मैं उन्हा बिच होणा ते तुसा मेरे बिच होणा, ताकि से सिद्व होई करी इक्क होई जाण, अते दुनिया जाणी जाये कि तुसा ने मेरे जो भेज्जेया है ते तुसा ने उन्हा कने भी तिय्यां प्यार कित्तेया जिय्यां मेरे कने प्यार करदे हिन
प्यार जो छड्डी करी होर कुसकी चीज बिच कुसकी रे कर्जदार मत बणो। किजोकी जे दूज्जे कने प्यार रखदा, तिनिये मूसा रे कानून रे तिन्हा सारे हुकमां जो मन्नी लेया, जे परमेश्वर ने दित्ते री हिन।
जिय्यां मसीह यीशु ने तुसा कने प्यार कित्तेया, तिय्यां ही तुसा भी सारेयां कने प्यार करो। मसीह ने अप्पु जो तुसा रे पाप मिटाणे तांइ कुर्बान करी दित्ता ते से कुर्बानी परमेश्वर रे सामणे इक्क खुशबूदार भेंट सांई थिया।
ताकि तुसा जो ते तिन्हा लोक्कां जो होंसला मिल्ले, ते से प्यार कने अप्पु बिच कठ्ठे रैह्ण। मैं चाह्ंदा कि तिन्हा जो इस गल्ल रा होंसला रेयो किजोकी से परमेश्वर रे हर राज़ री योजनां जो समजदे, जे मसीह यीशु ही हिन।
आओ असी मसीही बसेख रे पैल्ली शिक्षां जो छड्डी करी परिपक्व शिक्षां पास्से बधी चलन। असा जो तिन्हा फालतू रे कम्मां का घड़ी-घड़ी तौबा करी के परमेश्वर बिच विश्वास करणे री जरुरत नी है।
परमेश्वर री औलाद ते शैतान रे औलाद बिच इस कने फरक पता लाई सकदे कि हर से मणू जे धार्मिकता रे कम्म नी करदा से परमेश्वर री औलाद नी है, अते जे अपणे संगी विश्वासी कने प्यार नी करदा, से भी परमेश्वर री औलाद नी है।