कुलुस्सियों 1:25 - चम्बयाली नौआ नियम

²⁵ इस कलीसिया तांइ मैं तुसा वास्ते परमेश्वर रे जरिये मेरे जो सौप्पि गे री सेवा तांइ इक्क दास रे रुप बिच चुणेया गे रा है, ताकि मैं परमेश्वर रे बसेख जो पूरे तरिक्के कने प्रचार करी सकां।

कुलुस्सियों 1:25 ပူးပေါင်းရင်းမြစ်များ

1 कुरुन्थियों 3:5

मैं पौलुस ते अपुल्लोस परमेश्वर री सेवा करणे वाले दास का बधी करी होर किच्‍छ नी हिन, जिन्हेरे जरिए तुसा ने मसीह यीशु रे बसेख विश्वास कित्तेया, असा सबने से ही कम्म कित्तेया जे प्रभु ने असा जो दित्तेया।

1 कुरुन्थियों 9:17

जे अगर मैं अपणे मर्जी कने सुब बसेख रा प्रचार करां तां परमेश्वर ने मेरे जो ईनाम दैणा। पर जे अगर मैं ए अपणी मर्जी कने ना करां तां भी ए इक्क पवित्र जिम्मेदारी है जे परमेश्वर ने मेरे जो सौंप्पे री है।

इफिसियों 3:2

ते तुसा भी पक्के तौर पर सुणे रा है कि परमेश्वर ने मेरे अपणे अनुग्रह कने मेरे जो तुसा बिच सुब बसेख सुनाणे री जिम्मेदारी दित्ते री है।

इफिसियों 3:7

मैं परमेश्वर रे अनुग्रह रे मुफ्त दान ते ताकत री वजह कने मेरे जो सुब बसेख सुनाणे री सेवा करणे रा सौभाग्य मिल्ले रा है।

कुलुस्सियों 1:23

मसीह बिच तुसा रा विश्वास, नीं बणे रे मजबूत घर सांई होणा चाएदा। मसीह रे सुब बसेख जो सुणी करी जे आस तुसा जो मिल्ली थी, तिसजो मत छड्डो, ते जिस सुब बसेख रा प्रचार दुनिया रे सारे लोक्कां बिच कित्ता गे रा है। ते मैं पौलुस जिस सुब बसेख रा दास बणेया।

1 थिस्सलुनीकियों 3:2

ते असी तुसा जो उत्साहित करणे तांइ ते विश्वास बिच मजबूत करणे तांइ अपणे इक्क विश्वासी भाई, मसीह रा सुब बसेख सुनाणे वाले असा रे साथी ते परमेश्वर रे सेवादार तीमुथियुस जो तुसा का भेज्जेया।

1 तीमुथियुस 4:6

जे अगर तू संगी विश्वासियां जो इन्हा गल्लां री शिक्षां दिंदा रैह्‍ंगा, तां तैं मसीह यीशु रा खरा दास ठैहराणा ते तैं अपणे मन जो परमेश्वर रे वचन कने मजबूत करणा जिस जो असी बदिया का बदिया शिक्षा कने मनदे भी।