कुलुस्सियों 3:16 - चम्बयाली नौआ नियम

¹⁶ जिय्यां कि तुसा इक्क दूए जो बड़ी समजदारी ते ज्ञान कने सिखांदे हिन, ते बड़ी शुकरगुज़ारी कने परमेश्वर तांइ भजन, स्तुतीगान ते आत्मिक गीत गाया करदे हिन, तिस कने कने ही मसीह रे वचनां जो अप्पु अंदर भरपुरी कने बसणा देयो।

कुलुस्सियों 3:16 ပူးပေါင်းရင်းမြစ်များ

मत्ती 26:30

फिरी से भजन गाई करी जैतून पहाड़ पर गे।

लूका 2:51

ते फिरी से तिन्हा कने नासरत कस्बे बिच आई गे ते अपणे मां प्यो रे गलाए पर चलदे रे ते यीशु री मां ने इन्हा सब गल्लां जो अपणे मन बिच ही रख्खेया,

यूहन्ना 15:7

जे तुसा मेरे बिच बणी रैहन्गे, अते मेरी सिखाए री शिक्षा तुसा रे बिच बणी रैहन्गी, तां तुसा किच्‍छ भी मंगो, मेरे पिता ने तुसा री हर जरुरत जो पूरा करणा।

रोमियों 10:17

सुब बसेख जो सुनणे कने विश्वास हुंदा, अते सुब बसेख मसीह रे बारे बिच है।

रोमियों 15:14

ओ मेरे संगी विश्वासियों, मैं अप्पु ही तुसा रे बारे बिच पक्के तरिक्के कने जाणदा, कि तुसा अप्पु भी भलाई कने भरपूर हिन, ते जे गल्लां परमेश्वर जे तुसा का चाह्‍ंदे, तिन्हा जो जाणदे, ताकि इक्क दूए जो सिखाई सको।

1 कुरुन्थियों 14:15

ए वक्त-वक्त री गल्ल है कि कदी मेरे जो आत्मां बिच होई करी प्रार्थना करणा चाएदी ते कदी मेरे जो समजी करी प्रार्थना करणा चाएदी। कुसकी बेल्ले मेरे जो आत्‍मा बिच भरी करी गीत-भजन गाणे चाएदे ते कदी मेरे जो समजी करी गीत-भजन गाणे चाएदे।

1 कुरुन्थियों 14:26

ओ संगी विश्वासियों, मैं तुसा जो दसदा कि ए सारा किच्‍छ किय्यां करणा चाएदा, जां तुसा अराधना करणे तांइ कठ्ठिंदे, तां हर इक्क रे मन बिच भजन या उपदेस या बखरी-बखरी भाषां या परमेश्वर रा प्रकाशन या बखरी-बखरी भाषां रा मतलब दसणा, मसीह बिच विश्वासियां रे विश्वास जो मजबूत करणे तांइ होणा चाएदा।

इफिसियों 1:17

मैं प्रार्थना करदा कि असा रे प्रभु यीशु मसीह रे महिमामय पिता परमेश्वर तुसा जो आत्मिक ज्ञान ते समजदे ताकि तुसा तिन्हा जो पूरी तरिक्के कने जाणी सको।

इफिसियों 5:17

इस तांइ बेफकुफ मत बणो, पर ध्यान कने समझो की परमेश्वर री मर्जी कै है?

इफिसियों 5:19

ते अप्पु-मिते इक्क दूए जो भजन संहिता सूणाई करी होंसला देया करो। स्तुतीगान ते आत्मिक गीत गाई करी परमेश्वर री महिमा करेया करो, ते अपणे-अपणे मनां बिच परमेश्वर रे सामणे गांदे ते किर्तन करदे रेयो।

इफिसियों 5:26

ताकि तिसजो अपणे वचन रे जरिए जल रे स्नान कने साफ करी के पवित्र बणाए।

कुलुस्सियों 1:28

असी मसीह रा प्रचार करदे, ते परमेश्वर रे असा जो दित्ते रे सारे ज्ञान कने हर मणू जो सिखांदे ते चितौणी दिंदे, ताकि जां हर इक्क जणा जां परमेश्वर रा सामणे खड़िये तां से सारे परिपक्व विश्वासी बणी जाण।

कुलुस्सियों 1:9

इधेरे तांइ जां रा असी तुसा रे बारे बिच सुणे रा है, तां का ही असी तुसा तांइ प्रार्थना करदे रैहन्दे। असी परमेश्वर का हमेसा प्रार्थना करदे कि से तुसा जो पूरी समझ ते आत्मिक बुद्वी ते समजदारी दैण ताकि तुसा तिन्हेरी इच्छा जो समजी सको।

कुलुस्सियों 4:6

तुसा री गल्ल-बात सोह्णि ते आकर्षित हो, ताकि तुसा मसीह बिच अपणे विश्वास रे बारे बिच हर मणू जो जवाब देई सको।

1 थिस्सलुनीकियों 1:8

किजोकी तुसा रे प्रदेश का परमेश्वर रे सुब बसेख री जे धूम मची से ना सिर्फ मकिदुनिया अते अखाया बिच बल्कि परमेश्वर बिच तुसा रा विश्वास हर कुते मन्नेया गेया ते असा जो होर कुसकी जो किच्‍छ बोलणे री जरुरत नी है।

1 थिस्सलुनीकियों 4:18

इधेरे तांइ इन्हा गल्लां कने इक्क-दूए जो तसल्ली दिंदे रेयो।

2 थिस्सलुनीकियों 3:15

तां भी तिस कने दुश्मणां जदेया बर्ताव मत करदे, ते जिय्यां तुसा भ्याल जो समझांदे तिय्यां ही तिसजो भी समझाई देयो।

1 तीमुथियुस 6:17

इस दुनिया रे अमीर लोक्कां जो हुकम दे कि से घमंडी ना होण ते अपणे तिस पैसे पर आस ना रख्खे जे इक्क दिन मुकी जाणा, पर परमेश्वर उम्मीद रख्खे, जे असा जो बड़ी दयालुता कने से सारी चीजां दिंदे जे असा का है ताकि असी तिन्हेरा लुफ्त लेई सके।

2 तीमुथियुस 3:15

तू बचपन का ही पवित्रशास्त्र बिच लिख्खे री गल्लां जो जाणदा, जे तेरे जो समझ देई सकदे कि तू मसीह बिच विश्वास करे ते छुटकारा पाए।

तीतुस 3:6

परमेश्वर ने असा जो मुफ्त बिच पवित्रात्मा दित्ता ताकि से असा बिच भरपूर ताकत कने कम्म करी सके किजोकी यीशु मसीह असा रे पाप्पां तांइ मरे ते असा जो छुटकारा दैणे वाले बणी गे।

याकूब 1:5

पर अगर तुसा बिच का कुसकी जो समझ री कमी हो, तां से परमेश्वर का मगें, जे खुले दिल कने गलतियां कड्डे बगैर दिंदे भी; ते तिन्हा ने तुसा जो समझ दैणी।

याकूब 3:17

पर परमेश्वर रे पास्से का मिलणे वाला ज्ञान सबका पैल्ले तां से पवित्र हुन्दा, फिरी मिलनसार, भद्र, दया कने भरितेरा अते ठीक कम्मां कने लद्दितेरा, अते बगैर भेद-भाव रे ते सच्चा भी हुन्दा।

याकूब 5:13

जे तुसा बिच कोई दुखी हो तां प्रार्थना करे ते जे अगर खुस हो तां परमेश्वर की तारीफ रे भजन गाए।

1 यूहन्ना 2:14

ओ बुजुर्ग लोक्कों, मैं तुसा जो इधेरे तांइ लिख्खेया कि जे सुरुआत का है तुसा तिसजो जाणी गेरे हिन, ओ जवानों, मैं तुसा जो इधेरे तांइ लिख्खेया करदा है कि तुसा ताकतवर हिन ते परमेश्वर रा वचन तुसा बिच बणी रैहन्दा, ते तुसा ने शैतान पर जीत हासिल कित्ते री है।

1 यूहन्ना 2:24

जे सच्चाई रा बसेख तुसा ने मसीह बिच विश्वास करणे री सुरुआत रे समय बिच सुणे रा थिया, जे अगर से तुसा बिच बणे रा रे तां तुसा भी पुत्तर बिच ते पिता परमेश्वर बिच बणे रैहन्गे।

1 यूहन्ना 2:27

पर तुसा तांइ से पवित्रात्मा जे तुसा ने मसीह यीशु का पाए रा है, तुसा बिच बणी रैहन्दा, ते इसेरी कोई जरुरत नी कि कोई तुसा जो सच्चाई री गल्लां सिखाए, बल्कि जिय्यां पवित्रात्मा ने जे मसीह ने तुसा जो मिल्ले रा है, तुसा जो सच्चाई री सारी गल्लां सिखणे तांइ मदद करणी, जे पवित्रात्मा तुसा जो सिखांदा, से पूरी तरिक्के कने सच है, ते तिस बिच कोई झूठ नी, इधेरे तांइ मसीह बिच बणी रेयो, जिय्यां पवित्रात्मा ने तुसा जो करणे तांइ दस्से रा है।

2 यूहन्ना 1:2

असी तुसा जो प्यार करदे किजोकी असी सच्ची शिक्षा बिच विश्वास करदे ते असा ने हमेसा तिकर तिस शिक्षा बिच बणी रैह्णा।

प्रकाशित वाक्य 14:3

से सिंहासन रे सामणे अते चारो प्राणी अते बुजुर्ग मणू रे सामणे मन्नो इक्क नौआ गाणा गाया करदे थिये, ते उन्हा इक्क लाख चुरताली हजार जणेया जो छड्डी करी जिन्हा जो परमेश्वर ने धरती पर रैह्णे वाले लोक्कां बिच का छुड़ाई लित्तेया थिया कोई से गाणा नी सीखी सकदा थिया।

प्रकाशित वाक्य 15:3

से परमेश्वर रे दास मूसा रा गीत ते “उरणू” रा गीत गाई-गाई करी बोलदे थिये, ओ सर्वशक्तिमान प्रभु-परमेश्वर, तुसा रे कम्म महान ते अनौखे हिन ओ जुग-जुग रे राज्जे, तेरी चाल ठीक ते सच्ची है।

प्रकाशित वाक्य 19:10

तां मैं तिन्हा जो प्रणाम करणे तांइ तिन्हेरे पैरां पर पेई गेया, तिन्हा ने मेरे जो बोल्लेया, दिख्ख, इय्यां मत कर मैं तेरे ते तेरे भ्यालां रा संगी दास है जे यीशु री ग्वाही दैणे पर स्थिर हैं परमेश्वर जो ही प्रणाम करे: किजोकी यीशु री ग्वाही भविष्यवाणी री आत्‍मा है।

प्रकाशित वाक्य 5:9

से इक्क नौआ गाणा गाणे लगे, “तू इस कताब री मौहरे खोलणे रे तिस बिच लिख्खे री गल्लां जो पढ़ने रे लायक है, किजोकी तू मारेया गेया थिया ते तैं अपणे खून कने हर इक्क कुल, देस, भाषा, ते लोक्कां जो परमेश्वर तांइ खरीदी लित्तेया।”