कुलुस्सियों 1:29 - चम्बयाली नौआ नियम

²⁹ इधेरे तांइ मैं मसीह री ताकत पर, जे मेरे अंदर कम्म करदी, निर्भर होई करी कड़ी मैहनत करदा।

कुलुस्सियों 1:29 ပူးပေါင်းရင်းမြစ်များ

लूका 13:24

यीशु ने तिसजो जवाब दित्तेया, “परमेश्वर रे राज जो पुजणे वाले तंग दुआर का जाणे तांइ मैहनत करो, किजोकी बड़े जणेया ने अन्दर जाणे री कोसीस करणी पर जाई नी सकणा।

रोमियों 15:20

पर मेरे मन री चाह्‍त ए है, कि जिस-जिस जगाह् बिच मसीह यीशु रा सुब बसेख नी सुणाया गेया, तित्ते ही सुब बसेख सूणां। ताकि इय्यां ना हो कि इदेइ जगाह् पर कम्म करां जित्ते कुसकी होर ने पैल्ले का कम्म सुरु कित्ते रा हो।

रोमियों 15:30

ओ संगी विश्वासियों, असा रे प्रभु यीशु मसीह रे ते पवित्रात्मा रे प्यार जो याद दुआई करी, मैं तुसा का छन्दे करदा, कि मेरे तांइ परमेश्वर का प्रार्थना करणे बिच मेरे कने मिली करी लग्गी रेयो।

1 कुरुन्थियों 12:11

पर इन्हा सारी खुबियां रा जरिया सिर्फ पवित्रात्मा है ते से ही हिन जे अपणी मर्जी रे हिसाब कने सारेयां बिच से खुबियां बंडदे।

1 कुरुन्थियों 15:10

परमेश्वर रे अनुग्रह री वजह कने ही मैं प्रेरित बणेया, तिन्हेरा से अनुग्रह जे मेरे पर होया, तिसेरा मेरी जिन्दगी बिच बड़ा जादा असर रेया। मैं तिन्हा सारे प्रेरितां का बधी करी मैहनत भी कित्ती: तां भी ए मेरे पास्से का नी होया पर परमेश्वर रे अनुग्रह री वजह जे मेरे पर है।

2 कुरुन्थियों 11:23

कै से ही मसीह यीशु री सेवा करणे वाले मणू हिन? मैं बोलदा कि मैं तिन्हा का बधी करी है! मैं पागल मणू सांई बोलदा कि मैं तिन्हा का जादा मैहनत कित्ते री है, मैं तिन्हा का जादा कैद होए रा है, मैं तिन्हा का जादा कोड़े खाए, ते मैं तिन्हा का जादा मौत रे खतरे बिच पेरा है।

2 कुरुन्थियों 13:3

हालांकि तुसा इस गल्ल रा सबूत चाह्‍ंदे कि मसीह यीशु मेरे जरिये गल्ल करदे। जां मसीह तुसा री गलतियां जो सुधारदे तां से कमजोर नी हिन; से तुसा लोक्कां बिच ताकतवर हिन।

2 कुरुन्थियों 5:9

इस तांइ असा रे मन री खुसी ए है कि चाए असी तिन्हा कन्ने स्वर्ग बिच रैह्ण या चाए तिन्हा का दुर इस दुनिया बिच रैह्ण, पर असी तिन्हा जो पसंद आंदे रैह्ण।

2 कुरुन्थियों 6:5

ते असी कोड़े खाणे कने, कैद होणे कने, हगांमेया कने, मैहनत करदे होए, जागदे रैह्णे कने, भूख्ख बिच, पवित्रता कने, ज्ञान कने, सबर कने, रहम कने, पवित्रात्मा कने अप्पु जो परमेश्वर रे चुणे रे दास साबित करदे।

इफिसियों 1:19

मैं चाह्‍ंदा कि तुसा तिस महान ते बड्डी ताकत रे बारे बिच जाणो जे परमेश्वर ने असा तांइ रख्खे री है जे मसीह यीशु पर विश्वास करदे।

इफिसियों 3:20

परमेश्वर असा रे मंगणे या सोचणे का भी बधी करी बड्डे कम्म करी सकदे किजोकी तिन्हेरी ताकत असा बिच कम्म करेया करदी है। कलीसिया ते यीशु मसीह बिच परमेश्वर जो हर पीढ़ी रे जरिये महिमा मिलदी रे।

इफिसियों 3:7

मैं परमेश्वर रे अनुग्रह रे मुफ्त दान ते ताकत री वजह कने मेरे जो सुब बसेख सुनाणे री सेवा करणे रा सौभाग्य मिल्ले रा है।

फिलिप्पियों 1:27

सिर्फ इन्ना ही करो कि मसीह रे सुब बसेख रे हिसाब कने जिन्दगी जियो। ते भले ही मैं तुसा जो आई करी मिलां या ना भी मिलां, वस तुसा रे बारे बिच ए ही सूणेया कि तुसा इक्क-मन होई इक्क ही मकसद तांइ इकठ्ठे होई करी तिस विश्वास तांइ कड़ा संघर्ष करदे रैहन्दे जे मसीह यीशु रा सुब बसेख है।

फिलिप्पियों 1:30

ते तुसा जो तैसा ही संघर्ष करणा पैणा, जदेई तुसा ने मेरे जो तां भी करदे दिख्खे रा है जां मैं तुसा कने फिलिप्पी सहर बिच थिया, ते अब्बे भी सूणदे कि मैं तिय्यां ही इत्ते कैद बिच संघर्ष करेया करदा।

फिलिप्पियों 2:13

किजोकी परमेश्वर तुसा बिच कम्म करेया करदे हिन, ते तुसा जो इच्छा ते ताकत देया करदे हिन ताकि तुसा से कम्म करो जिस कने से खुस हुंदे।

फिलिप्पियों 2:16

ताकि जिस दिन मसीह यीशु ने हटी आणा तिस दिन मेरे जो ए घमंड होणा कि मेरी कोशीशां ते मैहनत फायदेमंद होई।

कुलुस्सियों 2:1

मैं चाह्‍ंदा की तुसा जाणो की तुसा तांइ, ते लौदीकिया सहर बिच रैह्णे वाले विश्वासियां तांइ, ते तिन्हा सारे मणूआं तांइ भी जिन्हा जो मैं हल्ले तिकर नी मिल्ले रा है, मैं किन्नी जादा मैहनत करदा।

कुलुस्सियों 2:12

तिय्यां ही जां तुसा जो बपतिस्मा दित्तेया गेया तां तुसा रे पापी स्वभाव जो इय्यां गाड़ेया गेया जिय्यां मसीह यीशु जो गाड़ेया गेया थिया। ते जिय्यां से फिरी मुर्देयां बिच का जिन्दे होई गे थिये, तिय्यां ही तुसा जो भी नौई जिन्दगी दित्ती गयी, किजोकी तुसा परमेश्वर री बड्डी ताकत पर विश्वास कित्तेया, जिन्हा ने मसीह यीशु जो मुर्देयां बिच का फिरी जिन्दा कित्तेया थिया।

कुलुस्सियों 4:12

इपफ्रास भी जे तुसा रे ही सहर का है। ते से मसीह यीशु रा दास है, तुसा जो प्रणाम बोल्लेया करदा है। से बड़ी लगन कने तुसा तांइ प्रार्थना करदा रैहन्दा ताकि तुसा मसीह यीशु बिच विश्वास करणे बिच मजबूत होई करी, सिद्व होई करी ते पक्के तौर पर पूरे विश्वास कने परमेश्वर री मर्जी जो पूरा करो।

1 थिस्सलुनीकियों 2:9

किजोकी ओ भाईयों, तुसा ने असा री कड़ी मैहनत जो याद रख्खेया ते असा ने इस तांइ रात-दिन कम्म करी के तुसा बिच परमेश्वर रा सुब बसेख प्रचार कित्ता ताकि असी अपणी जरुरतां तांइ तुसा पर बोझ ना बनण।

2 थिस्सलुनीकियों 3:8

ते कुसकी का मुफ्त बिच रोट्टी नी खाई पर मैहनत-मजदूरी करी के रात-दिन कम्म-काज करदे थिये ताकि असी तुसा बिच का कुसकी पर अपणी जरुरतां तांइ निर्भर ना हो।

2 तीमुथियुस 2:10

इधेरे तांइ मैं परमेश्वर रे चुणे रे लोक्कां री भलाई तिकर हर तरिक्के रे दुख-तकलीफ जो सहन करी लिंदा, ताकि से मणू भी मसीह यीशु बिच विश्वास करण ते छुटकारा पाण, ते तिस महिमा जो हासिल करण जे हमेसा-हमेसा तांइ रैह्णी।

इब्रानियों 12:4

पाप रे खिलाफ संघर्ष करणे अंदर तुसा कदी इदेय मोड़ पर नी पूज्जे, जित्ते तुसा जो अपणी जान खतरे बिच पाणी पेयो।

इब्रानियों 13:21

ते परमेश्वर प्रभु यीशु मसीह री ताकत कने तुसा बिच से हर इक्क ठीक चीज पैदा करे, जिस कने से खुस हुंदे, जिस कने तिन्हेरी महिमा हमेसा-हमेसा तिकर हुंदी रेयो। आमीन।

प्रकाशित वाक्य 2:3

मेरे तांइ जुल्म सहन करणे बिच तू सबर कने रेया, ते तू हार नी मन्नी।