कुलुस्सियों 4:17 - चम्बयाली नौआ नियम

¹⁷ अरखिप्पुस जो बोल्लेयो, जे सेवा करणे तांइ प्रभु ने तेरे जो चुणे रा है, ध्यान रे कि तू तिस सेवा जो पूरा करे।

कुलुस्सियों 4:17 ပူးပေါင်းရင်းမြစ်များ

मत्ती 25:17

तिय्यां ही जिस जो दो तोड़े मिल्ले थिये, तिन्निए भी दो होर कमाए।

प्रेरितां रे कम्म 1:17

किजोकी से ता असा बिच का इक्क थिया, ते इस सेवकाई बिच हिस्सेदार होया,

प्रेरितां रे कम्म 14:23

ते तिन्हा ने हर-इक्क कलीसिया बिच तिन्हेरे तांइ बुजुर्ग मणू रख्खे, ते ब्रत रख्खी करी प्रार्थना करी के, तिन्हा जो प्रभु रे हत्थां बिच सौंपेया जिन्हा पर तिन्हा ने विश्वास कित्तेया थिया।

प्रेरितां रे कम्म 20:28

इधेरे तांइ अपणी ते अपणे सारे झुण्ड री चुकन्ने रेह्ई करी देख-रेख करो जिन्हा परमेश्वर रे लोक्कां बिच पवित्रात्मा ने तुसा जो कलीसिया रे मुखिया बणाए रा है कि तुसा परमेश्वर री कलीसिया री रखवाली करो जिस जो तिसने अपणे खून कने खरीदी लित्ते रा है।

इफिसियों 4:11

मसीह यीशु ने ही ए बखरे-बखरे दान दित्ते, तिन्हा ने किच्‍छ जणेया जो प्रेरित ठैहराया, ते किच्‍छ जणेया जो भविष्यद्वक्ता ठैहराया, ते थोड़े जणेया जो सुब बसेख सुनाणे वाले ठैहराया, ते किच्‍छ जणेया जो पादरी ते उपदेस दैणे वाले ठैहराया रा है।

1 तीमुथियुस 4:14

तुसा बिच जे आत्मिक वरदान है तिसजो नजरंदाज मत करो जे तुसा जो भविष्यवाणी रे जरिये तिस बेल्ले दित्तेया गेया थिया जां कलीसिया रे बुजुर्गां ने तुसा पर हत्थ रख्खे थिये।

1 तीमुथियुस 4:16

इधेरे तांइ चुकन्ने रेयो कि तुसा किय्यां अपणी जिन्दगी जिया करदे हिन ते तुसा कै सिखांदे। इन्हा गल्लां पर टिकी रेय किजोकी जे अगर इय्यां करदा रैह्‍ंगा तां इसेरे नतीज्जे रे तौर पर परमेश्वर तेरे जो तेरे सुनणे वाले लोक्कां जो सजा का बचाणा।

1 तीमुथियुस 4:6

जे अगर तू संगी विश्वासियां जो इन्हा गल्लां री शिक्षां दिंदा रैह्‍ंगा, तां तैं मसीह यीशु रा खरा दास ठैहराणा ते तैं अपणे मन जो परमेश्वर रे वचन कने मजबूत करणा जिस जो असी बदिया का बदिया शिक्षा कने मनदे भी।

1 तीमुथियुस 6:20

ओ तीमुथियुस, इस जिम्मेदारी रा ध्यान रख्खे कि तू से कम्म जरुर करे जे करणे तांइ परमेश्वर ने तिज्जो चुणे रा है, मनघड़ंत ते खोखली गल्लां का दुर रेयो जे सुनणे बिच समजदारी री गल्लां लगदी।

2 तीमुथियुस 1:6

इधेरे तांइ मैं तुसा जो तिन्हा वरदान्नां रा फिरी चेत्ता दुआया करदा है जे तुसा जो परमेश्वर ने तां दित्ते थिये जां मैं तुसा रे सिर पर अपणा हत्थ रख्खेया थिया।

2 तीमुथियुस 2:2

तुसा ने मते लोक्कां सामणे मेरे का मसीह रे बसेख रे बारे बिच सुणे रा है। इधेरे तांइ मैं चाह्‍ंदा कि तुसा भी तिस ही बसेख री शिक्षा तिन्हा भरोस्सेमंद विश्वासियां जो देयो जे होर लोक्कां जो सिखाणे रे काबिल हिन।