इफिसियों 1:12 - चम्बयाली नौआ नियम

¹² परमेश्वर ने ए इधेरे तांइ कित्तेया ताकि असी यहूदी मणू जे मसीह बिच आस रखणे वाले पैल्ले मणू हिन तिन्हेरी महिमा ते बड़ाई करी सकण।

इफिसियों 1:12 ပူးပေါင်းရင်းမြစ်များ

यूहन्ना 14:1

तुसा रा मन दुखी ना हो। परमेश्वर पर विश्वास रख्खो, ते मेरे पर भी विश्वास रख्खो।

इफिसियों 1:6

परमेश्वर ने इय्यां इस तांइ कित्तेया ताकि तिन्हेरे महिमामय अनुग्रह तांइ तिन्हेरी बड़ाई करण, जिस जो तिन्हा ने असा लोक्कां जो मुफ्त बिच इधेरे तांइ दित्तेया किजोकी असा रा तिन्हेरे प्यारे पुत्तर कने रिस्ता है।

इफिसियों 2:7

ताकि परमेश्वर ए इधेरे तांइ कित्ता ताकि से आणे वाले समय बिच ए दिखाई सकण कि से किन्ने जादा अनुग्रहकारी हिन। परमेश्वर री ए दया मसीह यीशु कने रिश्ते बिच जुड़े रे असी लोक्कां जो दिसदी।

2 थिस्सलुनीकियों 2:13

ओ संगी विश्वासियों ते प्रभु रे प्यारे लोक्कों, ए ठीक गल्ल है कि असी हमेसा तुसा तांइ परमेश्वर रा शुक्रिया करदे रैह्ण किजोकी परमेश्वर ने तुसा जो बचाणे तांइ तुसा जो दुनिया बणाणे का पैल्ले ही चुणी लित्तेया थिया। से तुसा जो पवित्रात्मा रे तिन्हा कम्मां रे जरिये बचांदे जे तुसा जो पवित्र ठैहरांदे ते तुसा रे मसीह बिच विश्वास करणे री वजह कने भी तुसा दैणे तांइ सद्देया ताकि तुसा तिस महिमा बिच हिस्सेदार बणो जे परमेश्वर ने मसीह यीशु जो दित्ते री है।

2 तीमुथियुस 1:12

इसी गल्ल री वजह कने मैं इत्ते कैद बिच दुख भी सहन करेया करदा है, मैं फिरी भी इस गल्ल तांइ शर्मिंदा नी है किजोकी मैं मसीह जो जाणदा जिन्हा पर मैं विश्वास कित्ते रा है ते मेरे जो पक्का पता है कि से तिसेरी रखवाली करणे बिच पूरे तरिक्के कने ताकतवर हिन जे तिन्हा ने मेरे जो सौंप्पे रा है।

याकूब 1:18

तिन्हा ने अपणी ही मर्जी कने असा जो सच्चाई रे वचन रे जरिए असा जो अपणी औलाद बणाया, ताकि असी तिन्हेरे बणाए री सृष्टि रे पैल्ले फल्ल सांई सृष्टि रे सबका खास हिस्सा बणन।

1 पतरस 1:21

मसीह यीशु ने जे असा तांइ कित्तेया तिसेरी वजह कने अवे तुसा परमेश्वर बिच विश्वास करदे। तिन्हा ने ही मसीह यीशु जो मुर्देयां बिच का फिरी जिन्दा कित्तेया ते तिन्हा जो महिमा दित्ती। इधेरे तांइ परमेश्वर बिच तुसा रा विश्वास ते आस अवे मजबूत है।