कुलुस्सियों 4:6 - चम्बयाली नौआ नियम

⁶ तुसा री गल्ल-बात सोह्णि ते आकर्षित हो, ताकि तुसा मसीह बिच अपणे विश्वास रे बारे बिच हर मणू जो जवाब देई सको।

कुलुस्सियों 4:6 ပူးပေါင်းရင်းမြစ်များ

मत्ती 5:13

“तुसी दुनिया रे लोक्कां तांइ लूण सांई हिन, पर जे अगर लूण रा स्वाद ही बिगड़ी जाओ, तां फिरी तिस्स जो लूणका नी कित्तेया जाई सकदा? फिरी से कुसी भी कम्म जोग्गा नी रैहन्दा सिर्फ इधेरे कि तिसजो बाहर सूटी दित्तेया जाओ ते मणूआं रे पैरां हेठ आई जाओ।

मरकुस 9:50

लूण खरा है, पर जे लूण रा सुआद बिगड़ी जाओ, तां तिसजो कुस चीज कने लूणका बणाई सकदे? तुसा बिच लूण री खासियत होणा चाएदी ते अप्पु मिते भाईचारे कने रेयो।”

लूका 4:22

जितणे भी मणू तित्ते थिये, तिन्हा सबणी ने तिन्हेरी बड़ाई कित्ती, ते यीशु रे मुँह का मणूआं री भलाई तांइ निकलेरी गल्लां सुणी करी, तित्ते आये रे सब मणू हैरान होई गे ते अप्पु-मिते बोलणा लगे, कै ए यूसुफ रा पुत्तर नी है?

इफिसियों 4:29

कोई गंदी गल्ल तुसा रे मुँह का ना निकले पर जे भी तुसा बोल्लो से गल्ल ठीक ते दूज्जेयां तांइ मददगार हो ताकि सुनणे वालेयां जो सुणी करी होंसला मिल्ले।

कुलुस्सियों 3:16

जिय्यां कि तुसा इक्क दूए जो बड़ी समजदारी ते ज्ञान कने सिखांदे हिन, ते बड़ी शुकरगुज़ारी कने परमेश्वर तांइ भजन, स्तुतीगान ते आत्मिक गीत गाया करदे हिन, तिस कने कने ही मसीह रे वचनां जो अप्पु अंदर भरपुरी कने बसणा देयो।

1 पतरस 3:15

पर मसीह तांइ अपणे मन बिच आदरमान रख्खो, ते प्रभु रे तौर पर तिन्हेरी इज्जत करो। जे अगर कोई मणू तुसा का तिस आस रे बारे बिच किच्‍छ पुच्छे जे असा सारे जणेया बिच है, तां तिसजो नरमी ते इज्जत कने जवाब दैणे तांइ हमेसा तैयार रेयो।