कुलुस्सियों 4:5 - चम्बयाली नौआ नियम

⁵ हर मौक्के जो कीमती मन्नी करी गैर यहूदियां कने समजदारी कने बर्ताव करो।

कुलुस्सियों 4:5 ပူးပေါင်းရင်းမြစ်များ

मत्ती 10:16

दिख्खो, जिय्यां कोई भेड़ भेड़िये रे बिच मझाटे हो तिय्यां ही मैं तुसा जो तिन्हा लोक्कां बिच भेज्जेया करदा है। इधेरे तांइ कीड़े सांई चलाक अते कबूतरां सांई भोले बणो

मरकुस 4:11

यीशु ने तिन्हा लोक्कां जो बोल्लेया, “तुसां जो तां परमेश्वर रे राज रे भेद री समझ दित्ती गेरी है, पर बाहर वालेयां ताइं सारी गल्लां उदारणां बिच ही हूदीं।”

रोमियों 16:19

हर कोई जाणदा कि तुसा प्रभु रे बड़े आज्ञाकारी हिन: ते इस कने मेरे जो बड़ी वरी खुसी हुंदी। मैं चाह्‍ंदा कि तुसा भलाई रे कम्म करणे बिच ता समजदार बणो, पर बुरे कम्म तांइ भोले बणो।

कुलुस्सियों 3:16

जिय्यां कि तुसा इक्क दूए जो बड़ी समजदारी ते ज्ञान कने सिखांदे हिन, ते बड़ी शुकरगुज़ारी कने परमेश्वर तांइ भजन, स्तुतीगान ते आत्मिक गीत गाया करदे हिन, तिस कने कने ही मसीह रे वचनां जो अप्पु अंदर भरपुरी कने बसणा देयो।

1 थिस्सलुनीकियों 4:12

कि गैर-विश्वासियां कने खरा बर्ताव करेया करो, ते तुसा जो अपणी जरुरतां तांइ निर्भर नी होणा पे।

1 तीमुथियुस 3:7

से मणू मसीह बिच विश्वास ना करणे वाले लोक्कां बिच भी इज्जतदार होणा चाएदा कुथकी इय्यां ना हो कि से शैतान रे फंदे बिच फसी जाए।

याकूब 1:5

पर अगर तुसा बिच का कुसकी जो समझ री कमी हो, तां से परमेश्वर का मगें, जे खुले दिल कने गलतियां कड्डे बगैर दिंदे भी; ते तिन्हा ने तुसा जो समझ दैणी।

याकूब 3:13

जे अगर तुसा समजदार ते परमेश्वर री गल्लां जो समजणे वाले मणू हिन, तां इधेरे तांइ इक्क खरी जिन्दगी जियो। निम्तेपन ते समजदारी कने ठीक कम्म करी के साबित करो।

याकूब 3:17

पर परमेश्वर रे पास्से का मिलणे वाला ज्ञान सबका पैल्ले तां से पवित्र हुन्दा, फिरी मिलनसार, भद्र, दया कने भरितेरा अते ठीक कम्मां कने लद्दितेरा, अते बगैर भेद-भाव रे ते सच्चा भी हुन्दा।

1 पतरस 3:1

ओ लाड़ियों, तुसा भी अपणे लाड़ेयां रे अधीन रेयो, किजोकी जे अगर तिन्हा बिच का कोई भी सुब बसेख जो मनणे का इन्कार करी दे, तां तिन्हा ने तुसा रे सुच्चे ते भक्ति कने भरपूर रैह्ण-सैह्‍ण जो दिख्खी करी तुसा रे बोल्ले बगैर ही मसीह बिच विश्वास करी लैणा।