प्रेरितां रे कम्म 9:18 - चम्बयाली नौआ नियम

¹⁸ ते तिसी बेल्ले तिसेरी हाक्खिया का छिलके जेय पेय ते से दिखणा लग्गेया ते उठी करी बपतिस्मा लित्तेया,

प्रेरितां रे कम्म 9:18 ပူးပေါင်းရင်းမြစ်များ

प्रेरितां रे कम्म 2:38

पतरस ने तिन्हा जो बोल्लेया, अपणे पाप्पां का तौबा करो, ते तुसा बिच का हर इक्क अपणे-अपणे पाप्पां री माफी पाणे तांइ मसीह यीशु रे नां कने बपतिस्मा लै तां तुसा पवित्रात्मा रा दान मिलणा।

प्रेरितां रे कम्म 2:41

अते जिन्हा ने तिसेरा बसेख सूणेया ते विश्वास कित्ता, तिन्हा ने बपतिस्मा लित्ता ते तिसी दिन त्रै हजार लोक्कां रे लगभग तिन्हा विश्वासियां रे दल बिच मिली गे।

प्रेरितां रे कम्म 22:13

ते खड़ी करी मेरे जो बोलणा लगेया, ओ भाई शाऊल, अवे दिख् तिस्सी बेल्ले मेरी आख्खियां खुली गेई ते मैं तिसजो दिख्खेया

प्रेरितां रे कम्म 22:16

अवे ऐड्डी हाण किजो लाया करदा है? उठ, बपतिस्मा लै, ते तिन्हेरा नां लै ताकि तेरे पाप माफ होई जाण।

प्रेरितां रे कम्म 9:17

तां हनन्याह उठी करी शाऊल रे घरे गेया, ते तिस पर अपणा हत्थ रखि करी बोल्लेया, ओ भाई शाऊल, प्रभु यीशु ने मेरे जो भेज्जे रा है, जे तुसा जो रस्ते बिच दिस्से थिये, ताकि तू फिरी दिखि सके ते पवित्रात्मा कने भरी जाए।

प्रेरितां रे कम्म 9:19

फिरी रोट्टी खाई करी तिसजो थोड़ा जोर आया। ते से दमिश्क कस्बे बिच रैह्णे वाले चेल्‍लेयां का ही थोड़े दिनां तिकर रेया।

प्रेरितां रे कम्म 9:8

तां शाऊल जमीन का उठेया ते जां हाख्खियां खोल्ली तां तिसजो किच्‍छ भी नी दिस्सेया, ते से मणू तिसेरा हत्थ पकड़ी करी दमिश्क जो लेई गे

2 कुरुन्थियों 3:14

तिन्हेरी समझ मंद होई गे री है, किजोकी अज्ज तांइ जां से तिस मूसा रे कानून जो पढ़दे, तां से ही परदा तिन्हेरी समझ पर पेई रैहन्दा, पर से परदा वस मसीह यीशु पर विश्वास करणे रे जरिए ही हटदा।

2 कुरुन्थियों 4:6

किजोकी परमेश्वर ने ही बोल्ले रा है, “न्याहरे बिच रौसनी चमके।” ते से ही असा रे दिल बिच चमकी, ताकि असी मसीह बिच परमेश्वर री महिमा जो दिख्खी सकण।