कुलुस्सियों 1:16 - चम्बयाली नौआ नियम

¹⁶ किजोकी तिन्हेरे जरिये ही परमेश्वर ने आसमान ते धरती बिच हर इक्क चीज जो बणाया, चाए से दिख्खे री होण या अणदिख्खी, चाए सिंहासन, चाए मालक, चाए प्रधानतां, चाए हक, सारी चीजां तिन्हेरे ही जरिए बणाई गयी ताकि हर इक्क चीज तिन्हेरी बड़ाई करे।

कुलुस्सियों 1:16 ပူးပေါင်းရင်းမြစ်များ

यूहन्ना 1:10

से दुनिया बिच आया, कने दुनिया तिसेरी वजह कने बणेया थिया, ते दुनिया रे लोक्कां ने तिसजो नी पछाणेया।

यूहन्ना 1:3

परमेश्वर ने सब किच्‍छ वचन रे जरिए बणाया ते हर इक्क चीज जे इस दुनिया बिच बणाई गयी से तिन्हेरे ही जरिए बणाई गयी।

रोमियों 11:36

किजोकी परमेश्वर रे ही पास्से का, ते तिन्हेरे ही जरिए, ते तिन्हेरे तांइ ही सब किच्‍छ है। तिन्हेरी महिमा हमेसा-हमेसा तांइ हुंदी रेयो: आमीन।”

रोमियों 8:38

किजोकी मैं पक्के तौर पर जाणदा, कि ना मौत, ना जिन्दगी, ना स्वर्गदूत, ना स्वर्ग बिच रैह्णे वाले शासक, ना आज्‍ज, ना आणे वाला कल, ना ताकत, ना ही ऊंचाई असा जो मसीह रे प्यार का बखरा नी करी सकदे।

रोमियों 9:5

अब्राहम, इसहाक ते याकूब तिन्हेरे पुरखे हिन। ते मसीह यीशु भी इन्सानी तौर पर इक्क इस्राएली मणू थिये। परमेश्वर जो महिमा मिलदी रे जे सारेयां पर राज करदे। आमीन!

इफिसियों 1:10

परमेश्वर री ए योजना है कि तिन्हेरे ठैहराए रे समय पर आसमान ते जमीन री सब चीजां जो मसीह यीशु रे हक बिच लेई आए।

फिलिप्पियों 2:10

ते जे स्वर्ग अन्दर हिन, धरती पर या तिसेरे थल्ले तिन्हा सारे जणेया ने प्रभु यीशु रे अग्गे झुकणा,

कुलुस्सियों 1:15

कोई भी परमेश्वर जो नी दिख्खी सकदा, पर जां तिन्हेरे पुत्तर ने इक्क मणू रे रुप बिच जन्म लित्ता, तां तिसने परमेश्वर जो लोक्कां पर ज़ाहिर कित्ता किजोकी से अप्पु परमेश्वर रे स्वरूप बिच है। परमेश्वर रा पुत्तर पूरे ब्रम्हांड रे बणाए जाणे रे पैल्ले का है, ते परमेश्वर री बणाए री हर चीज पर तिन्हेरा हक है।

कुलुस्सियों 1:20

ते परमेश्वर ने अपणे पुत्तर जो दुनिया बिच भेज्जेया जिन्हा ने सुली पर कुर्बानी दित्ती। परमेश्वर ने ए सब किच्‍छ इधेरे तांइ कित्ता ताकि से हर इक्क चीज कने सांती बणाई करी मेल जोल करी लैण। इसी तरिक्के कने परमेश्वर ने आसमान ते धरती री हर इक्क चीज कने अपणा मेल जोल करी लित्ता।

कुलुस्सियों 2:10

मसीह यीशु हर ताकत ते राज रे उप्पर प्रधान हिन, इधेरे तांइ जां तुसा मसीह यीशु कने जुड़े रे हिन, तां तुसा बिच कुसकी भी गल्ल री कमी नी हुंदी।

कुलुस्सियों 2:15

ते तिस तरिक्के कने तिन्हा ने दुष्ट प्रधानता ते अधिकारां जो हराई दित्ता। ते सुली पर जीत हासिल करी के, खुलेआम तिन्हेरा तमाशा बणाया।

इब्रानियों 1:2

पर आखरी रोज्जां रे बारे बिच परमेश्वर ने अपणे पुत्र रे जरिये असा कने गल्लां कित्ते री हिन, जिन्हेरे जरिए तिन्हा ने सारे ब्रम्हांड जो भी रचेया, ते जिन्हा जो परमेश्वर ने अपणी रचे री हर चीज रा वारिस भी बणाया।

इब्रानियों 2:10

किजोकी परमेश्वर ने सारा किच्‍छ बणाया, ते सारा किच्‍छ तिन्हेरा ही है। परमेश्वर ने फैसला लित्ता, कि मते लोक्कां जो अपणी महिमा बिच हिस्सा दैणे तांइ, प्रभु यीशु जुल्म सहे, ताकि जुल्म सहणे रे जरिये से सिद्व बणी जाए, किजोकी यीशु ही छुटकारा मिलणे रा जरिया है।

1 पतरस 3:22

ते अवे से स्वर्ग जो चली गेरे हिन। से अवे सबका ऊच्ची जगाह् पर, परमेश्वर रे सज्जे हत्थ पास्से का सारे स्वर्गदूतां पर ते सारी हुकुमतां ते ताकतां पर राज करेया करदे हिन।