कुलुस्सियों 1:7 - चम्बयाली नौआ नियम

⁷ तुसा ने इसेरी शिक्षा इपफ्रास का पाई, जे मसीह रे बसेख जो फैलाणे बिच असा रा साथी है ते असा पास्से का मसीह रा विश्वासयोग्य सेवक है।

कुलुस्सियों 1:7 ပူးပေါင်းရင်းမြစ်များ

मत्ती 18:29

तां से तिसेरा साथी नौक्कर पैरा पेई करी छन्दे करणा लगेया, सबर रखो, मैं सब देई दिंगा

मत्ती 24:45

अते से भरोसेमदं ते समजदार दास कुण है, जिस जो मालक ने नौकरांं-चाकरां पर सरदार ठैहराया की ठीक-ठीक समय पर तिन्हेरे जो रोटी देय?

मत्ती 25:21

तिसेरे मालक ने तिसजो बोल्लेया, शाबास, तू विश्वास रे लायक खरा नौक्कर है, तू थोड़े तोड़ेयां बिच भी विश्वास रे लायक रेया, मैं तिज्जो बड़ी चीजां पर हक दैणा।

1 कुरुन्थियों 4:17

इधेरे तांइ मैं तीमुथियुस जो जे प्रभु बिच मेरा प्यारा अते भरोस्सेमंद पुत्तर सांई है, तुसा का भेज्जेया। तिन्ने तुसा जो दसणा कि इक्क मसीही मणू रे तौर पर मैं किय्यां जिन्दगी जिया करदा है, जदेया कि मैं हर इक्क जगाह् ते हर इक्क कलीसिया बिच दसदा भी।

1 कुरुन्थियों 4:2

ते तिस बारे बिच फिरी परमेश्वर रे बसेख रा राज़ जिन्हा लोक्कां रे हवाले कित्ते गे रा है, तिन्हा तांइ जरुरी है कि से भरोस्सेमंद रैह्ण।

1 कुरुन्थियों 7:25

कुंआरी कुड़ियां तांइ प्रभु का कोई भी हुकम मेरे जो नी मिल्लेया, पर परमेश्वर ने अपणी दया कने मेरे जो जे ज्ञान दित्ते रा है से भरोस्से रे लायक है ते मैं तुसा जो सलाह दिंदा,

2 कुरुन्थियों 11:23

कै से ही मसीह यीशु री सेवा करणे वाले मणू हिन? मैं बोलदा कि मैं तिन्हा का बधी करी है! मैं पागल मणू सांई बोलदा कि मैं तिन्हा का जादा मैहनत कित्ते री है, मैं तिन्हा का जादा कैद होए रा है, मैं तिन्हा का जादा कोड़े खाए, ते मैं तिन्हा का जादा मौत रे खतरे बिच पेरा है।

इफिसियों 5:21

मसीह यीशु रा आदरमान करणे तांइ इक्क-दूए रे अधीन रेया करो।

फिलिप्पियों 2:25

पर मैं इपफ्रुदीतुस जो जे तुसा का भेजणा जरुरी समजेया, जे मेरा विश्वासी भाई, ते मसीह रा सुब बसेख सुनाणे बिच मेरा साथी है। से इक्क सिपाई सांई है जे मेरे कने तिन्हा लोक्कां रे खिलाफ खड़ित्तेया जे मसीह रे बसेख रे खिलाफ हिन, तुसा रा दूत भी है। जरुरी गल्लां बिच मेरी सेवा करणे वाला भी है।

कुलुस्सियों 4:12

इपफ्रास भी जे तुसा रे ही सहर का है। ते से मसीह यीशु रा दास है, तुसा जो प्रणाम बोल्लेया करदा है। से बड़ी लगन कने तुसा तांइ प्रार्थना करदा रैहन्दा ताकि तुसा मसीह यीशु बिच विश्वास करणे बिच मजबूत होई करी, सिद्व होई करी ते पक्के तौर पर पूरे विश्वास कने परमेश्वर री मर्जी जो पूरा करो।

कुलुस्सियों 4:7

तुखिकुस मसीह बिच मेरा प्यारा विश्वासी भ्याल ते भरोस्सेमंद साथी है, जे मसीह री सेवकाई रे कम्म बिच मेरा साथी है। तिनिये तुसा जो मेरी हर गल्ल दस्सी दैणी।

कुलुस्सियों 4:9

मैं अपणे भरोस्सेमंद ते प्यारे विश्वासी भ्याल उनेसिमुस जो भी तिस कने भेजेया करदा है, जे तुसा रे ही सहर का है। तिसने तुसा जो से सब किच्‍छ दस्सी दैणा जे इत्ते होया करदा है।

1 तीमुथियुस 4:6

जे अगर तू संगी विश्वासियां जो इन्हा गल्लां री शिक्षां दिंदा रैह्‍ंगा, तां तैं मसीह यीशु रा खरा दास ठैहराणा ते तैं अपणे मन जो परमेश्वर रे वचन कने मजबूत करणा जिस जो असी बदिया का बदिया शिक्षा कने मनदे भी।

2 तीमुथियुस 2:2

तुसा ने मते लोक्कां सामणे मेरे का मसीह रे बसेख रे बारे बिच सुणे रा है। इधेरे तांइ मैं चाह्‍ंदा कि तुसा भी तिस ही बसेख री शिक्षा तिन्हा भरोस्सेमंद विश्वासियां जो देयो जे होर लोक्कां जो सिखाणे रे काबिल हिन।

फिलेमोन 1:23

इपफ्रास भी मसीह यीशु रे बसेख रा प्रचार करणे री वजह कने मेरे कने कैद बिच पाया गे रा है।

इब्रानियों 2:17

इधेरे तांइ तिन्हा जो चाएदा थिया कि हर गल्ल से इक्क आम इन्सान सांई बणे, ताकि से असा तांइ परमेश्वर रा दयालू ते विश्वासयोग्य प्रधान पुरोत्त बणी करी तिन्हेरी सेवा करी सके, ते असा रे पाप्पां री माफी तांइ अपणी जान देई दे।

इब्रानियों 3:2

जिय्यां मूसा परमेश्वर रे पूरे टब्बर बिच सारेयां री सेवा करणे बिच विश्वासयोग्य थिया, तिय्यां ही यीशु भी परमेश्वर तांइ विश्वासयोग्य रे, जिन्हा ने यीशु जो चुणेया थिया।