कुलुस्सियों 3:13 - चम्बयाली नौआ नियम

¹³ अगर तुसा का कुसकी पर इल्जाम लाणे री कोई वजह हो तां भी तुसा इक्क-दुजे री गल्लां जो सहन करी लेयो, इक्क-दूज्जे रे अपराध माफ करी देयो, जिय्यां की प्रभु ने भी तुसा रे अपराध माफ कित्ते, तिय्यां तुसा भी करो।

कुलुस्सियों 3:13 ပူးပေါင်းရင်းမြစ်များ

मत्ती 5:44

पर मैं तुसा जो बोलदा, अपणे दुश्मणा कने प्यार करो अते जे तुसा जो तंग करदे, तिन्हा तांइ प्रार्थना करो।

मत्ती 6:12

ते जिय्यां असा ने अपणे गुनेह्गार जो माफ कित्तेया, तिय्यां ही तुसा भी असा रे पाप्पां जो माफ करी देयो,

मरकुस 11:25

पर जां कदी तुसा प्रार्थना करणा लगो, तां जे अगर तुसा कुसकी जो दिल का माफ ना कित्ते रा हो, तां तिसजो माफ करी देयो: ताकि पिता परमेश्वर जे स्वर्ग बिच हिन, तुसा रे पाप माफ करे।

लूका 11:4

ते असा रे पाप्पां जो तुसा माफ करी देयो, किजोकी, असी भी अपणे गुनेह्गारां जो माफ करदे, ते असा जो परखीह्णे का बचाई लेयो।

लूका 23:34

तां यीशु ने बोल्लेया, ओ परम पिता, इन्हा जो माफ करेयां किजोकी ए नी जाणदे कि ए कै करेया करदे हिन फिरी सपाईयां ने यीशु रे कपड़े तांइ परचियाँ पाईयाँ अते यीशु रे कपड़े आपस बिच बन्डी लै।

रोमियों 15:7

इधेरे तांइ तुसा इक्क-दूए जो अपणाई लेयो जिय्यां मसीह यीशु ने तुसा जो ग्रहण कित्ते रा है, ताकि मणू परमेश्वर री महिमा करण।

2 कुरुन्थियों 2:10

पर जिस कुसकी जो तुसा कुसकी गल्ल तांइ माफ करदे तिसजो मैं भी माफ करदा। किजोकी जे किच्‍छ मैं माफ करदा (जे माफ कित्तेया है) से मसीह यीशु रे मिल्ले रे हक कने तुसा रे फायदे तांइ ही करदा।

गलातियों 6:2

तुसा मुसीबत बिच इक्क-दूए री मदद करेया करो ते इसी तरिक्के कने तुसा मसीह रे हुकमां जो पूरा करो।

इफिसियों 4:2

मतलब कि सारी दीनता ते निम्तेपन कने, ते सबर रख्खी करी प्यार कने इक्क-दूज्जे री सहन करी लेयो।

इफिसियों 4:32

हमेसा इक्क-दूए तांइ कृपालू ते दयावान बणो, इक्क-दूए जो माफ करो, जिय्यां परमेश्वर ने मसीह यीशु बिच तुसा जो माफ कित्ता।

इफिसियों 5:2

जिय्यां मसीह यीशु ने तुसा कने प्यार कित्तेया, तिय्यां ही तुसा भी सारेयां कने प्यार करो। मसीह ने अप्पु जो तुसा रे पाप मिटाणे तांइ कुर्बान करी दित्ता ते से कुर्बानी परमेश्वर रे सामणे इक्क खुशबूदार भेंट सांई थिया।

कुलुस्सियों 3:12

किजोकी परमेश्वर तुसा जो प्यार करदे ते तिन्हा ने तुसा जो अपणे पवित्र मणू बणने तांइ चुणी लित्ते रा है, इधेरे तांइ तुसा बड़ी करुणा, निमतापन, भलाई, कने सहनशीलता ते दया रा स्वभाव धारण करी लेयो।

याकूब 2:13

जे अगर तुसा होर लोक्कां कने दया रख्खी हो तां परमेश्वर ने भी हिसाब-किताब करणे रे दिन पर तुसा पर दया करणी।

1 पतरस 2:21

तुसा इधेरे तांइ भी सद्दे गेरे हिन ताकि तुसा परमेश्वर तांइ दुख सहन करो। मसीह इस गल्ल रा उदारण हिन जिन्हा ने तुसा तांइ दुख सहन कित्तेया। इधेरे तांइ तुसा जो से सब तिय्यां ही करणा चाएदा जिय्यां तिन्हा कित्तेया।