कुलुस्सियों 3:11 - चम्बयाली नौआ नियम

¹¹ जिसेरा अंजाम ए होया कि तिस बिच कोई यूनानी, यहूदी, खतना वाले, बगैर खतना वाले, विदेशी, नौक्कर ते अजाद मणूआं बिच कोई फरक नी रेया, पर सिर्फ मसीह यीशु ही सारेयां बिच सबका जादा जरुरी हिन ते तुसा तिन्हेरे हिसाब कने जिन्दगी जियो।

कुलुस्सियों 3:11 ပူးပေါင်းရင်းမြစ်များ

यूहन्ना 14:23

यीशु ने तिसजो जवाब दित्तेया, जे कोई मेरे कने प्यार रखगा तिनिये मेरे शिक्षा जो मनणा, ते मेरे पिता ने तिस कने दाह-पीड़ रखणी ते असा तिसका आणा, ते तिसेरे कन्ने रैह्णा।

यूहन्ना 15:5

मैं अंगूर री बेल है, तुसा डाली हिन जे मेरे कने जुड़ी रैहन्दा अते मैं तिस कने, से बड़ा फलदा, किजोकी मेरे का बखरे होई करी तुसा किच्‍छ नी करी सकदे

यूहन्ना 17:23

मैं उन्हा बिच होणा ते तुसा मेरे बिच होणा, ताकि से सिद्व होई करी इक्क होई जाण, अते दुनिया जाणी जाये कि तुसा ने मेरे जो भेज्जेया है ते तुसा ने उन्हा कने भी तिय्यां प्यार कित्तेया जिय्यां मेरे कने प्यार करदे हिन

प्रेरितां रे कम्म 15:17

इधेरे तांइ जे बचे रे लोक, मतलब अवे सारे गैर यहूदियां जो जे मेरे हिन, प्रभु जो तोपण।

प्रेरितां रे कम्म 28:2

तिस टापू पर रैह्णे वाले लोक्कां ने असा कने बड़ा प्यार कित्तेया किजोकी तित्ते बड़ी बरखा ते ठण्ड थी, इधेरे तांइ तिन्हा ने आग्ग बाली करी असा सबणी जणेया जो रुकाई लित्ता।

प्रेरितां रे कम्म 28:4

जिस बेल्ले तित्ते रे रैह्णे वाले लोक्कां ने तिसेरे हत्था कीड़ा लिपटित्तेरा दिख्खेया, तां से अप्पु-मिते बोलणा लगे, सच्ची ए मणू खून्नी है किजोकी अगर समुन्द्र का बची गेया, तां भी असा री न्याय री देवी ने इसजो जिन्दा नी रैह्णा दित्तेया।

रोमियों 1:14

किजोकी मैं मसीह रा सुब बसेख सुनाणे तांइ सभ्य लोक्कां रा ते असभ्य लोक्कां रा कर्जदार है, मैं पढे-लिख्खे लोक्कां रा ते अनपढ़ां रा भी कर्जदार है।

रोमियों 10:12

किजोकी यहूदी ते गैर यहूदियां बिच कोई फरक नी है। किजोकी परमेश्वर सारेयां रे प्रभु हिन, ते जे तिन्हेरा नां लिंदा, से तिन्हा जो बचांदे।

रोमियों 3:22

मतलब जां असी मसीह यीशु बिच विश्वास करदे, तां परमेश्वर असा जो धार्मिक ठैहरांदे, ते ए मसीह यीशु बिच विश्वास करणे वाले हर इक्क मणू तांइ है। किजोकी परमेश्वर सारे मणूआं कने इक्क-बराबर ही बर्ताव करदे।

रोमियों 3:29

परमेश्वर सिर्फ यहूदी लोक्कां रे परमेश्वर नी हिन, पर से गैर यहूदियां रे भी परमेश्वर हिन।

1 कुरुन्थियों 12:13

तिय्यां ही असी सारे जणे चाए यहूदी या गैर यहूदी, चाए गुलाम हो या अजाद, असी सारेयां रा इक्क ही सरीर बिच इक्क बणी जाणे तांइ तिस ही आत्‍मा रे जरिये बपतिस्मा होए रा है ते असी सारेयां ने इक्क ही आत्‍मा पाए रा है।

1 कुरुन्थियों 14:11

पर जे अगर असी से भाषा ना समजे जिस बिच दुआ मणू असा कने गल्ल करेया करदा हो, तां असी तिस गल्ल करणे वाले मणू री नजर बिच परदेसी होणे, ते तिस भाषा बिच गल्ल करणे वाला मणू असा जो परदेसी लगणा।

1 कुरुन्थियों 7:19

कुसकी मणू रे खतना कराणा या ना कराणा कोई बड्डी गल्ल नी है, किजोकी परमेश्वर रे हुकमां जो मनणा ही सबका बड्डी गल्ल है।

गलातियों 2:20

ए इदेया है कि जां यीशु मसीह सुली पर मरे तिय्यां ही मैं भी मरी गेया ते अवे मैं जिंदा नी रेया, पर मसीह यीशु मेरे बिच जिंदे। अते मैं अवे जे जिंदा है तां सिर्फ तिस विश्वास कने जिंदा है, जे मेरे जो परमेश्वर रे पुत्तर पर है, जिन्हा ने मेरे कने प्यार कित्तेया, अते मेरे तांइ अप्पु जो देई दित्तेया।

गलातियों 5:6

जां असी मसीह यीशु बिच विश्वास करणा सुरु करी दिंदे तां यहूदी या गैर यहूदी होणे रा कोई फरक नी रैहन्दा। पर जरुरी गल्ल ए है कि असी मसीह बिच विश्वास करदे ते तिस वजह कने परमेश्वर ते बाकि मणू प्यार रखदे।

इफिसियों 1:23

कलीसिया मसीह यीशु रे सरीर है ते मसीह री भरपुरी कने भरे री है जे सारेया बिच हर इक्क गल्ल जो पूरा करदी।

इफिसियों 2:14

मसीह ने अप्पु ही असा बिच सांती बणाई। पैल्ले-पैल्ले यहूदी ते गैर यहूदियां बिच इन्नी जादा नफरत थी कि जिय्यां दोन्नां बिच मझाटे कोई दुआल हो पर अवे मसीह यीशु ने सुली पर अपणी कुर्बानी रे जरिये तिस दुआल जो ढाह्ई दित्ते रा है ते दोन्नां पास्से रे लोक्कां जो आपस बिच मिलाई दित्ता। मसीह यीशु ने मूसा रे कानून जो रद्द करी दित्तेया ते परमेश्वर कने असा रा मेल जोल कराई दित्तेया।

इफिसियों 3:17

मैं प्रार्थना करदा कि तुसा रे दिल मजबूत होई जाण ताकि जिय्यां तुसा मसीह यीशु पर विश्वास करण तिय्यां ही से तुसा रे दिल बिच बसी रैह्ण ते परमेश्वर ते बाकि लोक्कां तांइ तुसा रा प्यार तुसा जो मजबूत बणाई रख्खे।

इफिसियों 3:6

ते से राज़ ए है कि मसीह यीशु रा सुब बसेख सुनणे ते तिन्हा कने रिस्ता बणने री वजह कने गैर यहूदी लोक्कां जो भी विरासत बिच हिस्सा मिलणा। से अवे मसीह रे सरीर रा इक्क हिस्सा बणी गेरे हिन जे कलीसिया है। ते तिन्हा सारी चीजां बिच तिन्हेरा हिस्सा भी है जिसेरा वादा परमेश्वर ने यहूदी लोक्कां कने कित्तेया थिया।

इफिसियों 6:8

किजोकी तुसा जाणदे कि परमेश्वर ने हर कुसकी जो, चाए से अजाद हो या गुलाम तिन्हेरे हर ठीक तांइ ईनाम दैणा।

कुलुस्सियों 2:10

मसीह यीशु हर ताकत ते राज रे उप्पर प्रधान हिन, इधेरे तांइ जां तुसा मसीह यीशु कने जुड़े रे हिन, तां तुसा बिच कुसकी भी गल्ल री कमी नी हुंदी।

1 यूहन्ना 5:20

ते ए भी जाणदे कि परमेश्वर रा पुत्तर मसीह यीशु आई गे रा है ते तिनिये असा जो समझ दित्ते री है कि, असी तिस सच्चे परमेश्वर कने गहरे रिश्ते बिच हिन किजोकी असी मसीह यीशु कने गहरे रिश्ते हिन जे सच है, सच्चा परमेश्वर ते हमेसा री जिन्दगी ए ही है।

2 यूहन्ना 1:9

मैं तुसा जो बोलदा कि जे अगर कोई मणू मसीह यीशु री शिक्षा पर चलणा छड्डी दिंदा पर तिस शिक्षा बिच अपणी गल्लां भी जोड़ी दिंदा तां तिसेरा परमेश्वर कने कोई रिस्ता नी है। पर जे अगर कोई मणू मसीह री शिक्षा पर बराबर चलदा रैहन्दा तां तिस मणू रा पिता परमेश्वर ते तिन्हेरे पुत्तर मसीह यीशु कने रिस्ता है।