प्रेरितां रे कम्म 9:11 - चम्बयाली नौआ नियम

¹¹ तां प्रभु यीशु ने तिसजो बोल्लेया, उठ ते सीद्दा नां री गली बिच यहूदा रे घरे जा, तित्ते शाऊल नां रे इक्क तरसुस रे रैह्णे वाले मणू जो तोप, किजोकी से प्रार्थना करेया करदा है,

प्रेरितां रे कम्म 9:11 ပူးပေါင်းရင်းမြစ်များ

यूहन्ना 4:10

यीशु ने जवाब दित्ता, जे तू परमेश्वर रे वरदान जो जाणदी जे से तिज्जो दैणा चाह्‍ंदे, कने ए भी नी जाणदी कि से कुण है जे तिज्जो बोलदा, मेरे जो पाणी पिया, तां तू तिसका मंगदी कने से तिज्जो जिन्दगी रा पाणी दिंदा।

प्रेरितां रे कम्म 11:13

ते तिन्ने दस्सेया कि, मैं इक्क स्वर्गदूत जो अपणे घरे खड़ा दिख्खेया, जिस ने मेरे जो बोल्लेया, कि याफा बिच मणूआं जो भेजी करी शमौन जो जिस जो पतरस भी बोलदे जो सद्दी लेईया।

प्रेरितां रे कम्म 11:25

तां से शाऊल जो तोपणे तरसुस कस्बे जो चली गेया,

प्रेरितां रे कम्म 2:21

ते जे कोई परमेश्वर रा नां लिदां उन्निए छुटकारा पाणा।”

प्रेरितां रे कम्म 21:39

पौलुस ने बोल्लेया, मैं तां तरसुस रा यहूदी मणू है! किलिकिया रे मस्हूर सहर रा रैह्णे वाला मैं तेरे छन्दे करदा कि तू मेरे जो मणूआं कने गल्लां करणा दे

प्रेरितां रे कम्म 22:3

मैं ता यहूदी मणू है, अते मेरा जन्म किलिकिया प्रदेश रे तरसुस कस्बे बिच होया पर इस सहर अन्दर गमलीएल रे पैरां रे नेड़े बिठाई करी पढ़ाया गे रा है, ते बब्ब-दाद्देयां री परम्परा मेरे जो ठीक तरिक्के कने सखाई गे री है मेरे अन्दर परमेश्वर तांइ बड़ा जोस थिया जिय्यां अज्ज तुसा अन्दर है

प्रेरितां रे कम्म 8:22

इधेरे तांइ अपणे मन री इन्हा बुरी गल्लां का तौबा कर ते प्रभु का प्रार्थना कर, मुमकिन है कि तेरे मन री बुरी गल्लां जो माफ करी दित्ती जाए।

प्रेरितां रे कम्म 8:26

फिरी परमेश्वर रे इक्क स्वर्गदूत ने फिलिप्पुस जो बोल्लेया, उठ ते दक्षिण रे पास्से तिस रस्ते पर जा, जे यरुशलेम सहर का गाज़ा सहर जो जादां, जे रेगीस्थानी रस्ता है।

प्रेरितां रे कम्म 9:30

ए जाणी करी संगी विश्वासी तिसजो कैसरिया सहर बिच लेई आए ते तरसुस जो भेज्जी दित्तेया।