प्रेरितां रे कम्म 9:22 - चम्बयाली नौआ नियम

²² पर शाऊल होर भी जोर-शोर कने प्रचार करदा गेया ते इस गल्ल जो साबित करी के कि मसीह यीशु इत्ते ही है, दमिश्क बिच रैह्णे वाले यहूदियां रा मुँह बांद्द करदा थिया,

प्रेरितां रे कम्म 9:22 ပူးပေါင်းရင်းမြစ်များ

प्रेरितां रे कम्म 18:5

जां सीलास ते तीमुथियुस मकिदुनिया प्रदेश का आये, तां पौलुस ने तम्बू बनाणा छड्डी करी वचन सुनाणे बिच मगन होई करी यहूदियां जो गवाई दिन्दा थिया कि यीशु ही मसीह है:

लूका 21:15

किजोकी मैं तुसा जो इदेइ जुबान ते समझ दैणी कि तुसा रे दुश्मण तुसा री गल्ल नी कटी सकगे ते ना तुसा रा सामणा करी सकगे।

1 कुरुन्थियों 1:27

पर परमेश्वर ने तिन्हा लोक्कां जो चुणी लित्तेया जिन्हा जो दुनिया रे मणू बेवकूफ समजदे, ताकि परमेश्वर तिन्हा लोक्कां जो शर्मिंदा करण जे अप्पु जो समजदार मनदे।

प्रेरितां रे कम्म 28:23

तां तिन्हा यहूदी अधिकारियां ने पौलुस कने मिलणे तांइ इक्क दिन चुणेया, ते मते सारे मणू तित्ते तिसका कठ्ठी गे, अते से परमेश्वर रे राज री गवाई दिन्दा, ते मूसा रे कानून अते भविष्यद्वक्ता री कताबां का यीशु रे बारे अन्दर समझाई-समझाई करी भ्यागा का लेई करी संझा तांइ गहराई कने दस्दा रेया

फिलिप्पियों 4:13

मसीह मेरे जो ताकत दिंदा ते तिस बिच मैं सब किच्‍छ करी सकदा।

प्रेरितां रे कम्म 17:3

ते तिन्हेरा मतलब खोली करी समझान्दा थिया, कि मसीह यीशु रा दुख उठाणा, ते मरे रे बिच का जिंदा होई जाणा जरुरी थिया, ते ऐई यीशु जिसेरी बारे बिच मैं प्रचार करेया करदा है, से ही मसीह हिन।

प्रेरितां रे कम्म 9:20

ते से तौले ही दमिश्क कस्बे रे सभास्थल बिच जाई यीशु रे बारे बिच प्रचार करणा लग्गेया कि से ही परमेश्वर रा पुत्तर हिन।

प्रेरितां रे कम्म 9:21

सारे सुनणे वाले ए सुणी करी हैरान होई करी बोलणे लग्गेया, कै ए सेइ मणू नी है जे यरुशलेम बिच यीशु पर विश्वास करणे वालेयां जो मुकाई दिंदा थिया, ते इत्ते भी इधेरे तांइ ही आया थिया कि तिन्हेरे एजो बन्नी करी बड्डे पुरोत्तां का लेई जाए?

प्रेरितां रे कम्म 9:23

जां शाऊल मते दिनां तांइ दमिश्क कस्बे बिच थिया, तां यहूदियां ने मिली करी तिसजो मारणे री योजना बणाई,

प्रेरितां रे कम्म 9:27

पर बरनबास ने तिसजो अपणे कन्ने प्रेरितां का लेई जाई करी तिन्हेरे जो दस्सेया कि किय्यां तिसने दमिश्क कस्बे जाणे रे रस्ते बिच प्रभु जो दिख्खेया ते किय्यां प्रभु जी ने तिस कने गल्लां कित्ती, ते दमिश्क कस्बे बिच किय्यां तिस कने यीशु रा प्रचार कित्तेया।

गलातियों 1:18

फिरी त्रै सालां बाद मैं कैफा जो, जिस जो पतरस भी बोलदे, मिलणे तांइ यरुशलेम जो गेया, अते पन्द्रां रोज्जां तांइ तिन्हा का रेया।

1 तीमुथियुस 1:12

मैं असा रे प्रभु यीशु मसीह रा शुकर करदा कि तिन्हा ने मेरे जो ताकत दित्ती ते मेरे जो भरोस्सेमंद समजी करी अपणी सेवा करणे तांइ ठैहराया।