इफिसियों 1:15 - चम्बयाली नौआ नियम

¹⁵ इधेरे तांइ जिस बेल्ले का मैं प्रभु यीशु बिच तुसा रे विश्वास अते सब पवित्र मणूआं तांइ तुसा रे प्यार रे बारे बिच सुणे रा है,

इफिसियों 1:15 ပူးပေါင်းရင်းမြစ်များ

प्रेरितां रे कम्म 20:21

पर यहूदियां ते यूनानियां रे सामणे गवाई दिन्दा रेया कि परमेश्वर रे पास्से मन फेरणा अते असा रे प्रभु मसीह यीशु जी पर विश्वास करणा चाएदा।

रोमियों 1:8

पैल्ले मैं तुसा सारे वास्ते मसीह यीशु रे जरिए अपणे परमेश्वर रा शुक्रिया करदा, किजोकी जगाह्-जगह मसीह बिच तुसा रे विश्वास री गल्लां होया करदी हिन।

गलातियों 5:6

जां असी मसीह यीशु बिच विश्वास करणा सुरु करी दिंदे तां यहूदी या गैर यहूदी होणे रा कोई फरक नी रैहन्दा। पर जरुरी गल्ल ए है कि असी मसीह बिच विश्वास करदे ते तिस वजह कने परमेश्वर ते बाकि मणू प्यार रखदे।

इफिसियों 1:1

मैं पौलुस, जे परमेश्वर री मर्जी कने यीशु मसीह रा प्रेरित है इफिसुस री कलीसिया रे विश्वासियां जो ए चीठ्ठी लिख्खेया करदा है।

इफिसियों 3:18

ते परमेश्वर रे सारे लोक्कां कने तुसा ने भी इस गल्ल जो समजी सकणा कि मसीह यीशु असा जो इन्ना जादा प्यार करदे जे असी बयान भी नी करी सकदे।

1 थिस्सलुनीकियों 1:3

जां असी पिता परमेश्वर का प्रार्थना करदे तां असी तुसा लोक्कां रे विश्वास रे हिसाब रे कम्मां जो, ते विश्वासी लोक्कां तांइ तुसा रे प्यार भरे कम्मां जो, ते मसीह यीशु रे हटणे री आस बिच मुसीबतां रे दौरान तुसा रे सबर रखणे जो भी याद करदे।

1 थिस्सलुनीकियों 4:9

पर मेरे जो चीठ्ठी लिख्खी करी तुसा जो संगी विश्वासियां कने प्यार रखणे तांइ दसणे री जरुरत नी है, किजोकी से तुसा अप्पु परमेश्वर का सिख्खे रा है।

2 थिस्सलुनीकियों 1:3

ओ संगी विश्वासियों, असा जो तुसा तांइ हमेसा परमेश्वर रा शुकर करणा चाएदा। इय्यां करणा ठीक है किजोकी तुसा मसीह बिच विश्वास करणे बिच होर जादा मजबूत होया करदे हिन ते तुसा बिच आपसी प्यार भी बदेया करदा है।

1 तीमुथियुस 1:14

परमेश्वर ने लगातार मेरे पर भरपूर अनुग्रह कित्तेया, ते तिन्हा ने मेरे जो मसीह यीशु बिच विश्वास ते प्यार दित्तेया।

1 तीमुथियुस 1:5

ए हुकम दैणे रा मकसद ए है कि तुसा साफ मन, साफ विवेक अते सच्चे विश्वास कने इक्क-दूए कने प्यार करो।

फिलेमोन 1:5

किजोकी मैं मसीह यीशु बिच तुसा रे विश्वास ते परमेश्वर रे सारे लोक्कां तांइ तुसा रे प्यार रे बारे बिच सुणे रा है।

इब्रानियों 6:10

किजोकी परमेश्वर हमेसा इंसाफ ही करदे; तिन्हा ने तुसा रे से कम्म नी भुलणे ते ना तुसा रे तिस प्यार जो भुलणा जे तुसा ने तिन्हेरे लोक्कां री मदद करी के दिखाया। ते तिन्हा ने से भी याद रखणा अब्बे जे तुसा तिन्हेरे लोक्कां री मदद करेया करदे हिन।

1 पतरस 1:22

सच्चाई जो मन्नी करी चलणे री वजह कने अवे तुसा सुच्चे कित्ते गे, अवे तुसा जो तन-मन लाई करी संगी विश्वासियां कने आपसी प्यार रखणा चाएदा। बड़ी चाह्‍त ते पूरे दिल कने इक्क-दूए कने प्यार रख्खो।

1 यूहन्ना 3:17

पर जिस का इस दुनिया री धन-दौलत है अते से अपणे संगी विश्वासियां जो जरुरत रे बेल्ले तिस पर दया नी करदा, तां तिस बिच परमेश्वर रा प्यार नी है।

1 यूहन्ना 4:21

ते तिसका असा जो ए हुकम मिलेरा है कि जे कोई अपणे परमेश्वर कने प्यार रखदा, से अपणे संगी विश्वासी कने भी प्यार रख्खो।