प्रेरितां रे कम्म 8:7 - चम्बयाली नौआ नियम

⁷ किजोकी फिलिप्पुस रे हुकम दैणे पर लोक्कां बिच का दुष्टात्मा चिडां मारी करी निकली जादीं थी, ते मते सारे मणू जे लट्टे थिये ते जिन्हा जो अधरगं होए रा थिया से ठीक होई गे।

प्रेरितां रे कम्म 8:7 ပူးပေါင်းရင်းမြစ်များ

मत्ती 10:1

तां यीशु ने अपणे बारां चेल्‍लेयां जो सद्दी करी तिन्हा जो दुष्टात्मा जो बाहर निकालणे, अते हर तरह री बीमारी ते कमजोरी जो दुर करणे रा हक दित्तेया।

मत्ती 11:5

कि अन्ने दिखदे हिन, अते अपाहिज हंडदे फिरदे हिन, कोढ़ी सुच्चे कित्ते जाया करदे हिन, अते टौणे सूणदे हिन, मुर्दे जिंदा होया करदे हिन, अते गरीबां जो सुब बसेख सुणाया जाया करदा है।

मत्ती 4:24

अते गलीली जिले रे उत्तर दिसा बिच जे सीरिया इलाका थिया, तित्ते तिन्हेरी खबर फैल्ली गई ते मणू इदेय सब मणूआं जो, जे नेक-बनेक्की बमारियाँ अते दुखां अन्दर जकड़ित्तेरे थिये, जिन्हा अन्दर दुष्टात्मा थिया, जिन्हा जो मिरगी आंदी थी अते जे अधरगं रे मारे थिये यीशु का लियाणा लग्गे यीशु ने तिन्हा जो खरा कित्तेया।

मरकुस 9:26

तां से दुष्टात्मा लेरां मारदी अते तिस मुंडे जो बड़े जोरे मरोड़ी करी, निकली गई, अते निक्का अधमरा जदेया होई गेया, इत्ते तक लोक्कां जो लग्गेया कि से मरी गेया।

लूका 10:17

जिस बेल्ले से बाकि रे सत्तर चेल्‍ले खुसी-खुसी वापस हटी आए तां यीशु जो बोलणा लगे, ओ प्रभु, दुष्टात्मा भी तुसा रे नां कने असा रे हुक्मां जो मन्नेया करदी थी।

यूहन्ना 14:12

मैं तुसा कने सच-सच बोलदा, जे मेरे पर विश्वास रखदा, ए कम्म जे मैं करदा, तिन्ने भी करणे पर तिन्ने इन्हा का भी बड्डे-बड्डे कम्म करणे किजोकी मैं पिता का चलेया

प्रेरितां रे कम्म 5:16

यरुशलेम सहर रे नेड़े-तेड़े रे सहरां बिच का भी विश्वासी मणू बिमार ते दुष्टात्मा रे सताए रे लोक्कां जो लाई करी कठिदें थिये, ते से सारे प्रेरितां रे जरिए ठीक करी दित्ते जादें थिये।

प्रेरितां रे कम्म 8:6

जां तित्ते भीड़ ने फिलिप्पुस री गल्लां जो सूणेया ते जे चिन्ह-चमत्कार से करदा थिया से दिख्खे तां तिन्हा ने तिसेरी गल्लां पास्से ध्यान लाया

इब्रानियों 2:4

ते परमेश्वर ने मते चिन्ह-चमत्कार, आश्चर्यकर्म, ते पवित्रात्मा रे दान देई करी इस बसेख जो लोक्कां सामणे पक्का कित्ता।