कुलुस्सियों 2:14 - चम्बयाली नौआ नियम

¹⁴ तिन्हा ने असा रे पाप्पां रे लेखे-जोखे जो रद्द करी दित्ता, ते तिसजो सुली पर मेखां कने जड़ी करी दुर करी दित्ता।

कुलुस्सियों 2:14 ပူးပေါင်းရင်းမြစ်များ

लूका 1:6

जकरयाह अते इलीशिबा परमेश्वर री नजरां बिच धार्मिक थिये, ते प्रभु रे सारे हुक्मा ते विधियां पर चलणे वाले थिये।

प्रेरितां रे कम्म 3:19

इस तांइ, तौबा करो ते परमेश्वर रे पास्से हटी आओ की तुसा रे पाप मिटाए जाण, जिस कने तुसा जो परमेश्वर रे पास्से का सुख-चैन रे दिन मिलण,

कुलुस्सियों 2:20

किजोकी तुसा रा पापी स्वभाव मसीह यीशु कने मारी दित्तेया गे रा है, इधेरे तांइ अवे तुसा जो दुनियावी रीति-रीवाज्जां जो मनणे री जरुरत नी है, फिरी भी तुसा तिन्हा गल्लां जो इय्यां मनदे कि जिय्यां कि से हल्ले भी तुसा जो काबू बिच रखदे,

2 थिस्सलुनीकियों 2:7

तिस दुष्ट री ताकत इस दुनिया बिच लुकी करी कम्म करेया करदी है पर कोई है जे जिस ने तिस ताकत जो रोक्की करी रख्खे रा है। ते तिसने तिस ताकत जो तां तांइ रोक्की रखणा जां तिकर से रस्ते का हटाई नी दित्तेया जाणा।

इब्रानियों 7:18

ते इसी तरिक्के कने कमजोर ते नाकामयाब होणे री वजह कने “मूसा रे कानून” जो बदली दित्तेया गेया।

इब्रानियों 8:13

परमेश्वर ने इसजो इक्क नौई वाचा बोल्लेया, इधेरे तांइ तिन्हा ने पैल्ली वाचा जो पुराणा मन्नेया, ते हर इक्क चीज जे पुराणी ते खराब होई गे री हो, से अग्गे जो नी रेई सकदी।

1 पतरस 2:24

जां मसीह मरे, तां तिन्हा जो असा रे पाप्पां री सजा तांइ सुली पर चढाया गेया थिया। तिन्हा ने ए इधेरे तांइ कित्तेया थिया ताकि असी पाप करणा छड्डी दैण ते धार्मिकता कने जीणा सुरु करी दैण। जिन्हा जख्मां जो तिन्हा ने सहन कित्तेया, तिन्हेरी वजह कने असी ठीक होए।