कुलुस्सियों 2:23 - चम्बयाली नौआ नियम

²³ इदेय रीति-रीवाज, अपणे अराधना रे तौर-तरिक्के, झूठ्ठे निमतेपन ते कड़े शारीरिक अभ्यास कने ता बड़े ज्ञान रा भाव ता लगदा, पर ए रीति-रीवाज लोक्कां जो तिन्हेरे बुरे ख्याल्लां जो रोकणे बिच कोई मदद नी करदे।

कुलुस्सियों 2:23 ပူးပေါင်းရင်းမြစ်များ

रोमियों 13:14

बल्कि प्रभु यीशु मसीह जो इक्क कवच सांई पाई लेयो, ते अपणी पाप रे स्वभाव कने जिन्दगी मत जियो।

इफिसियों 5:29

किजोकी कुसकी ने कदी अपणे सरीर कने नफरत नी कित्ती बल्कि तिसेरा ख्याल रखदा, जिय्यां मसीह यीशु भी कलीसिया रा ख्याल रखदे।

कुलुस्सियों 2:18

कुसकी भी मणू जो तुसा जो निकम्मा बणाणे रा मौक्का मत देयो जे झूठ्ठा निमतापन दिखांदा ते स्वर्गदूतां री पूजा करणे बिच खुस हुंदा। इदेय मणू दर्शन दिखदे ते बड्डी बड्डी गल्लां बोलदे, ते तिन्हेरी इन्सानी सोच तिन्हा जो बेवकूफी रे घमंड कने भरी दिंदी।

कुलुस्सियों 2:22

लोक्कां री ए सारी रीति-रीवाज ते शिक्षां बेकार हिन, किजोकी ए मणूआं रे हुकमां ते शिक्षा पर आधारित है।

कुलुस्सियों 2:8

चुकन्ने रेयो की कोई तुसा जो अपणी तिन्हा विचारां ते बेकार गल्लां ते धोखे कने फसाई ना लेयो, जे लोक्कां री परम्परा ते दुनियावी रीति-रीवाज जे सदियां का चली आया करदी हिन, ते इस दुनिया री न्याहरे री ताकत पर आधारित है, पर मसीह यीशु री शिक्षा पर आधारित नी है।

1 तीमुथियुस 4:3

से लोक्कां जो ब्याह करणे ते किच्‍छ-किच्‍छ चीजां खाणे का रोकदे पर परमेश्वर ने ए खाणे-पीणे री चीजां विश्वासी मणूआं ते तिन्हा मणूआं तांइ बणाए री है जे परमेश्वर री सच्ची शिक्षां जो जाणदे ताकि से धन्यवाद करी के खाण।

1 तीमुथियुस 4:8

शरीरी कसरत रे ता थोड़े-मते फायदे ता हिन पर आत्मिक कसरत हर तरिक्के कने फायदेमंद है किजोकी ए असा रे अज्ज ते आणे वाले बेल्ले बिच भी हमेसा री जिन्दगी दैणे रा वादा करदी।