कुलुस्सियों 2:5 - चम्बयाली नौआ नियम

⁵ हालांकि मैं तुसा का दुर है, तां भी मैं हमेसा तुसा रे बारे बिच सोचदा रैहन्दा, मैं इस गल्ल कने खुस है कि तुसा इक्क-मन होई करी तिय्यां ही रेया करदे हिन जिय्यां तुसा जो रैह्णा भी चाएदा ते मसीह बिच तुसा रा विश्वास भी मजबूत है।

कुलुस्सियों 2:5 ပူးပေါင်းရင်းမြစ်များ

प्रेरितां रे कम्म 2:42

ते से प्रेरितां का शिक्षा पाणे, ते सगंती रखणे, ते प्रभु भोज मनाणे, ते प्रार्थना करणे बिच मगन रे।

प्रेरितां रे कम्म 20:21

पर यहूदियां ते यूनानियां रे सामणे गवाई दिन्दा रेया कि परमेश्वर रे पास्से मन फेरणा अते असा रे प्रभु मसीह यीशु जी पर विश्वास करणा चाएदा।

1 कुरुन्थियों 11:34

जे अगर कोई भूख्खा हो तां अपणे घरे ही खाई लेया करे जिस कने जां तुसा कठियो तां तुसा चज्ज कने बर्ताव करेया करो ते परमेश्वर तुसा जो सजा ना दैण। बाकि गल्लां जो मैं आई करी सुलझाई दिंगा। मते तरिक्के रे हिन।

1 कुरुन्थियों 14:40

पर हर इक्क चीज जे तुसा कलीसिया बिच करदे, से बड़े सलीके ते सांती कने कित्ती जाए।

1 कुरुन्थियों 15:58

इधेरे तांइ ओ मेरे प्यारे संगी विश्वासियों, विश्वास बिच मजबूत बणे रेयो ते गलत शिक्षां री वजह कने मत भटकदे, ते प्रभु रे कम्मां बिच हमेसा बदधे रेयो, किजोकी जे मैहनत तुसा प्रभु तांइ करदे से कदी बेकार नी जांदी।

1 कुरुन्थियों 16:13

चुकन्ने रेयो, मसीह यीशु बिच विश्वास करणे बिच स्थिर बणो, हिम्मतवाले बणो, ते विश्वास बिच मजबूत बणो।

कुलुस्सियों 2:1

मैं चाह्‍ंदा की तुसा जाणो की तुसा तांइ, ते लौदीकिया सहर बिच रैह्णे वाले विश्वासियां तांइ, ते तिन्हा सारे मणूआं तांइ भी जिन्हा जो मैं हल्ले तिकर नी मिल्ले रा है, मैं किन्नी जादा मैहनत करदा।

1 थिस्सलुनीकियों 2:17

ओ संगी विश्वासियों, जां असी थोड़ी देर तांइ तुसा का दुर थिये पर मन बिच हमेसा तुसा जो याद रखदे थिये तां असी तुसा कने मिलणे तांइ बड़ी मैहनत कित्ती किजोकी असी दुबारा तुसा जो दिखणा चाह्‍ंदे थिये।

1 थिस्सलुनीकियों 3:8

किजोकी अवे तुसा प्रभु बिच विश्वास करणे बिच मजबूत हिन तां ही असा री जान बिच जान आई गयी।

इब्रानियों 3:14

जे अगर असी परमेश्वर बिच विश्वास करणे अंदर आखिर तिकर तिय्यां ही मजबूत बणे रे, जां तिस बेल्ले थिये जा असी पैल्ली वरी तिन्हा बिच विश्वास कित्तेया थिया, तां असा जो मसीह री हर चीज बिच हिस्सा मिलणा।

इब्रानियों 6:19

ए आस जे असा का है ते कदी भी टुटी नी सकदी, ते असा जो परमेश्वर का दुर भटकणे नी दिंदी, पर ए असा जो परमेश्वर का मन्दिर बिच, स्वर्ग अंदर, सबका जादा पवित्र जगाह् पर पुजांदा।

1 पतरस 5:9

तुसा जो अपणे मजबूत विश्वास कने तिसेरा सामणा करणा चाएदा। याद रख्खो, पूरी दुनिया बिच सारे विश्वासी तैसे ही जुल्म सहन करेया करदे हिन जदेय तुसा सहन करेया करदे हिन।