प्रेरितां रे कम्म 8:3 - चम्बयाली नौआ नियम

³ पर शाऊल कलीसिया रे लोक्कां पर जुल्म करदा थिया ते सारे जनानियां ते मर्दां जो धृड़ी-धृड़ी करी जेल बिच पाया करदा थिया।

प्रेरितां रे कम्म 8:3 ပူးပေါင်းရင်းမြစ်များ

प्रेरितां रे कम्म 16:19

जां तिसेरे मालकां ने दिख्खेया कि असा री कमाई री आस पर तां पाणी फिरी गेया, तां पौलुस ते सीलास जो पकड़ी करी बजार बिच अधिकारियां का धरीड़ी करी लेई गे

प्रेरितां रे कम्म 22:19

मैं बोल्लेया, ओ प्रभु जी, तिन्हा जो ता पता है कि मैं तुसा पर विश्वास करणे वालेयां जो जेल बिच पाई दिन्दा ते हर इक्क सभास्थल बिच कुटवांदा थिया।

प्रेरितां रे कम्म 7:58

ते तिसजो यरुशलेम सहर रे बाहर कड्डी करी तिस पर बट्टे मारी करी तिन्हेरे जो जान का मारणा लग्गी पये। स्तिफनुस रे खिलाफ गुआई दैणे वालेयां ने अपणे चोग्गे उतारी करी शाऊल नां रे इक्क जवान मणू का रख्खी दित्ते।

प्रेरितां रे कम्म 8:2

ते किच्‍छ भक्तां ने स्तिफनुस जो कब्र बिच रख्खेया: ते तिसेरे तांइ अफसोस कित्तेया।

प्रेरितां रे कम्म 9:21

सारे सुनणे वाले ए सुणी करी हैरान होई करी बोलणे लग्गेया, कै ए सेइ मणू नी है जे यरुशलेम बिच यीशु पर विश्वास करणे वालेयां जो मुकाई दिंदा थिया, ते इत्ते भी इधेरे तांइ ही आया थिया कि तिन्हेरे एजो बन्नी करी बड्डे पुरोत्तां का लेई जाए?

1 कुरुन्थियों 15:9

किजोकी मैं प्रेरितां बिच सारेयां का छोटा है, बल्कि मैं प्रेरित केहलाणे रे जोग्गा भी नी है, किजोकी मैं परमेश्वर री कलीसिया रे लोक्कां पर जुल्म करदा हुंदा थिया।

गलातियों 1:13

तुसा जाणदे कि मैं यहूदी नियमां जो किन्ना जादा मनदा थिया, कि मैं मसीह री शिक्षा पर चलणे वालेयां पर बड़ा वरी जुल्म करदा थिया, ते परमेश्वर री कलीसिया जो नास करणे री कोसीस करदा रैहन्दा थिया।

फिलिप्पियों 3:6

ते मेरे अंदर इन्ना जोस थिया कि मैं कलीसिया जो तंग करणे वाला मणू थिया, ते यहूदी नियमां रे हिसाब कने इक्क धार्मिक मणू थिया किजोकी मैं हर कानून जो मनदा थिया।

1 तीमुथियुस 1:13

मसीह बिच विश्वास करणे पैल्ले तां मैं तिन्हेरी बुराई करदा थिया, विश्वासी लोक्कां पर जुल्म करी के बड़ी बेरहमी कने तिन्हेरा नुक्सान करदा थिया पर फिरी भी परमेश्वर ने मेरे पर दया कित्ती किजोकी मेरे जो नी पता थिया कि मैं जे करेया करदा है से गलत है किजोकी तिस बेल्ले तक मैं मसीह यीशु बिच विश्वास नी कित्तेया थिया।

याकूब 2:6

पर तुसा कगांल मणू री बेज्जती कित्ती। अमीर मणू ही तुसा पर जुल्म नी करदे, ते से ही तुसा जो कचहरियां अदंर धृड़ी-धृड़ी करी नी लेई जादें।