कुलुस्सियों 3:1 - चम्बयाली नौआ नियम

¹ अवे जां तुसा मसीह यीशु कने मुर्देयां बिच का फिरी जिन्दे कित्ते गे, तां तुसा स्वर्ग री चीजां री इच्छा रख्खो, ते जित्ते मसीह यीशु हिन, से परमेश्वर रे सबका जादा महिमामय जगाह् पर तिन्हेरे नेड़े बैठ्ठे रे हिन।

कुलुस्सियों 3:1 ပူးပေါင်းရင်းမြစ်များ

मत्ती 22:44

प्रभु ने मेरे प्रभु जो बोल्लेया, मेरे सज्जे पास्से बैह्, जा तिकर मैं तेरे बैरियां जो तेरे पैरां रे थल्ले ना करी देयां।

मत्ती 26:64

यीशु ने तिसजो बोल्लेया, तू अप्पु ही बोल्ली दित्ता ते तुसा कने ए भी बोलदा कि अब्बे का मणू रे पुत्तर जो सर्वशक्तिमान रे सज्जे पास्से बैठे रे ते आसमान रे बदलां पर आदें दिखगे।

मत्ती 6:20

पर भले कम्म करी के अप्पु तांइ स्वर्ग अन्दर धन-दौलत कठेरो, जित्ते ना कीड़ा लगदा ते ना जांग कने से खराब हुंदी ते ना चोर सेंध लाई करी चोरी करदे।

मत्ती 6:33

पर पैल्ले तुसा परमेश्वर रे राज ते तिन्हेरी धार्मिकता जो महत्व देयो, तां ए सब चीजा तुसा जो मिली जाणियां।

मरकुस 12:36

किजोकी दाऊद ने अप्पु ही पवित्रात्मा अन्दर होई करी बोल्ले रा है: ‘परमेश्वर ने मेरे प्रभु जो बोल्लेया, मेरे सज्जे पास्से बैह्, जां तांइ मैं तेरे दुश्मणा जो तेरे पैरां हेठ नी करी दिन्दा।’

मरकुस 14:62

यीशु ने बोल्लेया, “हाँ! ‘मैं है’ ते तुसा मणू रे पुत्तर जो, जे मैं ही है, तिस ताकतवर परमेश्वर री सज्जे पास्से बैठ्ठे रे ते आसमान बिच बदलां पर आंदे दिखणा।”

मरकुस 16:19

प्रभु यीशु उन्हा कने गल्लां करणे का बाद स्वर्ग बिच चुक्की लित्ते गे, ते परमेश्वर रे सज्जे पास्से बेई गे।

लूका 12:33

इधेरे तांइ अवे अपणी जायदात बेच्ची करी पैसे गरीबां जो दान करी देयो इय्यां करणे पर तुसा अपणे तांइ स्वर्ग अन्दर धन्न-दौलत कठेरगे जे कि कदी नी मुकणी ते अप्पु जो इदेय बटुए बणाओ जे पुराणे नी हुदें, मतलब अप्पु जो स्वर्ग बिच धन-दौलत कठेरो जे घटदा नी ते जिसेरे नेड़े चोर नी जादां, ते कीड़ा नी तिसजो खराब करता

लूका 20:42

किजोकी दाऊद ने तां अप्पु ही भजन संहिता री कताब अन्दर ए लिख्खे दा है कि प्रभु (परमेश्वर) जी ने मेरे प्रभु (मसीह यीशु) जी जो बोल्लेया,

लूका 22:69

पर, अवे का मणू रे पुत्तर, जे मैं ही है (यीशु मसीह यीशु) जो सबका ताकतवर परमेश्वर रे सज्जे पास्से बठाया जाणा

प्रेरितां रे कम्म 2:34

किजोकी दाऊद तां स्वर्ग पर नी चढ़ेया पर से आप बोलदा, प्रभु परमेश्वर ने मेरे प्रभु जो बोल्लेया, मेरे दैहणे बैह्,

प्रेरितां रे कम्म 7:55

पर तिसने पवित्रात्मा कने भरी करी स्वर्ग रे पास्से दिख्खेया ते परमेश्वर री महिमा जो ते यीशु जो परमेश्वर रे सज्जे पास्से खड़ित्ते रा दिख्खी करी

रोमियों 8:34

इदेया कोई नी है जे असा पर सजा रा हुकम देई सके, किजोकी से मसीह यीशु ही हिन जे असा तांइ मरे ते मुर्देयां बिच का जिन्दे होई गे, ते परमेश्वर रे सज्जे पास्से बैठ्ठे रे हिन, ते असा तांइ बिनती करेया करदे हिन।

2 कुरुन्थियों 4:18

अते असा तां दिख्खी री चीजां जो नी पर अण-दिख्खी चीजां जो दिखदे रैह्‍न्दे, किजोकी दिख्खी री चीजां थोड़े ही रोज री हिन, पर अणदिख्खी चीजां हमेसा बणी रेह्न्दी।

इफिसियों 4:10

मसीह जे थल्ले उतरी गेया से ए ही है जे आसमान री सबका ऊच्ची जगाह् पर चुक्की लित्तेया गेया थिया ताकि से हर जगाह् मौजूद रेयो।

इफिसियों 5:22

ओ लाड़ियों, जिय्यां तुसा मसीह रे अधीन हिन तिय्यां ही अपणे लाड़ेयां रे भी अधीन रेयो।

कुलुस्सियों 2:20

किजोकी तुसा रा पापी स्वभाव मसीह यीशु कने मारी दित्तेया गे रा है, इधेरे तांइ अवे तुसा जो दुनियावी रीति-रीवाज्जां जो मनणे री जरुरत नी है, फिरी भी तुसा तिन्हा गल्लां जो इय्यां मनदे कि जिय्यां कि से हल्ले भी तुसा जो काबू बिच रखदे,

कुलुस्सियों 3:2

दुनिया री चीजां पर नी, पर स्वर्ग री चीजां पर ध्यान लांदे रेयो।

इब्रानियों 1:13

परमेश्वर ने अपणे स्वर्गदूतां बिच का कुसकी जो कदी ए नी बोल्लेया, “मेरे सज्जे पास्से, महिमा री जगाह् बिच बेई जा, जां तांइ मैं तेरे दुश्मणा जो तेरे अधीन ना करी देयां?”

इब्रानियों 1:3

पुत्र ही परमेश्वर री महिमा री रौसनी है, ते पुत्र रे जरिये ही असी दिखदे कि परमेश्वर कदेय हिन। अते से अपणी ताकत रे वचनां कने से ब्रम्हांड जो चलाया करदे हिन। तिन्हा ने लोक्कां रे पाप्पां जो माफ कित्ता, ते परमेश्वर री महिमामय बिच स्वर्ग अंदर तिन्हेरे सज्जे पास्से बेई गे।

इब्रानियों 10:12

पर मसीह यीशु, जे असा रे बड्डे पुरोत्त हिन, से ता असा रे पाप्पां रे बदले, इक्क ही वरी कुर्बान होए, ते परमेश्वर रे सज्जे पास्से जाई बैठ्ठे।

इब्रानियों 12:2

असा जो अपणी हाख्खियां यीशु पर लाई रखणी चाएदी, जे असा जो विश्वास बिच अग्गे बधांदे ते पूरा भी करदे। तिन्हा ने सुली पर जान दैणे ते बेज्जती जो भी, बाद बिच मिलणे वाले आनंद रे बारे बिच सोचदे होए सहन करी लित्तेया। से अवे परमेश्वर रे सिहांसन रे सज्जे पास्से बैठ्ठे रे हिन।

इब्रानियों 8:1

अब्बे जे गल्ल असी करेया करदे हिन, तिन्हा बिच का सबका जादा जरुरी गल्ल ए है, कि असा का इक्क इदेया प्रधान पुरोत्त है, जे स्वर्ग बिच परमधन्य परमेश्वर रे सज्जे पास्से बैठ्ठे रे हिन।

1 पतरस 3:22

ते अवे से स्वर्ग जो चली गेरे हिन। से अवे सबका ऊच्ची जगाह् पर, परमेश्वर रे सज्जे हत्थ पास्से का सारे स्वर्गदूतां पर ते सारी हुकुमतां ते ताकतां पर राज करेया करदे हिन।