कुलुस्सियों 1:27 - चम्बयाली नौआ नियम

²⁷ किजोकी परमेश्वर ने चाएया कि तिन्हेरे मणू जाणे कि मसीह री शोहरत ते महिमा गैर यहूदियां तांइ भी है, ते से राज़ मसीह है, जे तुसा बिच वास करदे जे असा री परमेश्वर री महिमा बिच हिस्सेदार बणने री आस है।

कुलुस्सियों 1:27 ပူးပေါင်းရင်းမြစ်များ

मत्ती 13:11

यीशु ने जवाब दित्तेया, तुसा जो स्वर्ग रे राज रे भेदां री समझ दित्ती गे री है, पर इन्हा जो नी।

लूका 17:21

अते मणूआं ने ए नी बोल्णा, कि दिख्खो, इत्ते है, या उत्ते है किजोकी, परमेश्वर रा राज तुसा रे बिच् है

यूहन्ना 14:17

मतलब से आत्‍मा, जे लोक्कां जो परमेश्वर रे सच रे बारे बिच एहसास दुआंदी, ते जिस जो दुनिया अपणाई नी सकदी, किजोकी से ना तां तिन्हा जो दिखदा ते से ना तिसजो जाणदा। तुसा तिसजो जाणदे, किजोकी से तुसा रे कने रैहन्दा, ते से तुसा बिच होणा।

यूहन्ना 14:20

तिस रोज जां मैं वापिस हटणा, तुसा जाणना कि मैं पिता बिच है, ते तुसा मेरे बिच हिन, ते मैं तुसा बिच।

यूहन्ना 14:23

यीशु ने तिसजो जवाब दित्तेया, जे कोई मेरे कने प्यार रखगा तिनिये मेरे शिक्षा जो मनणा, ते मेरे पिता ने तिस कने दाह-पीड़ रखणी ते असा तिसका आणा, ते तिसेरे कन्ने रैह्णा।

यूहन्ना 17:26

मैं तुसा रा नां इन्हा सामणे प्रकट कित्ते रा है, ते अग्गे भी दसदे रैह्णा ताकि जे प्यार तुसा जो मेरे कने थिया से तिन्हा बिच रेय, ते मैं इन्हा बिच रेयां।

यूहन्ना 6:56

जे मेरा सरीर खान्दा ते मेरा खून पीन्दा, तिनिये हमेसा तिकर मेरे अन्दर बणी रैह्णा, ते मैं तिस बिच

रोमियों 11:33

वाह! परमेश्वर रा धन्न ते बुद्धी अते ज्ञान किन्ने जादा गम्भीर हिन! कोई भी तिन्हेरे फैसलेयां जो नी समजी सकदा ते कोई भी तिन्हेरे रस्तेयां जो नी समजी सकदा!

रोमियों 2:4

कै तुसा परमेश्वर री भलाई, सहनशीलता, ते सबर करणे रे धन्न जो बेकार समजदे? कै तू ए नी समजदा कि परमेश्वर री भलाई तुसा जो पाप्पां का तौबा करणे जो सिखांदी?

रोमियों 5:2

असा रे विश्वास रे जरिये मसीह ने असा जो अनुग्रह दित्ते रा है, जिस बिच असी अज्ज टिके रे हिन, ते असी बड़ी हिम्मत ते खुसी कने परमेश्वर री महिमा जो बंडणे तांइ उत्सुक हिन।

रोमियों 8:10

जे अगर मसीह तुसा बिच वास करदे, तां भले ही पाप री वजह कने सरीर रे मरी जाणे पर भी, पवित्रात्मा तुसा जो जिन्दगी दिंदी, किजोकी तुसा परमेश्वर रे सामणे धार्मिक ठैहराए गेरे हिन।

रोमियों 9:23

परमेश्वर ने तिन्हा लोक्कां पर अपणी महिमा ज़ाहिर करी कित्ता, जिन्हा जो तिन्हा ने अपणी महिमा दैणे तांइ चुणेया थिया।

1 कुरुन्थियों 3:16

तुसा ठीक तरिक्के कने जाणदे कि तुसा परमेश्वर रा मन्दिर हिन अते पवित्रात्मा तुसा रे बिच वास करदा।

2 कुरुन्थियों 2:14

परमेश्वर रा शुकर हो, मसीह कने असा रा रिस्ता होणे री वजह कने से असा जो मसीह कने हमेसा लेई करी चलदे ते असा जो जीत दुआंदे। ते परमेश्वर अपणे मसीह जो जानणे री खुशबू जो इक्क महक सांई असा रे जरिये हर जगाह् फैलांदे।

2 कुरुन्थियों 4:17

किजोकी असा री मुसीबतां छोटी हिन ते तिन्हा ने जादा हाण तांइ नी रैह्णा किजोकी तिन्हेरे अंजाम “हमेसा री महिमा” होणा, जे तिस हर कुसकी चीज का बड्डी भी है, जिसेरे बारे बिच असी कदी सोच्ची भी नी सकदे।

2 कुरुन्थियों 4:6

किजोकी परमेश्वर ने ही बोल्ले रा है, “न्याहरे बिच रौसनी चमके।” ते से ही असा रे दिल बिच चमकी, ताकि असी मसीह बिच परमेश्वर री महिमा जो दिख्खी सकण।

2 कुरुन्थियों 6:16

ते मूर्तां कने परमेश्वर रे मन्दिर रा कोई रिस्ता नी। किजोकी असी ता जिन्दे परमेश्वर रे मन्दिर हिन, जिय्यां परमेश्वर ने बोल्ले रा है, “मैं तिन्हा लोक्कां बिच बसणा ते तिन्हा बिच चलणा-फिरणा, मैं तिन्हेरा परमेश्वर होण ते से मेरे मणू होणे।”

गलातियों 2:20

ए इदेया है कि जां यीशु मसीह सुली पर मरे तिय्यां ही मैं भी मरी गेया ते अवे मैं जिंदा नी रेया, पर मसीह यीशु मेरे बिच जिंदे। अते मैं अवे जे जिंदा है तां सिर्फ तिस विश्वास कने जिंदा है, जे मेरे जो परमेश्वर रे पुत्तर पर है, जिन्हा ने मेरे कने प्यार कित्तेया, अते मेरे तांइ अप्पु जो देई दित्तेया।

गलातियों 4:19

ओ मेरे प्रियों, जिय्यां कुसकी दुपराणी जनानी जो लोकिणे री पीड़ हुंदी, तिसी सांई मैं तुसा तांइ पीड़ सहन करेया करदा है। ते जां तांइ तुसा मसीह बिच पूरी तरह पकी नी जांदे, तां तांइ मेरे जो से पीड़ रैह्णी।

इफिसियों 1:7

परमेश्वर ने असा जो मसीह रे खून बहाई करी कुर्बानी दैणे रे जरिये छुटकारा दित्ते रा है, जिसेरा मतलब ए है कि असा रे पाप माफ होई गेरे हिन किजोकी परमेश्वर रा अनुग्रह इन्ना महान है जे तिन्हा ने असा पर बड़ा जादा कित्ते रा है।

इफिसियों 2:22

मसीह यीशु रे जरिये तुसा भी बाकि पवित्र मणूआं कने मिली करी परमेश्वर रा पवित्र घर हिन, जित्ते परमेश्वर अपणी अात्मा रे जरिये वास करदे।

फिलिप्पियों 4:19

मेरा परमेश्वर भी अपणे तिस धन्न रे हिसाब कने जे महिमा कने मसीह यीशु बिच है, तुसा री हर इक्क घटी जो पूरा करगा

कुलुस्सियों 1:5

तुसा ए सब इधेरे तांइ करदे किजोकी तुसा रा विश्वास ते आस, तिन्हा चीजां पर आधारित है जे परमेश्वर ने तुसा तांइ स्वर्ग बिच संभाली करी रख्खे री है। तुसा जो तिसेरी उम्मीद तिस बेल्ले का थी जां तुसा पैल्ली वरी मसीह यीशु रा सुब बसेख सूणेया थिया, जे परमेश्वर रा सच्चा बसेख है।

कुलुस्सियों 2:3

परमेश्वर रे बारे बिच ज्ञान ते बुद्वी इक्क लुके रे खजाने सांई है। सिर्फ मसीह यीशु ही तिसजो लोक्कां पर प्रकट करदे।

कुलुस्सियों 3:11

जिसेरा अंजाम ए होया कि तिस बिच कोई यूनानी, यहूदी, खतना वाले, बगैर खतना वाले, विदेशी, नौक्कर ते अजाद मणूआं बिच कोई फरक नी रेया, पर सिर्फ मसीह यीशु ही सारेयां बिच सबका जादा जरुरी हिन ते तुसा तिन्हेरे हिसाब कने जिन्दगी जियो।

1 तीमुथियुस 1:1

मैं पौलुस ए चीठ्ठी तीमुथियुस जो लिख्खेया करदा है। मैं परमेश्वर रे हक ते असा जो छुटकारा दैणे वाले मसीह यीशु रे जरिये तिन्हेरा प्रेरित है जे असा री आस भी हिन।

इब्रानियों 6:19

ए आस जे असा का है ते कदी भी टुटी नी सकदी, ते असा जो परमेश्वर का दुर भटकणे नी दिंदी, पर ए असा जो परमेश्वर का मन्दिर बिच, स्वर्ग अंदर, सबका जादा पवित्र जगाह् पर पुजांदा।

1 यूहन्ना 4:4

ओ प्यारे बच्चेयों, तुसा परमेश्वर रे मणू हिन, तुसा तिन्हा झूठ्ठे भविष्यद्वक्तां पर जीत हासिल कित्ते री है, किजोकी पवित्रात्मा जे तुसा बिच बसदी से शैतान का जादा ताकतवर है जे इस दुनिया रे लोक्कां पर राज करदा।

प्रकाशित वाक्य 3:20

सुण, मैं कुसकी मणू सांई है जे तुसा रे दुआर पर खड़ी करी खोलणे तांइ खटखटाया करदा हो। जे अगर कोई मेरी अवाज सुणी करी दुआर खोल्ली दे, तां मैं अंदर जाई करी तिस कने रोट्टी खाणी।