्ता होणे री वजह कने असी पके रे विश्वासी बणी जाण, ते पूरे तरिक्के मसीह यीशु सांई बणी जाण, जे बिल्कुल सिद्व हिन।

फिलिप्पियों 3:15

अते असा बिच जिन्ने भी मणू आत्मिक तौर पर परिपक्व हिन, से इदेइ ही सोच रख्खे ते जे अगर तुसा रा होर गल्लां बिच किच्‍छ होर सोच-विचार हो तां परमेश्वर ने तुसा जो से गल्ल भी दस्सी दैणी।

2 तीमुथियुस 2:25

ते तिसजो तिन्हा लोक्कां जो बड़ी नरमदिली कने समझाणा चाएदा जे तिसेरे खिलाफ हिन, मुमकिन है कि परमेश्वर तिन्हा जो अपणा मन बदलणे बिच मदद करे ताकि से मणू भी मसीह री सच्चाई जो जाणे।

तीतुस 1:1

मैं पौलुस ए चीठ्ठी तीतुस जो लिख्खेया करदा है, मैं परमेश्वर रा दास ते यीशु मसीह रा प्रेरित है। मैं परमेश्वर रे चुणे रे लोक्कां रा मसीह बिच विश्वास मजबूत करणे ते मसीह रे बसेख री सच्ची शिक्षा दसणे तांइ चुणेया गे रा है ताकि से मणू इदेइ जिन्दगी जीण जिस कने परमेश्वर खुस हुंदे।

याकूब 2:1

ओ मेरे संगी विश्वासियों, तुसा असा रे महिमामय मसीह यीशु बिच विश्वास करणे वाले मणू हिन, इधेरे तांइ तुसा बिच दूज करणे रा स्वभाव ना हो।

2 पतरस 1:3

परमेश्वर ने अपणी ताकत कने असा जो से सब किच्‍छ दित्ते रा है जिसेरी असा जो परमेश्वर जो खुस करणे तांइ भक्ति कने भरपूर जिन्दगी जीणे री जरुरत है। से ते परमेश्वर इक्क ही हिन जिन्हा ने असा जो अपणी महिमा ते भलाई री वजह कने तिन्हेरे अपणे मणू बणने तांइ सद्दे रा है।

2 पतरस 3:18

पर तुसा जो असा रे प्रभु ते छुटकारा दैणे वाले मसीह यीशु रे अनुग्रह रा होर भी जादा अनुभव करणा चाएदा, ते तिन्हा जो समजणे बिच होर भी जादा बधणा चाएदा। तिन्हा रा आदरमान अब्बे ते हमेसा-हमेसा तिकर हुंदा रे।

प्रकाशित वाक्य 7:12

असी ए एलान करदे कि असा रे परमेश्वर महान, ताकतवर, महामहिम, ते समजदार हिन। आओ असी तिन्हेरी तारीफ ते महिमा हमेसा-हमेसा तिकर करदे रैह्ण, आमीन।