प्रेरितां रे कम्म 8:30 - चम्बयाली नौआ नियम

³⁰ फिलिप्पुस दौड़ी करी तिस रथ रे नेड़े पूज्जेया, ते तिसजो यशायाह भविष्यद्वक्ता री कताब पढ़दे होये सूणेया, ते पूच्छेया, तू जे पढ़ेया करदा कै तिसजो समजदा भी?

प्रेरितां रे कम्म 8:30 ပူးပေါင်းရင်းမြစ်များ

मत्ती 13:19

से भी जे रस्ते पर पेया थिया, उसेरा मतलब है कि जां कोई राज रा वचन सूणान्दा अते तिसजो नी समजदा, तां से शैतान आई करी, जे किच्‍छ तिन्हेरे दिलां बिच बाया गे रा थिया, तिसजो से चुराई लिन्दा।

मत्ती 13:23

जे ठीक मिट्टी पर भी पे थिये, ए से हिन, जे वचनां जो सूणदे अते समजी करी फल्ल लियान्दे, किच्‍छ सौ गुणा, ते किच्‍छ साठ्ठ, ते किच्‍छ तीह् गुणा।

मत्ती 13:51

यीशु ने अपणे चेल्‍लेयां का पूच्छेया, कै तुसा ए गल्लां समजे? तिन्हा ने यीशु जो बोल्लेया, हाँ!

मत्ती 15:10

तां यीशु ने मणूआं जो अपणे का सद्दी करी तिन्हा जो बोल्लेया, सुणो अते समझो।

मत्ती 24:15

इधेरे तांइ जां तुसा तिस उजाड़ने वाली तिस घटिया चीज जो दिख्खो जिसेरी गल्ल दानिय्येल भविष्यद्वक्ता रे जरिए सुणे री थी, पवित्र जगाह् पर खड़ित्ते रे दिख्खो (जे पढे, से समजे)।

मरकुस 13:14

पढ़ने वाले इस गल्ल जो समजी जाण “से दिन आया करदा है जां तुसा मन्दिर बिच तिस घटिया चीज जो, तित्ते दिखणा जित्ते तिसजो नी होणा चाएदा ते जिसेरे बारे बिच दानिय्येल भविष्यद्वक्ता ने भविष्यवाणी कित्ती थी, जां तुसा तिसजो मन्दिर बिच आंदे दिख्खो तां जे यहूदियां जिले बिच हिन से पहाड़ा पर नह्सी जायो।”

यूहन्ना 4:34

यीशु ने तिन्हा जो बोल्लेया, मेरी रोट्टी से है कि परमेश्वर जिन्हा ने मेरे जो भेज्जे रा है, तिन्हेरी मर्जी रे हिसाब कने चलां ते तिसेरा कम्म पूरा करां।

यूहन्ना 5:39

तुसा पवित्रशास्त्र जो पढ़दे किजोकी सोचदे कि तिस बिच तुसा जो हमेसा री जिन्दगी मिलदी ते ए ही है जे मेरी गवाई दिंदा।

प्रेरितां रे कम्म 8:27

से उठी करी चली पेया, ते कूश देस रा इक्क मणू आया करदा थिया जे किन्नर थिया, ते कूशियां री राणी कदांकिया रा मत्रीं ते खजांची थिया। से अराधना करणे जो यरुशलेम सहर आया थिया।

प्रेरितां रे कम्म 8:29

तां पवित्रात्मा ने फिलिप्पुस जो बोल्लेया, जाई करी इस रथ रे नेड़े रे।

प्रेरितां रे कम्म 8:31

तिसने बोल्लेया, जां तिकर कोई मेरे जो ना समजाए तांइ तिकर मैं किय्यां समजां? ते तिसने फिलिप्पुस का बिनती कित्ती की से रथ पर चढ़ी करी तिस कने बेई जाए। ते फिलिप्पुस रथ पर चढ़ी करी तिस कने बेई गेया।

प्रेरितां रे कम्म 8:5

ते फिलिप्पुस सामरिया प्रदेश रे इक्क कस्बे बिच गेया ते तित्ते मसीह यीशु रे बारे बिच सारेयां जो दसणा लग्गेया।

1 कुरुन्थियों 14:19

पर कलीसिया बिच बखरी-बखरी भाषां री दस हजार गल्लां बोलणे का जादा खरा ता मेरे तांइ ए है कि सारेयां जो सखाणे तांइ समजदारी री पांज्ज ही गल्लां बोल्लां।

इफिसियों 5:17

इस तांइ बेफकुफ मत बणो, पर ध्यान कने समझो की परमेश्वर री मर्जी कै है?

प्रकाशित वाक्य 13:18

ज्ञान इस्सी बिच है, जिस जो समझ हो, से इस जानवर रा अंक जोड़ी लेंन, किजोकी मणू रा अंक है, ते तिसेरा अंक छे सौ छियाह्ठ है।