प्रेरितां रे कम्म 9:41 - चम्बयाली नौआ नियम

⁴¹ तिसने हत्थ देई करी तिसजो खड़ेरेया ते परमेश्वर रे लोक्कां ते विधवा जनानियां जो सद्दी करी तिन्हेरे जो से जिन्दी दिखाई दित्ती

प्रेरितां रे कम्म 9:41 ပူးပေါင်းရင်းမြစ်များ

मरकुस 1:31

तां उन्हा ने नेड़े जाई करी उसदा हत्थ पकड़ी करी तिसजो उठाया ते उसदा बुखार उतरी गेया, ते से तिन्हेरी सेवा करणा लग्गी पेई।

लूका 7:12

जां से तिस ग्रां रे दुआर का पूज्जे, तां इक्क बड्डी भीड़ मणू इक्क मुर्दे जो दबणे तांइ तिस ग्रां का बाहर लेई चले रे थिये। मरणे वाला जे थिया, से अपणी मां रा इकलौता मुन्डा थिया, अते तिसेरी मां विधवा थी।

लूका 7:15

तां तिस मुर्दे बिच प्राण आई गे, अते से उठ्ठी करी बेई गेया ते बोलणा लग्गी पेया! यीशु ने तिसजो तिसेरी मां का देई दित्ता

प्रेरितां रे कम्म 20:12

ते से तिस जवान जो जिन्दा लेई आए ते तिन्हा जो बड़े वरी खुसी होई।

प्रेरितां रे कम्म 3:7

ते पतरस ने तिसेरा सीद्दा हत्थ पकड़ी करी तिसजो चुक्केया, ते तिस्सी बेल्ले तिसेरे पैरां ते गोड्डेयां बिच जोर आई गेया

प्रेरितां रे कम्म 6:1

तिन्हा दिनां बिच जां प्रेरितां री गिनती मती बधणा लग्गी, तां यूनानी भाषा बोलणा वाले चेल्‍ले इब्रानी भाषा बोलणे वाले प्रेरितां पर कुड़कुडा़णा लग्गे, कि हर दिन री सेवकाई बिच असा री विधवा जनानियां री खैर-खबर नी लिदें।

प्रेरितां रे कम्म 9:13

हनन्याह ने जवाब दित्तेया, ओ प्रभु जी, मैं इस मणू रे बारे बिच मते जणेया का सुणे रा है कि तिसने यरुशलेम सहर बिच तुसा रे परमेश्वर रे लोक्कां री बड़ी वरी बुराई कित्त्ते री है,

प्रेरितां रे कम्म 9:32

फिरी इय्यां होया कि पतरस तिन्हा प्रदेशां बिच घूमदा रेया ते तिन्हा यीशु पर विश्वास करणे वाले लोक्कां का भी पूज्जेया जे लुद्देया कस्बे बिच रैहन्दे थिये।

1 तीमुथियुस 5:3

विधवा जनानियां री इज्जत करेया करो जिन्हा जो संभालणे ते तिन्हेरी देख-रेख करणे वाला कोई नी है।

1 तीमुथियुस 5:5

विधवा जनानियां परमेश्वर बिच विश्वास रखदी किजोकी तिन्हेरे जो संभालणे वाला कोई नी हुंदा ते से दिन-रात अपणी मदद तांइ परमेश्वर का छंदे-मिन्नतां ते प्रार्थना करणे बिच लग्गी रेह्न्दी।