कुलुस्सियों 4:15 - चम्बयाली नौआ नियम

¹⁵ लौदीकिया सहर बिच रैह्णे वाले विश्वासियां जो, ते नुमफास अते तिसेरी घर री कलीसिया जो मेरा प्रणाम बोल्लेयां।

कुलुस्सियों 4:15 ပူးပေါင်းရင်းမြစ်များ

रोमियों 16:5

उन्हा कलीसिया जो भी मेरा नमस्ते जे तिन्हेरे घर बिच संगती करदे। मेरे प्यारे इपैनितुस जो मेरा नमस्कार, जे एशिया प्रदेश बिच सबका पैल्ले मसीह यीशु बिच विश्वास करणे वाला मणू है।

1 कुरुन्थियों 16:9

हालांकि तित्ते मेरे मते सारे विरोधी हिन पर तिसेरे बावजूद मेरे जो तित्ते बड़ा असरदार कम्म करणे रा मौक्का मिल्ले रा है।

कुलुस्सियों 2:1

मैं चाह्‍ंदा की तुसा जाणो की तुसा तांइ, ते लौदीकिया सहर बिच रैह्णे वाले विश्वासियां तांइ, ते तिन्हा सारे मणूआं तांइ भी जिन्हा जो मैं हल्ले तिकर नी मिल्ले रा है, मैं किन्नी जादा मैहनत करदा।

कुलुस्सियों 4:13

मैं तिसेरा गवाह है कि से लौदीकिया सहर अते हियरापुलिस सहर रे रैह्णे वाले लोक्कां तांइ बड़ी लगन कने प्रार्थना करदा रैहन्दा ते तिसने तुसा तांइ बड़ी कड़ी मैहनत भी कित्ते री है।

कुलुस्सियों 4:16

जां इस चीठ्ठी जो तुसा पढ़ी लिंगे, तां इसजो लौदीकिया सहर री कलीसिया बिच भी पढ़ेयो, ते तुसा तिस चीठ्ठी जो भी पढेयो जे लौदीकिया सहर री कलीसिया ने तुसा जो भेजणी।