कुलुस्सियों 2:20 - चम्बयाली नौआ नियम

²⁰ किजोकी तुसा रा पापी स्वभाव मसीह यीशु कने मारी दित्तेया गे रा है, इधेरे तांइ अवे तुसा जो दुनियावी रीति-रीवाज्जां जो मनणे री जरुरत नी है, फिरी भी तुसा तिन्हा गल्लां जो इय्यां मनदे कि जिय्यां कि से हल्ले भी तुसा जो काबू बिच रखदे,

कुलुस्सियों 2:20 ပူးပေါင်းရင်းမြစ်များ

यूहन्ना 15:19

जे तुसा इस दुनिया रे लोक्कां सांई हुन्दे तां दुनिया रे लोक्कां ने तुसा कने अपणेयां सांई प्यार करणा थिया, पर तुसा इस दुनिया रे लोक्कां सांई नी हिन किजोकी मैं तुसा जो इस दुनिया रे लोक्कां बिच का चुणी लित्ते रा है, अते इधेरे तांइ दुनिया रे मणू तुसा रे कने दुश्मणी रखदे।

2 कुरुन्थियों 10:3

हालांकि असी इस दुनिया बिच रैहन्दे, पर असी इस दुनिया रे बाकि लोक्कां सांई लड़दे-झगड़दे नी।

गलातियों 4:3

तिय्यां ही असी भी जां तिकर बच्चे थिये, तां दुनिया री सुरुआती शिक्षा रे वस बिच होई करी इक्क गुलाम सांई थिये।

गलातियों 6:14

पर मैं कदी भी मसीह री सुली री मौत जो छड्डी करी होर कुसकी गल्ल पर घमंड नी करणा चाह्‍ंदा। मसीह यीशु रे सुली पर मरणे री वजह कने मैं अवे दुनिया री बुरी इच्छां रा गुलाम नी है, ते तिन्हा बुरी इच्छां का मेरे पर राज करणे तांइ होर ताकत नी है।

कुलुस्सियों 2:14

तिन्हा ने असा रे पाप्पां रे लेखे-जोखे जो रद्द करी दित्ता, ते तिसजो सुली पर मेखां कने जड़ी करी दुर करी दित्ता।

कुलुस्सियों 2:16

इधेरे तांइ तुसा कुसकी जो भी इस बारे बिच अप्पु पर ए इल्जाम मत लाणे देयो कि तुसा कै खांदे-पिंदे, या कोई पवित्र दिन, नौए चाँद रा दिन या विश्राम दिन मनांदे या नी,

कुलुस्सियों 2:21

कि ए मत छुंदे, तिसजो मत चखदे, ते तिसजो मत पकड़दे।

कुलुस्सियों 2:8

चुकन्ने रेयो की कोई तुसा जो अपणी तिन्हा विचारां ते बेकार गल्लां ते धोखे कने फसाई ना लेयो, जे लोक्कां री परम्परा ते दुनियावी रीति-रीवाज जे सदियां का चली आया करदी हिन, ते इस दुनिया री न्याहरे री ताकत पर आधारित है, पर मसीह यीशु री शिक्षा पर आधारित नी है।

कुलुस्सियों 3:3

किजोकी तुसा तां अपणे पाप रे स्वभाव बिच मरी चुके रे हिन, अवे तुसा री जिन्दगी मसीह यीशु कने परमेश्वर बिच लुके री है।

इब्रानियों 13:9

नौई ते बखरी-बखरी शिक्षां रे पीच्छे मत चलदे, जिन्हा ने तुसा जो सही रस्ते का गलत रस्ते पर लेई जाणा। परमेश्वर रा अनुग्रह कने अंदरूनी ताकत पाणा ठीक गल्ल है, ते खाणे-पीणे रे कानूनां जो ना मनणा खरा है, किजोकी जे मणू इन्हा कानूनां जो मनदे, तिन्हा जो इन्हा कने कोई फायदा नी होणा।

याकूब 4:4

ओ बेईमान लोक्कों, तुसा जाणदे कि दुनिया री चीजां कने प्यार रखणा परमेश्वर कने नफरत करणा है। अते जे दुनिया रा दोस्त होणा चाह्‍ंदा, से अपणे आप जो परमेश्वर रा दुश्मण बणादां

1 यूहन्ना 5:19

असा जो पता है कि असी परमेश्वर कने हिन ते सारी दुनिया तिस शैतान रे वस अन्दर पेरी है।