प्रेरितां रे कम्म 9:20 - चम्बयाली नौआ नियम

²⁰ ते से तौले ही दमिश्क कस्बे रे सभास्थल बिच जाई यीशु रे बारे बिच प्रचार करणा लग्गेया कि से ही परमेश्वर रा पुत्तर हिन।

प्रेरितां रे कम्म 9:20 ပူးပေါင်းရင်းမြစ်များ

यूहन्ना 20:28

ए सुणी करी थोमा ने जवाब दित्येया, ओ मेरे प्रभु, ओ मेरे परमेश्वर

गलातियों 2:20

ए इदेया है कि जां यीशु मसीह सुली पर मरे तिय्यां ही मैं भी मरी गेया ते अवे मैं जिंदा नी रेया, पर मसीह यीशु मेरे बिच जिंदे। अते मैं अवे जे जिंदा है तां सिर्फ तिस विश्वास कने जिंदा है, जे मेरे जो परमेश्वर रे पुत्तर पर है, जिन्हा ने मेरे कने प्यार कित्तेया, अते मेरे तांइ अप्पु जो देई दित्तेया।

यूहन्ना 1:49

नतनएल ने तिसजो जवाब दिता, ओ गुरु, तू परमेश्वर रा पुत्तर है, तू इस्राएल रा महाराजा है।

मत्ती 27:43

तिसने परमेश्वर पर विश्वास रखे रा है जे से इसजो चाह्‍ंदे तां अवे इसजो छुड़ाई लेय, किजोकी इसने बोल्लेया थिया मैं परमेश्वर रा पुत्तर है।

मत्ती 4:3

तां शैतान यीशु का आया अते बोलणे लग्गेया, “जे तू परमेश्वर रा पुत्तर है तां इन्हा बट्टेयां जो अपणे खाणे तांइ रोट्टी बणी जाणे रा हुकम देई करी साबित कर।”

प्रकाशित वाक्य 2:18

तिन्हा ने मेरे जो ए भी बोल्लेया, “थुआतीरा सहर री कलीसिया रे स्वर्गदूत जो ए बसेख लिख्ख, परमेश्वर रा पुत्तर, जे मैं ही है, ते जिसेरी हाख्खियां आग्ग री लपटां सांई चमकदी, ते जिसेरे पैर भट्टी री आग्ग बिच तपाए रे पित्तल सांई हिन, तुसा कने ए गल्लां बोल्लेया करदा है,

रोमियों 1:4

ते जां से पवित्रात्मा री ताकत कने मरे रे लोक्कां बिच का फिरी जिन्दे कित्ते गे, तां से परमेश्वर रे पुत्तर ठैहरे।

प्रेरितां रे कम्म 13:14

ते पिरगा कस्बे का अग्गे जाई करी गलातिया प्रदेश रे पिसिदिया जिले रे अन्ताकिया सहर जो पूज्जे ते विश्राम दिन सभास्थल बिच बेई गे।

प्रेरितां रे कम्म 13:5

ते सलमीस बिच पूज्जी करी, परमेश्वर रे वचन जो यहूदियां रे सभास्थल बिच सुणाया, ते यूहन्ना मरकुस नां रा इक्क मणू तिन्हेरा सेवक थिया।

प्रेरितां रे कम्म 9:22

पर शाऊल होर भी जोर-शोर कने प्रचार करदा गेया ते इस गल्ल जो साबित करी के कि मसीह यीशु इत्ते ही है, दमिश्क बिच रैह्णे वाले यहूदियां रा मुँह बांद्द करदा थिया,

प्रेरितां रे कम्म 8:36

रस्ते बिच जादें-जादें से इक्क तलाब का गुजरेया करदे थिये, तां तिस किन्नर ने बोल्लेया, दिख्ख इत्ते तलाब है अवे मेरे जो बपतिस्मा लैणे बिच कै रोक है?

यूहन्ना 20:31

अते जे गल्लां लिख्खी हिन, से इधेरे तांइ हिन कि तुसा विश्वास करो कि यीशु ही परमेश्वर रे पुत्तर, मसीह हिन अते इधेरे तांइ विश्वास करणे रे जरिए तुसा जो उसेरे नां बिच हमेसा री जिन्दगी मिल्लो।

यूहन्ना 19:7

यहूदी अधिकारियां ने तिसजो जवाब दित्तेया, असा रे नियम हिन जे बोलदे हिन, इसजो मरणा पैणा किजोकी इसने अप्पु जो परमेश्वर रा पुत्तर दस्सेया है।

मत्ती 27:54

तां सूबेदार ते जे तिन्हेरे कने यीशु रा पैह्रा देया करदे थिये, हिल्लण ते जे किच्‍छ होया थिया तिसजो दिखिकरी बड़े वरी डरी गे ते बोल्लेया, सच्ची ए परमेश्वर रा पुत्तर थिया!

प्रेरितां रे कम्म 13:33

कि परमेश्वर ने यीशु जो मुर्देयां बिच का जिंदा करी के, से वादा असा री औलाद तांइ पूरा कित्तेया, जिय्यां कि दूज्जे भजन बिच लिख्खे रा है, कि तू मेरा निक्का है, अज्ज मैं तिज्जो जन्म दित्तेया।

प्रेरितां रे कम्म 13:46

तां पौलुस ते बरनबास ने निडर होई करी बोल्लेया, जरुरी थिया, कि परमेश्वर रा वचन पैल्ले तुसा जो सुणाया जांदा, पर हालांकि तुसा तिसजो नक्कारदे हिन, ते अप्पु जो हमेसा री जिन्दगी रे लायक नी समजदे, तां दिख्खो, असा गैर यहूदियां पास्से मुड़ेया करदे हिन।

प्रेरितां रे कम्म 14:1

इकुनियुम सहर बिच इय्यां होया कि से यहूदियां री सभास्थल जो इकठ्ठे गे, ते इदेइ गल्लां कित्ती की, कि यहूदियां ते यूनानियां बिच का केई जणेया ने विश्वास कित्तेया

प्रेरितां रे कम्म 16:13

फिरी विश्राम दिन पर ए सोच्ची करी कि प्रार्थना करणे तांइ तित्ते कोई सभास्थल नी होणा ते असा सहर रे फाटक रे बाहर दरया जो गे, असी तित्ते बेई गे ते इकठ्ठी होये री जनानियां कने गल्ल-बात करणा लग्गे।

प्रेरितां रे कम्म 17:2

ते पौलुस अपणे तरिक्के कने तिन्हा का गेया, ते त्रै विश्राम दिन पर पवित्रशास्त्र का तिन्हा कने बैह्स कित्ती।

प्रेरितां रे कम्म 17:10

फिरी झट ही तिन्हा जो रातो रात संगी विश्वासियां ने पौलुस ते सीलास जो बिरीया कस्बे जो भेज्जी दित्तेया तित्ते पूज्जी करी, से यहूदियां रे सभास्थल बिच गे।

प्रेरितां रे कम्म 17:17

इधेरे तांइ से सभास्थल बिच यहूदियां ते गैर यहूदी परमेश्वर रे भक्तां कने ते चौक बिच जे मणू मिलदे थिये, तिन्हा कने हर रोज बैहस-बाजी करदा थिया।

प्रेरितां रे कम्म 18:4

ते पौलुस हर इक्क विश्राम दिन पर सभास्थल बिच बैहस-बाजी करी के यहूदियां ते यूनानियां जो मसीह बिच विश्वास करणे तांइ समझांदा थिया।

प्रेरितां रे कम्म 18:19

फिरी से त्रैन्नी जणे इफिसुस सहर बिच पूज्जे ते पौलुस ने प्रिस्किल्ला ते अक्विला जो तित्ते ही छड्डी दित्तेया ते अप्पु सभास्थल बिच जाई करी यहूदियां कने बैह्स करणे लग्गेया।

प्रेरितां रे कम्म 19:8

ते पौलुस सभास्थल बिच जाई करी त्रै महिन्ने तांइ बेखोफ होई करी प्रचार करदा रेया, ते परमेश्वर रे राज रे बारे बिच बैह्स करदा ते समझान्दा रेया।

प्रेरितां रे कम्म 8:37

फिलिप्पुस ने तिसजो बोल्लेया, जे अगर तू अपणे पूरे मन कने विश्वास करदा, तां ए होई सकदा: तिसने जवाब दित्तेया कि मैं विश्वास करदा कि मसीह यीशु ही परमेश्वर रे पुत्तर हिन।