कुलुस्सियों 2:16 - चम्बयाली नौआ नियम

¹⁶ इधेरे तांइ तुसा कुसकी जो भी इस बारे बिच अप्पु पर ए इल्जाम मत लाणे देयो कि तुसा कै खांदे-पिंदे, या कोई पवित्र दिन, नौए चाँद रा दिन या विश्राम दिन मनांदे या नी,

कुलुस्सियों 2:16 ပူးပေါင်းရင်းမြစ်များ

मत्ती 15:11

मणू रे मुँह अन्दर जे जान्दा, से मणू जो भिठ्ठा नी करदा, पर उसेरे मुँह का निकलेरी गल्ल तिसजो भिठ्ठा करदी।

मरकुस 7:19

किजोकी से मन बिच नी, पर पेट बिच जान्दी, अते संडास बिच निकली जान्दी?” इस तरिक्के कने यीशु ने सारी खाणे वाली चीजां जो साफ ठैहराया।

प्रेरितां रे कम्म 15:20

पर तिन्हा जो चीठ्ठी लिख्खी भेज्जो, कि से मूर्तां जो चढ़ाई री रोट्टी तुसा जो नी लैणी चाएदी ते व्यभिचार का बची रैह्ण गला घोटी करी मारे रे जानवर रा मांस ना खाण ते खून जो कदी ना खाण,

रोमियों 14:10

तां तू अपणे संगी विश्वासी पर इल्जाम किजो लांदा? या तू फिरी किजो अपणे संगी विश्वासी जो तुच्छ समजदा? असी सारे जणेया ने परमेश्वर री हिसाब-किताब री गद्दी रे सामणे खड़िणा।

गलातियों 4:10

तुसा गैर यहूदी मणू मूसा रे कानून रे हिसाब कने दिन-बार, महीने, मौसम ते साल्लां जो मनदे।

कुलुस्सियों 2:20

किजोकी तुसा रा पापी स्वभाव मसीह यीशु कने मारी दित्तेया गे रा है, इधेरे तांइ अवे तुसा जो दुनियावी रीति-रीवाज्जां जो मनणे री जरुरत नी है, फिरी भी तुसा तिन्हा गल्लां जो इय्यां मनदे कि जिय्यां कि से हल्ले भी तुसा जो काबू बिच रखदे,

इब्रानियों 13:9

नौई ते बखरी-बखरी शिक्षां रे पीच्छे मत चलदे, जिन्हा ने तुसा जो सही रस्ते का गलत रस्ते पर लेई जाणा। परमेश्वर रा अनुग्रह कने अंदरूनी ताकत पाणा ठीक गल्ल है, ते खाणे-पीणे रे कानूनां जो ना मनणा खरा है, किजोकी जे मणू इन्हा कानूनां जो मनदे, तिन्हा जो इन्हा कने कोई फायदा नी होणा।

इब्रानियों 9:10

किजोकी से रीति-रीवाज सिर्फ खाणे-पीणे ते शुद्वीकरण रे बारे बिच ही थिये, जे सारे नियम-कायदे बाहरी थिये। से कानून अवे फायदेमंद नी हिन किजोकी परमेश्वर ने अवे असा कने नौई वाचा बन्ने री है। ए नौई वाचा पैल्ले री रीति का जादा बदिया है।

याकूब 4:11

ओ संगी विश्वासियों, इक्क दूए री बदनामी मत करेया करो, जे अपणे संगी विश्वासी री बदनामी करदा या तिस पर इल्जाम लादां, तां से मूसा रे कानून री बदनामी करदा ते मूसा रे कानून पर इल्जाम लादां, ते तू मूसा रे कानून पर चलणे वाला नी पर तिस पर हाकिम ठैहरेया।