कुलुस्सियों 3:25 - चम्बयाली नौआ नियम

²⁵ किजोकी जे बुरा कम्म करदा रैहन्दा, परमेश्वर ने तिसजो सजा दैणी, ते परमेश्वर कुसकी रा भी पक्षपात नी करदे।

कुलुस्सियों 3:25 ပူးပေါင်းရင်းမြစ်များ

मत्ती 16:27

किजोकी मणू रा पुत्तर, जे मैं ही है अपणे स्वर्गदूतां कने अपणे पिता री महिमा बिच आणे वाला है तां तिन्ने हर इक्क मणू जो तिसेरे कम्मां रे हिसाब कने ईनाम दैणा।

लूका 20:21

तां तिन्हा ने यीशु जो बोल्लेया, गुरु जी, असा जो पता है कि तुसा जे ठीक है से ही बोल्दे अते सेह्ई तुसा सिखांदे भी अते तुसा कुसकी कने कोई भेद-भाव नी करदे बल्कि तुसा सच्चाई अते परमेश्वर रे रस्ते पर चलणा सिखांदे

प्रेरितां रे कम्म 10:34

तां पतरस ने बोल्लेया, अवे मेरे जो पक्का होई गेया कि परमेश्वर कुसकी कने भी भेदभाव नी करदा

रोमियों 2:11

किजोकी परमेश्वर हर इक्क मणू का इक्क-बराबर हिसाब लिंदे।

2 कुरुन्थियों 5:10

किजोकी जरुरी है असा सारेयां रा हाल मसीह यीशु रे असा रा हिसाब-किताब करदे बेल्ले खुली जाए, की हर इक्क मणू अपणे भले-बुरें कम्मां रा बदला पाए जे तिन्हा ने सरीर रे जरिए कित्ते होण।

इफिसियों 6:8

किजोकी तुसा जाणदे कि परमेश्वर ने हर कुसकी जो, चाए से अजाद हो या गुलाम तिन्हेरे हर ठीक तांइ ईनाम दैणा।

इफिसियों 6:9

ओ मालकों, तुसा जो अपणे गुलाम्मां जो डराणा नी चाएदा, बल्कि तुसा जो तिन्हा जो तिय्यां ही इज्जत दैणी चाएदी जिय्यां मैं तिन्हा जो तुसा री इज्जत करणे तांइ बोल्ले रा है। किजोकी तुसा जाणदे कि तिन्हेरा ते तुसा रा मालक स्वर्ग बिच है ते से कुसकी कने पक्षपात नी करदा।

कुलुस्सियों 4:1

ओ मालिकों, ए जाणदे होए कि स्वर्ग बिच तुसा रा भी इक्क मालिक है, तुसा भी अपणे गुलामां कने जायज़ ते इक्क बराबर बर्ताव करो।

1 थिस्सलुनीकियों 4:6

कि तुसा अपणे विश्वासी भाई रे खिलाफ पाप मत करदे, ते ना जो बुरी चाल चले किजोकी प्रभु यीशु ने इदेय कम्म करणे वालेयां जो सजा दैणी, जिन्हा रे बारे बिच असा तुसा जो पहले ही खबरदार कित्तेया है।

2 थिस्सलुनीकियों 1:6

किजोकी परमेश्वर हमेसा धार्मिकता कने हिसाब-किताब करदे, तिन्हा ने उन्हा मणूआं पर मुसीबतां पाणी जिन्हा ने तुसा जो मुसीबत बिच पाया।

फिलेमोन 1:18

ते जे अगर तिसने किच्‍छ तेरा नुक्सान कित्ते रा हो या तिस पर तेरा कोई कर्ज हो तां से मैं चुकाई दिंगा।

इब्रानियों 2:2

जे बसेख परमेश्वर ने स्वर्गदूतां रे जरिये असा जो दित्तेया थिया, से सच साबित होया, ते लोक्कां जो तिन्हेरे हुकमां री ना-फरमानी करणे तांइ, ते नियमां जो तोड़ने री सजा मिली।

1 पतरस 1:17

परमेश्वर जाणदे कि हर इक्क मणू ने क्‍या-क्‍या कित्ते रा है, ते से हर इक्क मणू का बगैर कोई पक्षपात कित्ते हिसाब-किताब लिंदे। जां तुसा परमेश्वर का प्रार्थना करदे तां तुसा तिन्हा जो पिता बोल्ली करी पुकारदे। इधेरे तांइ जां तिकर तुसा इस धरती पर इक्क अजनबी सांई रैह्‍न्दे तुसा हमेसा तिन्हेरा आदरमान करो।

यहूदा 1:16

ए मणू हमेसा परमेश्वर रे खिलाफ ही बोलदे ते लोक्कां री गलती ही कडदे रैह्‍न्दे। से हमेसा अपणी दिल री मर्जी कने दुष्ट कम्म करदे रैह्‍न्दे। से अप्पु पर बड़ा घमंड करदे ते अपणा मतलब कडणे तांइ लोक्कां री चापलूसी करदे।