कुलुस्सियों 2:1 - चम्बयाली नौआ नियम

¹ मैं चाह्‍ंदा की तुसा जाणो की तुसा तांइ, ते लौदीकिया सहर बिच रैह्णे वाले विश्वासियां तांइ, ते तिन्हा सारे मणूआं तांइ भी जिन्हा जो मैं हल्ले तिकर नी मिल्ले रा है, मैं किन्नी जादा मैहनत करदा।

कुलुस्सियों 2:1 ပူးပေါင်းရင်းမြစ်များ

लूका 22:44

अते यीशु बडे़ भरी बेचैन होई गे अते होर भी जादा वरी मन कने प्रार्थना करणा लग्गी पे तिन्हेरा पसिना इय्यां निकलदा थिया जिय्यां खून री बुदां जमीन पर पेय करदी हो

प्रेरितां रे कम्म 20:25

पर मेरे जो पता है कि तुसा सब जणे जिन्हा बिच मैं परमेश्वर रे राज रा प्रचार करदा रेया, तुसा मेरे जो फिरी नी दिख्खणा।

प्रेरितां रे कम्म 20:38

से खास कर इस गल्ल कने दुखी थिये जे तिनिए बोल्ली थी कि, तुसा मेरे जो फिरी नी दिखणा तां तिन्हा ने तिसजो जहाज तिकर पूजाया।

गलातियों 4:19

ओ मेरे प्रियों, जिय्यां कुसकी दुपराणी जनानी जो लोकिणे री पीड़ हुंदी, तिसी सांई मैं तुसा तांइ पीड़ सहन करेया करदा है। ते जां तांइ तुसा मसीह बिच पूरी तरह पकी नी जांदे, तां तांइ मेरे जो से पीड़ रैह्णी।

फिलिप्पियों 1:30

ते तुसा जो तैसा ही संघर्ष करणा पैणा, जदेई तुसा ने मेरे जो तां भी करदे दिख्खे रा है जां मैं तुसा कने फिलिप्पी सहर बिच थिया, ते अब्बे भी सूणदे कि मैं तिय्यां ही इत्ते कैद बिच संघर्ष करेया करदा।

कुलुस्सियों 1:24

मेरे जो तुसा तांइ जुल्म झेलणे बिच खुसी हुंदी, मैं इस गल्ल बिच खुस है कि मैं मसीह रे सरीर तांइ, जे तिन्हेरी कलीसिया है, आखरी समय तिकर मसीह रा अपणी कलीसिया तांइ जुल्म झेलणे बिच जे भी कम्म अधुरा रेई गे रा हो, तिसजो पूरा करदे रैह्णा।

कुलुस्सियों 1:29

इधेरे तांइ मैं मसीह री ताकत पर, जे मेरे अंदर कम्म करदी, निर्भर होई करी कड़ी मैहनत करदा।

कुलुस्सियों 2:5

हालांकि मैं तुसा का दुर है, तां भी मैं हमेसा तुसा रे बारे बिच सोचदा रैहन्दा, मैं इस गल्ल कने खुस है कि तुसा इक्क-मन होई करी तिय्यां ही रेया करदे हिन जिय्यां तुसा जो रैह्णा भी चाएदा ते मसीह बिच तुसा रा विश्वास भी मजबूत है।

1 थिस्सलुनीकियों 2:2

बल्कि तुसा अप्पु ही जाणदे की असा ने पैल्ले फिलिप्पी सहर बिच दुख चुक्कणे ते तकलीफ सहणे पर भी असा रे परमेश्वर ने असा जो इदेइ हिम्मत दित्ती, की असी तुसा रे सहर बिच वरी विरोध रे हुदें होए भी तुसा जो परमेश्वर रा सुब बसेख सुनाण

इब्रानियों 5:7

जा मसीह यीशु इस दुनिया बिच इक्क मणू रे रुप बिच थिये, तां तिन्हा ने तिस परमेश्वर का रोई-रोई करी प्रार्थनां ते मिन्नतां कित्ती, जे तिन्हा जो मौत का बचाई सकदे थिये। ते परमेश्वर ने तिन्हेरी प्रार्थना सुणी किजोकी यीशु निमतेपन कने परमेश्वर रा हुकम मनणे तांइ तैयार थिये।

1 पतरस 1:8

तुसा ने मसीह यीशु जो कदी भी नी दिख्खे रा है पर फिरी भी तुसा तिन्हा जो प्यार करदे। तुसा इस बेल्ले तिन्हा जो दिख्खी नी सकदे पर तुसा तिन्हा बिच विश्वास करदे। इधेरे तांइ तुसा तिस आनंद ते महिमा बिच खुस हुंदे जे शब्दां बिच बयान नी होई सकदी।

प्रकाशित वाक्य 1:11

तिन्हा ने मेरे जो ए बोल्लेया, जे किच्‍छ तू दिख्खेया करदा है, तिसजो इस कताब बिच लिखदा जा, ते फिरी तिसजो इफिसुस, स्मुरना, पिरगमुन, थुआतीरा, सरदीस, फिलदिलफिया, अते लौदीकिया, शरहां री सत्तों कलीसिया बिच भेज्जी दे।