प्रेरितां रे कम्म 8:9 - चम्बयाली नौआ नियम

⁹ तिस सहर बिच शमौन नां रा इक्क मणू रैहन्दा थिया, जे जादू-टोणा करी के सामरिया प्रदेश रे लोक्कां जो हैरान करी के ते तिन्हेरे सामणे अप्पु जो कोई बड्डा मणू दसदा थिया

प्रेरितां रे कम्म 8:9 ပူးပေါင်းရင်းမြစ်များ

यूहन्ना 7:18

जे कोई अपणे पासे का बोलदा से अपणी अप्पु ही बड़ाई करदा, पर जे अपणे भेजणे वाले री बड़ाई चाहन्दा, से ही सच्चा है, कने तिस बिच कोई ढोंग नी है।

प्रेरितां रे कम्म 13:6

ते तिस सारे टापू बिच घूमदे-फिरदे, से पाफुस जाई पूज्जे तित्ते तिन्हा जो बारयीशु नां रा इक्क यहूदी जादू-टौणे करणे वाला झूठा भविष्यद्वक्ता इक्क मणू मिल्लेया।

प्रेरितां रे कम्म 13:8

पर इलीमास जे जादू-टौणे करणे वाला थिया, किजोकी ए ही तिसेरे नां रा मतलब है तिन्हेरे खिलाफ होई करी, हाकिम जो मसीह यीशु बिच विश्वास करणे का रोकणा लग्गेया।

प्रेरितां रे कम्म 5:36

किजोकी इन्हा दिनां का पैल्ले थियुदास ए बोलदा होया उठेया थिया, कि मैं भी किच्‍छ है ते कोई चार सौ मणू तिसेरे कने होई गे, पर से मारेया गेया ते जिनिये मणू तिसजो मनदे थिये, सारे तित्तर-बित्तर होई गे ते मिटी गे।

प्रेरितां रे कम्म 8:11

तिसने मते दिनां का तिन्हा सारेयां जो अपणे जादू-टौणे रे कम्मां कने हैरान करी के रख्खे रा थिया, इधेरे तांइ से तिसजो बड़ा मन्दे थिये।

2 थिस्सलुनीकियों 2:4

तिनिये परमेश्वर रे ते हर इक्क तिस चीज रे खिलाफ होणा मणू जिसेरी अराधना करदे ते तिनिये ए दावा करणा कि से तिन्हा सारेयां का जादा बड्डा है। इत्ते तिकर कि तिस दुष्ट ने मन्दिर बिच भी बेई जाणा ते सारेयां जो ए बोलणा कि से अप्पु ही परमेश्वर है।

2 तीमुथियुस 3:2

किजोकी तिस समय बिच लोक्कां ने सिर्फ अपणी ही परवाह करणी, तिन्हा ने लालची, बुड़कां मारणे वाले, घमंडी, बेजती करणे वाले, मां-प्यो री गल्लां री ना-फरमानी करणे वाले, एहसान फरामोश, अपवित्र

2 तीमुथियुस 3:5

तिन्हा ने परमेश्वर रे भक्त होणे रा ढोंग ता करणा पर तिन्हा ने परमेश्वर री ताकत जो तिन्हा जो सुधारणे नी दैणा। इदेय लोक्कां का दुर रेयो।

2 पतरस 2:18

जां से लोक्कां जो सिखाणा लगदे, तां से बेकार ते घमंड कने भरपूर शब्दां रा इस्तेमाल करदे। से लोक्कां जो ए सिखांदे कि से अपणे सरीर री बेशर्मी भरी इच्छां जो पूरा करी सकदे। ते से लोक्कां जो पाप री से ही चीजां करणे बिच दुबारा भटकाई दिंदे जिस जो करणा तिन्हा ने हाल ही बिच छड्डे रा हुंदा।

प्रकाशित वाक्य 22:15

बाहर कूत्ते, जादू-टौणे करणे वाले, अश्लील मणू, हत्यारे, मूर्तां री पूजा करणे वाले ते झूठ बोलणे वाले होणे। से कदी भी सहर बिच नी आई सकदे।