कुलुस्सियों 1:11 - चम्बयाली नौआ नियम

¹¹ मैं प्रार्थना करदा कि परमेश्वर री महिमा री ताकत रे मुताबक, हर किस्मे री ताकत कने मजबूत हुन्दे जाओ, ताकि तुसा बड़े सबर कने ते खुसी-खुसी अपणी हर मुसीबत जो सहन करी लेयो।

कुलुस्सियों 1:11 ပူးပေါင်းရင်းမြစ်များ

प्रेरितां रे कम्म 1:8

पर जां पवित्रात्मा तुसा पर आणा तां तुसा ताकत पाणी ते तुसा यरुशलेम सहर ते सारी यहूदियां प्रदेश ते सामरिया प्रदेश बिच, ते दुनिया रे हर कुणे तिकर तुसा मेरे गवाह बणना।”

प्रेरितां रे कम्म 5:41

से इस गल्ल का खुस होई करी महासभा रे सामणे का चली गे, कि असी यीशु रे नां री बड़ाई होणे रे जोग्गे तां ठैहरे।

रोमियों 2:7

जे ठीक कम्मां बिच टिके रेई करी महिमा, इज्जत ते हमेसा री जिन्दगी री खोज बिच हिन, परमेश्वर ने तिन्हा लोक्कां जो हमेसा री जिन्दगी दैणी।

1 कुरुन्थियों 16:13

चुकन्ने रेयो, मसीह यीशु बिच विश्वास करणे बिच स्थिर बणो, हिम्मतवाले बणो, ते विश्वास बिच मजबूत बणो।

2 कुरुन्थियों 4:7

असी मिट्टी रे भांडेया सांई हिन जिन्हा बिच इस धन्न जो जमा करी के रख्खेया गे रा है, किजोकी ए असीम ताकत असा रे पास्से का नी पर परमेश्वर रे पास्से का है।

इफिसियों 3:16

मैं ए प्रार्थना करदा कि से तुसा जो अपणी असीमित महिमा रे जरिये तुसा जो ए दान दैण ताकि तुसा अपणे अंदरूनी मनुष्यत्व बिच ताकत पाई करी मजबूत हुंदे जाओ।

इफिसियों 4:2

मतलब कि सारी दीनता ते निम्तेपन कने, ते सबर रख्खी करी प्यार कने इक्क-दूज्जे री सहन करी लेयो।

इफिसियों 6:10

आखिरकार तुसा परमेश्वर री ताकत बिच आत्मिक रुप बिच अप्पु भी ताकतवर बणदे जाओ।

फिलिप्पियों 4:13

मसीह मेरे जो ताकत दिंदा ते तिस बिच मैं सब किच्‍छ करी सकदा।

2 पतरस 1:6

ते ज्ञान पर अप्पु पर काबू रखणा, ते अप्पु पर काबू रखणे पर मजबूती बधांदे रेयो, ते अपणी मजबूती पर भक्ति,

प्रकाशित वाक्य 14:12

इधेरे तांइ जरुरी है कि पवित्र मणू सबर कने तिस मुसीबतां जो सहन करदे रैह्ण। तिन्हा ने से करणा जिसेरा हुकम परमेश्वर रा दित्ते रा हो, ते से मसीह यीशु पर विश्वास करणा ना छड्डे।