कुलुस्सियों 3:2 - चम्बयाली नौआ नियम

² दुनिया री चीजां पर नी, पर स्वर्ग री चीजां पर ध्यान लांदे रेयो।

कुलुस्सियों 3:2 ပူးပေါင်းရင်းမြစ်များ

मत्ती 16:23

तां यीशु ने मुड़ी करी पतरस जो बोल्लेया, ओ शैतान, मेरे सामणे का दुर होई जा तू मेरे तांइ इक्क अड़चन है किजोकी तू परमेश्वर री गल्लां पर नी, पर मणूआं री गल्लां पर मन लगादां।

मत्ती 6:19

“अपणे तांइ दुनिया पर धन-दौलत मत कठेरो, जित्ते कीड़ा लग्गी जान्दा ते जांग कने खराब होई जांदी अते जित्ते चोर सेंध लाई करी चोरी लिन्दे।”

लूका 12:15

फिरी यीशु ने बोल्लेया, ध्यान रख्खो, कि तुसा कुसकी भी चीज रा लालच मत करदे, किजोकी कुसकी रे जिन्दगी री बराबरी तिसेरी जमीन-जायेदात रे बाध्धे होणे कने नी कित्ती जान्दी

लूका 16:11

जे अगर तुसा दुनियावी धन-दौलत बिच भरोसेमंद नी हुंगे तां परमेश्वर ने तुसा जो स्वर्गीय धन-दौलत किजो दैणा।

फिलिप्पियों 1:23

किजोकी मैं इन्हा दोन्नां इच्छा बिच उलझी गे रा है: मैं तां चाह्‍ंदा कि मैं इस जिन्दगी जो छड्डी करी मसीह यीशु कने रैह्णे तांइ चली जां,

कुलुस्सियों 3:1

अवे जां तुसा मसीह यीशु कने मुर्देयां बिच का फिरी जिन्दे कित्ते गे, तां तुसा स्वर्ग री चीजां री इच्छा रख्खो, ते जित्ते मसीह यीशु हिन, से परमेश्वर रे सबका जादा महिमामय जगाह् पर तिन्हेरे नेड़े बैठ्ठे रे हिन।

कुलुस्सियों 3:5

इधेरे तांइ तुसा अप्पु जो अपणे पुराणे पापी स्वभाव रे काबू बिच मत पैणा देयो। मतलब कि, व्यभिचार, भिठ्ठे काम्म, बुरी तमन्‍ना, ते लालच जे मूर्ति पूजा करणे रे बराबर है।