कुलुस्सियों 3:23 - चम्बयाली नौआ नियम

²³ जे किच्‍छ तुसा करदे, से पूरे जी-जान कने करो, ते ए मन्नी करी कि तुसा लोक्कां तिकर नी पर प्रभु तांइ करेया करदे हिन।

कुलुस्सियों 3:23 ပူးပေါင်းရင်းမြစ်များ

मत्ती 6:16

“जां तुसा ब्रत्त रख्खो, तां ढोंगी लोक्कां सांई तुसा रे मुँह नी उत्तरे रे होणे चाएदे, किजोकी से अपणा मुँह उदास बणाई रखदे ताकि सबणी मणूआं जो पता लग्गो कि तिन्हा ने ब्रत्त रख्खे रा है, मैं तुसा जो सच-सच बोलदा कि तिन्हा जो ईनाम बिच सिर्फ लोक्कां री तारिफ ही है।”

रोमियों 14:6

जे अगर कोई मणू कुसकी दिन जो मनदा, ता से प्रभु जो आदरमान दैणे तांइ मनदा। जे अगर कोई मणू मांस-मच्छी खांदा, ता से प्रभु जो आदरमान दैणे तांइ खांदा, किजोकी से परमेश्वर रा शुकर करदा, ते अगर कोई मणू साग पात खांदा, ता से भी प्रभु जो आदरमान दैणे तांइ खांदा, ते परमेश्वर रा शुकर करदा।

इफिसियों 5:22

ओ लाड़ियों, जिय्यां तुसा मसीह रे अधीन हिन तिय्यां ही अपणे लाड़ेयां रे भी अधीन रेयो।

कुलुस्सियों 3:17

ते जे किच्‍छ भी तुसा करदे या बोलदे, से मसीह यीशु रे नां बिच करो, तिन्हेरे जरिये पिता परमेश्वर रा शुकर करदे रेयो।

1 पतरस 1:22

सच्चाई जो मन्नी करी चलणे री वजह कने अवे तुसा सुच्चे कित्ते गे, अवे तुसा जो तन-मन लाई करी संगी विश्वासियां कने आपसी प्यार रखणा चाएदा। बड़ी चाह्‍त ते पूरे दिल कने इक्क-दूए कने प्यार रख्खो।

1 पतरस 2:13

प्रभु चाह्‍ंदे कि तुसा अपणे अधिकारियां रे कहे मुताबिक चलो, खासतौर पर मुख्य अधिकारी रे, जे सारेयां पर राज करदा।

1 पतरस 2:15

परमेश्वर चाह्‍ंदे कि तुसा भलाई रे कम्म करो ताकि तुसा तिन्हा मुर्ख लोक्कां जो अप्पु पर इल्जाम लाणे का रोक्की सको जे परमेश्वर जो नी जाणदे।