कुलुस्सियों 3:9 - चम्बयाली नौआ नियम

⁹ इक्क दूए कने झूठ मत बोल्लो, किजोकी तुसा ने अपणे पुराणे बुरे कम्मां जो छड्डी दित्ते रा है।

कुलुस्सियों 3:9 ပူးပေါင်းရင်းမြစ်များ

यूहन्ना 8:44

तुसा अपणे प्यो शैतान रे पास्से का हिन ते अपणे प्यो री मर्जी जो पूरा करणा चांह्दे, से ता हमेसा का ही खून्नी है, तिसेरा सच्चाई कने कोई लैणा-दैणा नी है, किजोकी सच्चाई तिस बिच है ही नी। जां से झूठ बोलदा, तां अपणी आदत कने ही बोलदा किजोकी से झूठ्ठा है, बल्कि झूठ रा प्यो है।

रोमियों 6:6

किजोकी असी ए जाणदे कि असा रा पापी स्वभाव मसीह यीशु कने ही सुली पर चढ़ाई दित्तेया गेया थिया, ताकि असा रे सरीर बिच जे पापी स्वभाव है, से मुकी जाओ, ते असी अग्गे जो पाप रा गुलाम ना बणी रैह्ण।

इफिसियों 4:22

कि तुसा जो दस्सेया गेया थिया कि तुसा री बेवकूफी भरी मर्जियां ने तुसा जो बर्बाद करी छडणा ते तुसा जो अपणी जिन्दगी जीणे रे पुराणे तरिक्के जो ते अपणी सारी गलत आदतां जो छड्डी दैणा चाएदा।

इफिसियों 4:25

इधेरे तांइ झूठ बोलणा छड्डी करी सब जणे अपणे संगी विश्वासी कने सच बोल्लेया करो, जिय्यां कि असी इक्क ही सरीर रे अंग हिन।

कुलुस्सियों 3:8

पर अवे तुसा इन्हा सारी गल्लां जो, जिय्यां की गुस्से, रोष, दुश्मणी, बैर-भाव, बेजती करणा, गालीयां दैणा, छड्डी देयो।

1 तीमुथियुस 1:10

व्यभिचारियां तांइ, दूए मर्दां कने अस्वभाविक रिश्ते बणाणे वाले मर्दां तांइ, गुलामी तांइ मणूआं जो बेचणे वाले लोक्कां तांइ, झूठ बोलणे वाले लोक्कां तांइ, झूठ्ठी कसम खाणे वाले लोक्कां तांइ ते सही शिक्षा रे उलट कुसकी भी तरिक्के रा कम्म करणे वाले लोक्कां तांइ है।

प्रकाशित वाक्य 21:27

पर तिस बिच कोई अपवित्र चीज, या बुरा कम्म करणे वाला, या झूठ रा गढणे वाला कुसकी तरिक्के कने तिस बिच आई नी सकणा, पर सिर्फ से मणू जिन्हेरे नां उरणू री जिन्दगी री कताब बिच लिख्खे रे हिन।

प्रकाशित वाक्य 21:8

पर जे मणू अप्पु पर जुल्म होणे रे डर कने मेरे पर विश्वास करणे का मुकरी जांदे, तिन्हा जो भी तिस गन्धक बिच सूटी दित्तेया जाणा। तिय्यां ही बुराई रे कम्म करणे वाले लोक्कां जो तिस गन्धक वाली आग्ग बिच सूटी दित्तेया जाणा जिन्हा ने व्यभिचार, अपणे संगी साथियां पर जादू टोणा, ते मूर्ति पूजा कित्ती हो। इसजो दुई मौत बोल्लेया जांदा।

प्रकाशित वाक्य 22:15

बाहर कूत्ते, जादू-टौणे करणे वाले, अश्लील मणू, हत्यारे, मूर्तां री पूजा करणे वाले ते झूठ बोलणे वाले होणे। से कदी भी सहर बिच नी आई सकदे।