कुलुस्सियों 4:10 - चम्बयाली नौआ नियम

¹⁰ अरिस्तर्खुस जे मेरे कने जेल बिच है अते बरनबास रे रिस्तेदार यूहन्ना मरकुस री तरफ का तुसा जो प्रणाम (मैं जाणदा कि तुसा जो यूहन्ना मरकुस रे बारे बिच तुसा जो दस्सी दित्ता गे रा है, कि जां से तुसा का आए तां तिस कने ठीक तरिक्के बर्ताव करेयो।)

कुलुस्सियों 4:10 ပူးပေါင်းရင်းမြစ်များ

प्रेरितां रे कम्म 12:12

ते ए सोची करी कि परमेश्वर ने तिसजो हेरोदेस रे हत्थां का बचाए रा है, से तिस यूहन्ना जिस जो मरकुस भी बोलदे, तिसेरी मां मरियम रे घरे गेया। तित्ते बड़े विश्वासी मणू इकट्ठा होई करी प्रार्थना करेया करदे थिये।

प्रेरितां रे कम्म 12:25

जां बरनबास ते शाऊल अपणी सेवा पूरी करी बैठ्ठे, तां यूहन्ना जिस जो कि मरकुस भी बोल्दे कने लेई करी यरुशलेम का हटी आये।

प्रेरितां रे कम्म 13:13

पौलुस ते तिसेरे साथी पाफुस कस्बे का जहाज जो चलाई करी पंफूलिया प्रदेश रे पिरगा कस्बे बिच आये ते यूहन्ना मरकुस तिन्हा जो छड्डी करी यरुशलेम सहर जो वापस हटी गेया।

प्रेरितां रे कम्म 13:5

ते सलमीस बिच पूज्जी करी, परमेश्वर रे वचन जो यहूदियां रे सभास्थल बिच सुणाया, ते यूहन्ना मरकुस नां रा इक्क मणू तिन्हेरा सेवक थिया।

प्रेरितां रे कम्म 19:29

ते होर लोक्कां ने सारे सहर बिच बड़ी कहला रा शोर सुणी करी तिस भीड़ बिच मिली गे ते गयुस ते अरिस्तर्खुस मकिदुनिया प्रदेश जो, जे कि पौलुस रे कने सफर करेया करदे थिये पकड़ी लेया ते तिन्हा जो रंगशाला बिच लेई गे।

प्रेरितां रे कम्म 20:4

बिरीया कस्बे रे रैह्णे वाले पुरुर्स पुत्तर सोपत्तरुस ते थिस्सलुनीकियां सहर बिच का अरिस्तर्खुस ते सिकुन्दुस ते दिरबे कस्बे रा गयुस ते लुस्त्रा कस्बे रा तीमुथियुस ते एशिया प्रदेश रा तुखिकुस ते त्रुफिमुस एशिया प्रदेश तांइ तिसेरे कन्ने आये।

प्रेरितां रे कम्म 27:2

अद्रमुत्तियुम सहर रे इक्क जहाज पर जे एशिया प्रदेश रे कनारे री जगाह् पर जाणे वाला थिया, जहाज पर चढ़ी करी असी तित्ते का निकली गे, ते अरिस्तर्खुस नां रा इक्क थिस्सलुनीके सहर रा इक्क मणू मकिदुनिया प्रदेश असा कने थिया।

प्रेरितां रे कम्म 4:36

यूसुफ नां रा इक्क साइप्रस रा लेवी गोत्र रा मणू थिया जिसेरा नां प्रेरितां ने बरनबास (मतलब कि सांती रा पुत्तर) रख्खे रा थिया

रोमियों 16:2

तुसा पवित्र मणूआं जो तिसेरा प्रभु रे मणू रे रुप बिच तिसेरा स्वागत करणा चाएदा। ते जिस गल अन्दर तिसजो तुसा का कोई मदद री जरुरत हो, ता तिस गल्ल अन्दर तिसेरी मदद करो। किजोकी से मते लोक्कां पर, बल्कि मेरे पर भी मते उपकार कित्ते रे हिन।

रोमियों 16:7

भ्याल अन्द्रुनीकुस ते भैण उनियास जो मेरा नमस्कार, जे मेरे यहूदी संगी विश्वासी हिन, ते मेरे कने कैद भी होए थिये, ते प्रेरित मणू तिन्हेरी बड़ी इज्जत करदे। तिन्हा ने मेरे का पैल्ले ही मसीह यीशु बिच विश्वास कित्ता थिया।

2 तीमुथियुस 4:11

इस बेल्ले सिर्फ लूका मेरे कन्ने है। जां तू आणा तां अप्पु कने मरकुस जो लेई आए किजोकी सेवा रे कम्म बिच से मेरे तांइ बड़े कम्मे रा मणू है।

फिलेमोन 1:23

इपफ्रास भी मसीह यीशु रे बसेख रा प्रचार करणे री वजह कने मेरे कने कैद बिच पाया गे रा है।

फिलेमोन 1:24

मरकुस, अरिस्तर्खुस, देमास ते लूका जे मेरे कने सेवा रा कम्म करदे, तिन्हा पास्से का तेरे जो नमस्कार।

1 पतरस 5:13

जे विश्वासी मणू बेबिलोन सहर बिच रेया करदे हिन, जिन्हा लोक्कां जो परमेश्वर ने तुसा सांई ही चुणे रा है, तुसा जो मेरा नमस्कार। मरकुस, जे मेरे तांइ मुंडे सांई है, से भी तुसा जो नमस्ते बोलदा।