कुलुस्सियों 2:19 - चम्बयाली नौआ नियम

¹⁹ तिन्हा ने मसीह जो छड्डी दित्ते रा है, जे सरीर रूपी कलीसिया रे सिर सांई हिन। किजोकी से ही पूरे सरीर जो अप्पु-मिते तिसेरे जोड़ ते नसां कने जोड़ी करी रखदे, ते से तिय्यां ही बदधे रैहन्दे जिय्यां परमेश्वर चाह्‍ंदे।

कुलुस्सियों 2:19 ပူးပေါင်းရင်းမြစ်များ

लूका 5:38

पर नौए अंगूर रा रस्स जो नौए खलड़ू अन्दर ही भरणा चाएदा

यूहन्ना 17:21

कि से सब इक्क होंन, तिय्यां ही जिय्यां, ओ पिता जी, तुसा मेरे बिच हिन अते मैं तुसा रे बिच है, से भी असा बिच का इक्क होंन, ताकि दुनिया रे मणू विश्वास करण कि तुसा ने मेरे जो भेज्जेया है।

प्रेरितां रे कम्म 4:32

भरोसे करणे वालेयां री मडंली इक्क मन रे थिये, इत्ते तिकर कोई भी अपणी जायदाद जो अपणा नी बोलदा थिया, पर सारा किच्‍छ आपस रा थिया

रोमियों 11:17

इस्राएल देस रे मणू जैतून रे बूट्टे री डालियां सांई हिन। ते तिन्हेरी जड़ तिन्हेरे पुरखा अब्राहम, इसहाक ते याकूब हिन। ते जे अगर किच्‍छ डालियां तिस बिच का कट्टी भी दित्ती गयी हो, ते अगर तू इक्क जंगली बूट्टे री डाली होणे रे बावजूद भी तिन्हा बिच साट्टेया गेया हो, तां जिय्यां कोई साट्टे रे डाली तिस बूट्टे री चिकनेपन री हिस्सेदार बणदी, तिय्यां ही तू भी यहूदियां जो मिलणे वाली तिन्हा आशीषां रा हिस्सेदार बणेया, जिसेरा वादा परमेश्वर ने अब्राहम कने कित्तेया थिया।

1 कुरुन्थियों 1:10

अवे ओ मेरे संगी विश्वासियों, मैं असा रे प्रभु यीशु मसीह रे हक कने तुसा जो इय्यां करणे तांइ जोर पांदा कि तुसा सारे जणे इक्क ही गल्ल पर राज़ी होया करो, ते तुसा लोक्कां बिच कोई फूट ना हो ते मैं जोर पाई करी बोलदा कि इक्क मकसद ते इक्क ही तरिक्के सोच विचार रख्खी करी अप्पु-मिते सांती बणाई रख्खो।

1 कुरुन्थियों 11:3

पर मैं चाह्‍ंदा की तुसा ए जाणी लेयो की हर इक्क आदमी रा सिर मसीह यीशु ते जनानी रा सिर आदमी है कने मसीह यीशु रा सिर परमेश्वर।

1 कुरुन्थियों 3:6

परमेश्वर रा बसेख इक्क बीह् सांई है जे जमीन बिच बाया गेया। मैं तुसा लोक्कां जो सुब बसेख सुणाया जिय्यां इक्क मणू खेत्तर बिच बीह् बांदा, ते अपुल्लोस ने तिस कम्म जो शिक्षा दैणे कने जारी रख्खेया जिय्यां इक्क मणू पौधेयां जो पाणी दिंदा पर सिर्फ परमेश्वर ने ही तुसा जो आत्मिक रुप कने बधणे रे काबिल बणाया जिय्यां से पौधेयां जो बधांदे।

इफिसियों 1:22

परमेश्वर ने सब किच्‍छ मसीह यीशु रे हक बिच करी दित्तेया, ते कलीसिया रे फायदे तांइ तिन्हा जो हर इक्क चीज पर प्रधान बणाया।

इफिसियों 1:23

कलीसिया मसीह यीशु रे सरीर है ते मसीह री भरपुरी कने भरे री है जे सारेया बिच हर इक्क गल्ल जो पूरा करदी।

इफिसियों 2:21

मसीह यीशु रे ही वजह कने ही पूरी इमारत इक्क गठ्ठ बिच बन्ने री रैहन्दी। से अपणे सारे लोक्कां जो इक्क गठ्ठ बिच रख्खी करी परमेश्वर रा पवित्र मन्दिर बणाया करदे हिन।

इफिसियों 4:3

ते पवित्रात्मा रे पास्से का मिल्ले री सांती जो बणाई रखणे तांइ अप्पु-मिते मिली-जुली करी रेयो।

इफिसियों 5:29

किजोकी कुसकी ने कदी अपणे सरीर कने नफरत नी कित्ती बल्कि तिसेरा ख्याल रखदा, जिय्यां मसीह यीशु भी कलीसिया रा ख्याल रखदे।

फिलिप्पियों 1:27

सिर्फ इन्ना ही करो कि मसीह रे सुब बसेख रे हिसाब कने जिन्दगी जियो। ते भले ही मैं तुसा जो आई करी मिलां या ना भी मिलां, वस तुसा रे बारे बिच ए ही सूणेया कि तुसा इक्क-मन होई इक्क ही मकसद तांइ इकठ्ठे होई करी तिस विश्वास तांइ कड़ा संघर्ष करदे रैहन्दे जे मसीह यीशु रा सुब बसेख है।

कुलुस्सियों 1:10

तां तुसा रा चालचलन प्रभु जो पसंद आणे वाला बणना, ते तुसा परमेश्वर जो हर तरिक्के कने खुस करणे वाली जिन्दगी जीणी, ते तिसेरी वजह कने तुसा अपणी जिन्दगी बिच हर तरिक्के रे ठीक कम्म करदे रैह्णा, ते तुसा परमेश्वर जो होर भी ठीक तरिक्के कने जाणदे रैह्णा।

कुलुस्सियों 1:18

से ही कलीसिया जो, जे तिन्हेरे सरीर सांई है, सही मायने बिच चलांदे ते से अप्पु कलीसिया रे सिर हिन। से ही सुरुआत हिन, ते से ही मुर्देयां बिच का फिरी जिन्दे होणे वाले पैल्ले हिन, ताकि हर इक्क चीज बिच से ही प्रधान ठेहरण।

कुलुस्सियों 2:2

ताकि तुसा जो ते तिन्हा लोक्कां जो होंसला मिल्ले, ते से प्यार कने अप्पु बिच कठ्ठे रैह्ण। मैं चाह्‍ंदा कि तिन्हा जो इस गल्ल रा होंसला रेयो किजोकी से परमेश्वर रे हर राज़ री योजनां जो समजदे, जे मसीह यीशु ही हिन।

1 थिस्सलुनीकियों 3:12

असी प्रार्थना करदे कि जिय्यां असी प्यार तुसा कने करदे तिय्यां ही मसीह यीशु तुसा जो इक्क दूए कने प्यार रखणे ते तिस बिच बधणे बिच मदद करे।

1 थिस्सलुनीकियों 4:10

ओ संगी विश्वासियों, तुसा पैल्ले ही मकिदुनिया प्रदेश बिच रैह्णे वाले सारे संगी विश्वासियां पर अपणा प्यार ज़ाहिर कित्ते रा है, ते असी तुसा जो इक्क-दूए कने प्यार करणे बिच बधणे तांइ उत्साहित करदे।

2 थिस्सलुनीकियों 1:3

ओ संगी विश्वासियों, असा जो तुसा तांइ हमेसा परमेश्वर रा शुकर करणा चाएदा। इय्यां करणा ठीक है किजोकी तुसा मसीह बिच विश्वास करणे बिच होर जादा मजबूत होया करदे हिन ते तुसा बिच आपसी प्यार भी बदेया करदा है।

1 पतरस 3:8

आखिरकार मैं तुसा सारेयां जो ए बोलणा चाह्‍ंदा कि तुसा सारे जणे इक्क-मन होई करी रेयो। इक्क दूए कने हमदर्दी रख्खो। इक्क-दूए जो अपणे परिवार रे मणूआं सांई प्यार करो, इक्क-दूए तांइ दयालू बणो ते सारेयां कने नरम बणो।

2 पतरस 3:18

पर तुसा जो असा रे प्रभु ते छुटकारा दैणे वाले मसीह यीशु रे अनुग्रह रा होर भी जादा अनुभव करणा चाएदा, ते तिन्हा जो समजणे बिच होर भी जादा बधणा चाएदा। तिन्हा रा आदरमान अब्बे ते हमेसा-हमेसा तिकर हुंदा रे।