कुलुस्सियों 3:3 - चम्बयाली नौआ नियम

³ किजोकी तुसा तां अपणे पाप रे स्वभाव बिच मरी चुके रे हिन, अवे तुसा री जिन्दगी मसीह यीशु कने परमेश्वर बिच लुके री है।

कुलुस्सियों 3:3 ပူးပေါင်းရင်းမြစ်များ

मत्ती 11:25

तिस्सी बेल्ले यीशु ने बोल्लेया, ओ पिता, आसमान ते जमीन रे प्रभु, मैं तेरा शुकर करदा कि तुसा ने इन्हा गल्लां जो अते समजदार लोक्कां का लुकाई रखेया, पर आम लोक्कां पर जाहिर कित्तेया।

यूहन्ना 14:19

अवे थोड़ी ही देर बाद दुनिया रे लोक्कां ने मेरे जो नी दिख्खणा, पर तुसा ने मेरे जो दिख्खणा, किजोकी मैं जिंदा है, इधेरे तांइ तुसा भी जिंदे रैह्णा।

यूहन्ना 3:16

किजोकी परमेश्वर ने दुनिया रे लोक्कां कने इन्ना प्यार कित्ती कि तिन्हा ने अपणा इकलौता पुत्तर देई दिता कि जेड़ा तिस पर विश्वास करे से नास न हो पर हमेसा री जिन्दगी पाओ।

यूहन्ना 4:14

पर जे कोई तिस पाणी बिच का पिन्गा, जे मैं तिसजो दैणा, तिसजो फिरी कदी भी प्यास नी लगणी पर जे पाणी मैं तिसजो दैणा, तिसेरा उस मणू अन्दर इक्क सोता बणी जाणा जे हमेसा तिकर रैह्णा।

यूहन्ना 5:21

जिय्यां पिता, मरे रे लोक्कां जो जिन्दा करदे, तिय्यां ही पुत्तर भी जिन्हा जो चाह्‍ंदा तिन्हा जो फिरी जिन्दा करदा।

यूहन्ना 5:24

मैं तुसा रे कने सच-सच बोलदा, जे मेरा वचन सुणी करी मेरे भेजणे वाले पर विश्वास करदा हमेसा री जिन्दगी तिसका है, कने तिस पर सजा रा हुकम नी हुन्दा पर से मौत जो टप्पी करी हमेसा री जिन्दगी बिच जाई चुके रा है।

यूहन्ना 5:40

फिरी भी तुसा हमेसा री जिन्दगी पाणे तिकर मेरे का आणा नी चाह्‍ंदे।

रोमियों 5:10

पर जां हल्ले असी परमेश्वर रे खिलाफ ही थिये, तां ही असी परमेश्वर रे इकलौत्ते पुत्तर री मौत री वजह कने असा रा परमेश्वर कने मेल जोल कराई दित्ता गेया, पर अवे जां मसीह यीशु जिन्दे हिन तां तिन्हा ने असा जो छुटकारा जरुर दैणा।

रोमियों 5:21

इक्क मणू रे पाप करणे री वजह कने मौत सारे लोक्कां बिच फैल्ली गई, पर असा रे प्रभु यीशु मसीह रे जरिए परमेश्वर रे अनुग्रह ने तिन्हा जो धार्मिक ठैहराणा ते तिन्हा जो हमेसा री जिन्दगी दैणी।

रोमियों 6:11

इय्यां ही तुसा जो अप्पु जो पाप रे काबू तांइ ता मरे रा ते मसीह यीशु रे जरिये परमेश्वर री महिमा तांइ जिन्दा समझणा चाएदा।

रोमियों 6:2

नी! बिल्कुल भी नी, असी जे पाप तांइ मरी गेरे हिन तां फिरी अग्गे जो पाप बिच जिन्दगी नी बिताई सकदे।

रोमियों 8:2

किजोकी पवित्रात्मा ने तिन्हा जो मसीह यीशु रे जरिये पाप ते मौत रे काबू का अजाद करी दित्ते रा है ते नौई जिन्दगी दित्ते री है।

1 कुरुन्थियों 15:45

पवित्रशास्त्र बिच इय्यां भी लिख्खे रा है, “पैल्ला मणू, मतलब आदम जिन्दा मणू बणेया, ते आखरी आदम, जे मसीह यीशु हिन, हमेसा री जिन्दगी दैणे वाला बणेया।”

1 कुरुन्थियों 2:14

पर कोई अविश्वासी मणू परमेश्वर रे आत्‍मा री शिक्षां जो नी अपणांदा, किजोकी से शिक्षां तिसेरी नजरां बिच बेवकूफी री गल्लां हिन, अते ना ही से मणू सही या गलत गल्लां बिच फैसला नी लेई पांदे। किजोकी से मणू आत्मिक गल्लां जो सिर्फ तां ही समजी सकदे जे अगर तिन्हा का पवित्रात्मा हो।

2 कुरुन्थियों 5:14

किजोकी मसीह यीशु रा प्यार असा जो मजबूर करी दिंदा, किजोकी असी ए समजदे की जां इक्क मणू सारे लोक्कां तांइ मरेया तां सारे मरी गे।

2 कुरुन्थियों 5:7

हल्ले जां असी इस दुनिया बिच जिया करदे हिन, तां असी प्रभु रा अनुसरण तिन्हा जो दिख्खी करी नी पर विश्वास करणे रे जरिये करेया करदे हिन।

गलातियों 2:20

ए इदेया है कि जां यीशु मसीह सुली पर मरे तिय्यां ही मैं भी मरी गेया ते अवे मैं जिंदा नी रेया, पर मसीह यीशु मेरे बिच जिंदे। अते मैं अवे जे जिंदा है तां सिर्फ तिस विश्वास कने जिंदा है, जे मेरे जो परमेश्वर रे पुत्तर पर है, जिन्हा ने मेरे कने प्यार कित्तेया, अते मेरे तांइ अप्पु जो देई दित्तेया।

इफिसियों 3:9

ते सारे लोक्कां जो परमेश्वर री ए राज़ री योजना समझाणे तांइ, जिस जो परमेश्वर, जे सारी दुनिया रे बणाणे वाले हिन, तिन्हा ने दुनिया री सुरुआत का लुकाई करी रख्खे रा थिया।

फिलिप्पियों 4:7

तां परमेश्वर री सांती जे सारी समझ का परे है, तुसा रे दिल ते तुसा री सोच्चां जो मसीह यीशु बिच बचाई करी रखगी।

कुलुस्सियों 1:5

तुसा ए सब इधेरे तांइ करदे किजोकी तुसा रा विश्वास ते आस, तिन्हा चीजां पर आधारित है जे परमेश्वर ने तुसा तांइ स्वर्ग बिच संभाली करी रख्खे री है। तुसा जो तिसेरी उम्मीद तिस बेल्ले का थी जां तुसा पैल्ली वरी मसीह यीशु रा सुब बसेख सूणेया थिया, जे परमेश्वर रा सच्चा बसेख है।

कुलुस्सियों 2:20

किजोकी तुसा रा पापी स्वभाव मसीह यीशु कने मारी दित्तेया गे रा है, इधेरे तांइ अवे तुसा जो दुनियावी रीति-रीवाज्जां जो मनणे री जरुरत नी है, फिरी भी तुसा तिन्हा गल्लां जो इय्यां मनदे कि जिय्यां कि से हल्ले भी तुसा जो काबू बिच रखदे,

कुलुस्सियों 2:3

परमेश्वर रे बारे बिच ज्ञान ते बुद्वी इक्क लुके रे खजाने सांई है। सिर्फ मसीह यीशु ही तिसजो लोक्कां पर प्रकट करदे।

कुलुस्सियों 3:4

नौई जिन्दगी दैणे वाले मसीह यीशु ने जां वापिस हटणा जिन्हा ने नौई जिन्दगी दित्ते री है, तां तुसा भी तिन्हा कने होणा ते तिन्हेरी महिमा बिच हिस्सा लैणा।

इब्रानियों 7:25

इधेरे तांइ जे मणू मसीह यीशु रे जरिए परमेश्वर का आंदे, से तिन्हा लोक्कां रा पूरा छुटकारा दिंदे, किजोकी मसीह यीशु तिन्हा लोक्कां तांइ बिचौल्ले रे तौर पर हमेसा प्रार्थना करदे रैहन्दे।

1 पतरस 3:4

निम्ते ते चुप्प रेई करी अपणे दिल का खूबसुरत बणो। इदेइ खूबसुरती हमेसा तांइ रेह्न्दी ते परमेश्वर री नजर बिच ए कीमती है।

1 पतरस 4:2

इसेरे अंजाम रे तौर पर तिस मणू ने इस दुनिया बिच अपणी बाकि री जिन्दगी अपणे सरीर री बुरी इच्छा जो पूरा करदे होए नी बिताणी, पर तिसने से ही कम्म करणा जे परमेश्वर तिसका करवाणा चाह्‍ंदे।

1 यूहन्ना 3:2

ओ मेरे प्यारे दोस्तों, अवे असी परमेश्वर री औलाद हिन, पर कल जो कै हुंगे, ए हल्ले तिकर जाहिर नी होया पर असी ए जाणदे कि जां उसने आणा तां असी भी उसेरे ही सांई होई जाणा किजोकी जदेय से हिन, तिसजो असा तदेया ही दिखणा

प्रकाशित वाक्य 2:17

जे सुनणा चाए, से ध्यान कने सुणे कि पवित्रात्मा कलीसिया रे मणूआं कने कै बोलणा चाह्‍ंदा। मैं तिन्हा लोक्कां जो से लुके रा मन्ना दैणा, जिन्हा लोक्कां ने इन्हा बुराई री ताकत जो हराई दैणा। मैं तिन्हा बिच का हर इक्क जो इक्क चिट्टा बट्टा भी दैणा जिस पर इक्क नौआ नां लिख्खेया जाणा। जिस जो से बट्टा मिलणा, तिसेरे अलावा कुसकी जो भी तिस नां रा पता नी होणा।”