कुलुस्सियों 4:8 - चम्बयाली नौआ नियम

⁸ मैं तिसजो तुसा का असा रा हाल-चाल दसणे ते तुसा जो विश्वास बिच मजबूत करणे रे मकसद कने भेज्जे रा है।

कुलुस्सियों 4:8 ပူးပေါင်းရင်းမြစ်များ

1 कुरुन्थियों 4:17

इधेरे तांइ मैं तीमुथियुस जो जे प्रभु बिच मेरा प्यारा अते भरोस्सेमंद पुत्तर सांई है, तुसा का भेज्जेया। तिन्ने तुसा जो दसणा कि इक्क मसीही मणू रे तौर पर मैं किय्यां जिन्दगी जिया करदा है, जदेया कि मैं हर इक्क जगाह् ते हर इक्क कलीसिया बिच दसदा भी।

2 कुरुन्थियों 1:4

से असा री हर मुसीबत बिच असा जो तसल्ली दिंदे, ताकि असी भी तिन्हा लोक्कां जो तसल्ली देई सकण जे मुसीबत बिच हिन, जिय्यां परमेश्वर ने असा जो तसल्ली दित्ती।

2 कुरुन्थियों 2:7

इसेरे उलट तुसा तिसजो माफ करी दो अते तिसजो तसल्ली देयो, कुदखी इय्यां ना हो कि से मसीह बिच विश्वास करणे का पीच्छे हटी जाए।

फिलिप्पियों 2:28

इधेरे तांइ मैं तिसजो भेजणे री तोल कित्ती ताकि तुसा खुस होई जाओ, ते मेरी फिकर भी घटी जाओ।

कुलुस्सियों 2:2

ताकि तुसा जो ते तिन्हा लोक्कां जो होंसला मिल्ले, ते से प्यार कने अप्पु बिच कठ्ठे रैह्ण। मैं चाह्‍ंदा कि तिन्हा जो इस गल्ल रा होंसला रेयो किजोकी से परमेश्वर रे हर राज़ री योजनां जो समजदे, जे मसीह यीशु ही हिन।

1 थिस्सलुनीकियों 2:11

तुसा जाणदे की जिय्यां पिता अपणे बच्चेयां कने बर्ताव करदा तिय्यां ही असी भी तुसा बिच हर इक्क जो सिखांदे, हिम्मत दिदें, ते समझादें थिये,

1 थिस्सलुनीकियों 3:2

ते असी तुसा जो उत्साहित करणे तांइ ते विश्वास बिच मजबूत करणे तांइ अपणे इक्क विश्वासी भाई, मसीह रा सुब बसेख सुनाणे वाले असा रे साथी ते परमेश्वर रे सेवादार तीमुथियुस जो तुसा का भेज्जेया।

1 थिस्सलुनीकियों 3:5

इधेरे तांइ जां मेरे का तुसा रा हालचाल जाणे बगैर रेया नी गेया, तां मैं तुसा रे विश्वास रा हाल जानणे तांइ तीमुथियुस जो भेज्जी दित्ता। मेरे जो ता ए डर थिया कि कुते शैतान ने तुसा जो परिक्षा बिच पाई करी भटकाई दित्ते रा हो ते असा री सारी मैहनत बेकार होई गे री हो।

1 थिस्सलुनीकियों 4:18

इधेरे तांइ इन्हा गल्लां कने इक्क-दूए जो तसल्ली दिंदे रेयो।

1 थिस्सलुनीकियों 5:11

इधेरे तांइ इक्क-दूज्जे जो उत्साहित करो ते परमेश्वर बिच विश्वास करणे बिच बधणे तांइ मदद करो, जदेया कि तुसा करदे भी।

1 थिस्सलुनीकियों 5:14

ओ संगी विश्वासियों, असी तुसा का घड़ी-घड़ी बिनती करदे कि आलसी लोक्कां जो सावधान करो, डरपोक लोक्कां जो हिम्मत देयो, कमजोर लोक्कां री मदद करो ते सारेयां कने सबर कने रेयो।

2 थिस्सलुनीकियों 2:17

ते असी ए प्रार्थना करदे कि पिता परमेश्वर ते मसीह यीशु तुसा जो हिम्मत ते ताकत दे ताकि तुसा ठीक कम्म करदे ते ठीक गल्लां बोलदे रेयो।